Mme Saam51
Ake etubom ikwọ. Saam Defid. Ke ini prọfed Natan akediighe abịne Defid ke anye amaakesịn efịbe ye Bedseba.
Akam E-ebọññọ Eyem Adifeen
1Nie mbọm mbaña miin, O Abasi,ke ntak ima mfo ake imiikpuuho;ke ntak ekamba mbọm mfokwokko mme ndudue mmi sio.2Yet afịd ukwaññkpọ mmi sionyʌñ nam ami nsana ñkpọñ idiọọkñkpọ mmi.3Sia ami mmediọọñọ mme ndudue mmi,ndin idiọọkñkpọ mmi anyʌñ anna miin ke iso afịd ini.4Ami mmudue fiin, kpa afo ikpọọñ,mmenyʌñ nnam se idiọọk ke iso mfo;ke ntoro afo amenen ke ubiideikpe mfoanyʌñ anen ke ini afo akpeeghe ikpe.5Ke akpanikọ ami ñkemana ke ukwañ,eka mmi akeñyommo miin ke idiọọkñkpọ.6Ado afo akeyem akpanikọ tọọñọ ke ntʌñidịb;afo akeñkpeep miin aniọñ ke ndedịbe itie ado.7Ñyet miin ke haisọb, ndin ami ñyaasana;Ñyet miin, ndin ami ñyaasana ñkan sino.8Nam ami ñkop inemesịd ye idaara;yak mme akpọ ake afo akebʌññọ edaara.9Kuuse mme idiọọkñkpọ mminyʌñ kwokko afịd mme ukwaññkpọ mmi sio.10O Abasi, bot adisana esịd nsịn miin ke idem,nyʌñ demme sịbidịd nsọọñọnda ke idem mmi.11Kumbịne miin usio ke iso mfokuunyʌñ umbọọ miin adisana Sịbidịd mfo.12Maana nnọ miin inemesịd a-atooho adinyaaña mfonyʌñ nnọ miin adinyịmme sịbidịd, yak ammʌm miin akama.13Ndin ami ñyaakpeep mme aduembed usʌñ mfonọ mme anamidiọọk etịmme ubịne fiin.14O Abasi, nsio miin ke ubiomikpe uduọk iyiibafo a-adooho Abasi Andinyaaña mmi,ñko edeme mmi ayaakwọ adinenido mfo.15Abọọñ, tat ñkpọkinua mmi,ndin inua mmi ayaatañ itooro mfo.16Afo uyemme uwa, akpeyem ñkpaunọ; afo unyʌññọ ukop inem ke mme ufọfọb uwa.17Uwa mmi, O Abasi, ado sịbidịd mbʌññọesịd;mbʌññọesịd ye esịd mfʌhọafo, O Abasi, uduusịnne.18Yak unem fiin esịd adinam Saiyọn aforo,ye adibọp mme ndibene Yeruselem.19Ndin afo ayaakop inemesịd ke mme uwa ndinen awoke mme ufọfọb uwa e-efọppọ ifre;ndin eyaewa mme ñyaaraenañ ke akpokoro uwa mfo.Biblica, Inc.