Mme Saam34
Ake Defid. Ke ini anye akenamma ñkpọ nte awo mbeiwuod ke iso Abimelek, a-akebịneke anye asio, ndin anye adakka anyọñ.
Kpono Abọọñ
1Ami ñyaakọọm Abọọñ afịd ini;itooro amọ ayaaba ke ñkpọkinua mmi afịd ini.2Ami ñyaabuuro mbuuro ke Abọọñ;yak mbon ñkpọnnam ekop enyʌñ edaara.3Ikpono Abọọñ ye ami;yak idiana keed itooro anyịñ amọ.4Ami mmaayem Abọọñ, ndin anye amañyie miin;añnyaaña asio ke afịd ndịk mmi.5Iso anwaña mbon se iwuuk anyen ise anye;kpaanaanam iso ammọ idiaha abuud.6Awo unana ami amaaseeme akoot, ndin Abọọñ amaakop;anye amaanyaaña anye asio ke afịd mfịna amọ.7Enyere Abọọñ akanna mbon se ibaak anye akʌk,anyʌñ anyaaña ammọ.8Itap ise ke Abọọñ a-afọn;afọfọn anọ awo a-adịbeke ke anye.9Ibaak Abọọñ, ndufo mme ndisana ikọd amọ,sia mbon se ibaak anye inanake ñkpọ ndomokeed.10Mme ekpe ekeme ikop mmemidem ye abiọọñ,ado mbon e-eyemme Abọọñ inanake eti ñkpọ ndomokeed.11Idi, nditọ mmi, ikpañ utọñ innọ miin;Ñyaikpeep ndufo mbaak Abọọñ.12Anie awo ke atu ndufo ama uwemanyʌñ ayem adikịt uwak usen eyọhọke ye nti ñkpọ?13Kpeme edeme mfo akuutañ idiọọknyʌñ kpeme ñkpọkinua mfo akuusʌhọ nsu.14Wọññọ kpọñ idiọọk nyʌñ nam se inen;yem emem nyʌñ feghe bịne anye.15Anyen Abọọñ ase ndinen awo,ndin utọñ amọ anyʌñ akop eseeme ammọ;16ado Abọọñ inenne iso ye mme anam idiọọk,nọ ato do anye asọọk anyịñ ammọ asio ke iso isọñ.17Mme ndinen awo eseeme, ndin Abọọñ akop ammọ;anye anyaaña ammọ asio ke afịd mfịna ammọ.18Abọọñ akpere mbon ake esịd abʌññọkeanyʌñ anyaaña mbon ake sịbidịd ammọ anuahake.19Adinen awo akeme adinie uwak mfịna,ado Abọọñ anyaaña anye asio ke afịd;20anye akpeme afịd mme akpọ amọ,ndomokeed ke atu ammọ idiibʌññọke.21Idiọọk ayaawot ibak;mme asua adinen awo eyaedue isob.22Abọọñ ayaafak ikọd amọ;awo ndomokeed a-adịbeke ke anye idiidueghe isob.Biblica, Inc.