Mme Saam86
Akam Defid
1Abọọñ Abasi, mbọk kop nyʌñ mbọọrọ miin,sia ami ndo uweene mme awo unana.2Kpeme uwem mmi, sia ami mmenam akpanikọ ye afo;nyaaña awo mfo a-anieghe mbuọdidem ke afo.Afo ado Abasi mmi;3ntua miin mbọm, O Abọọñ,sia ami nseeme ukoot fiin afịd usen.4Abọọñ, nọ awo mfo idadesịd,sia ami mbuọt idem ke afo.5O Abọọñ, afo amefọn anyʌñ ama adifeen ndudue,afo ayọhọ ye ima anọ mbon se ukoot fiin.6Abọọñ, mbọk kop akam mmi;Kpañ utọñ ke uyio ñkpeubọk mmi.7Ami nseeme ukoot fiin, ke ini mbaaha ke ukuud,ndin afo añyie miin.8Abọọñ, ibaaha ake ubit fiin ke atu mme abasi:ibaaha mme edinam se ekeme adiben ndomo ye ake mfo.9Abọọñ Abasi, afịd mme idịd se afo akenameyaedi edituak iwuod ukpono fiin;ammọ eyaeben ubọọñ enọ anyịñ mfo.10Afo amekpon anyʌñ anam mme utịppe utom;afo ikpọọñ kpọd ado Abasi.11Abọọñ ñkpeep miin usʌñ mfo,nọ ami mbuọt idem ke akpanikọ mfo;nnọ miin nsọọñọnda esịd,nọ ami ñkeme adibaak anyịñ mfo.12Ami ñyautooro fiin, Abọọñ Abasi mmi, ke afịd esịd mmi;ami ñyaakpono anyịñ mfo ke nsi-nsi.13Sia ima se afo anie annọ miin anekke akpon;afo amensio miin ke udem,amensio ke ube ñkpa.14O Abasi, mme asua ye mbon ntañidem esʌk enwana ye ami;mbon unana mbọm esʌk eyem adiñwot miin;ammọ inieghe ukpono unọ fiin.15Ado afo, Abọọñ, ado Abasi esịd mbọm ye mfọn,usọppọ iyadesịd, ado ayọhọ ye ima ye akpanikọ.16Mbọk, kanna ñkeene miin nyʌñ ntua mbọm;wọt adudu mfo ke ntak awo mfo;ñnyaaña miin, sia ami nnam ñkpọ unọ fiinukem nte eka mmi akenamma.17Nnọ miin idiọọñọ mfọn mfo,yak mme asua mmi ekịt, abuud anyʌñ amʌm ammọ,sia afo, Abọọñ, ameñnyaaña miin anyʌñ andọñ miin esịd.Biblica, Inc.