Mme Saam31
Ake etubom ikwọ. Saam Defid.
Akam E-ebọññọ Eyem Ukpeme
1Ke afo, Abọọñ, ami ndịbe ke afo;kuuyak ami ndia abuud;dat adinenido mfo ñnyaaña miin.2Kpañ utọñ mfo nnọ,sọsọp di ñnyaaña,do itiad udịbe mmi,akpọsọñ itie ubọkkọ adiñnyaaña miin.3Sia afo adooho itiad mmi ye itie ubọkkọ mmi,ke ntak anyịñ mfo, ndat miin usʌñ.4Kuuyak ndʌk afia e-ekọọhọ enịm ennọ miin,sia afo ado itie udịbe mmi.5Ami mmeyaak ukpọñ mmi usịn fiin ke ubọk;mfak miin, Abọọñ, anam akpanikọ Abasi mmi.6Ami mmesua mbon e-emʌmmọ mme ubobodñkpọ i-imiinieghe ufọn ekama;amaado ami, mbuọt idem ke Abọọñ.7Ami ñyaadaara ñnyʌñ nnem esịd ke ima mfo,sia afo amaakịt ukuud mmianyʌñ adiọọñọ ubiak ukpọñ mmi.8Afo uñyaaha miin usịn ke ubọk mme asuaado anam ñkpad mmi abono ke itie se inwaña.9Ntua miin mbọm, Abọọñ, sia mba ke nnananyen;anyen amfuut anọ mfʌhọ,ukpọñ ye idem mmi eba ke mfʌhọ.10Uwem mmi ayọhọ ye mfʌhọndin isua mmi ayọhọ ye mmịm;inweek ambọkkọ anọ idiọọkñkpọ mmi,mme akpọ mmi enyʌñ emeem.11Ke ntak afịd mme asua mmi,ami ndo ñkpọ nsaha nnọ mme mbọhọidʌñ mmiñnyʌñ ndo ñkpọ ndịk nnọ mme akpan ufan mmi,mbon se iñkịt ke usʌñ efeeñe eñkpọñ.12Emfre miin nte ebo ke ñkekpaakpa;ami ñyeba nte mbomo usiọñ.13Sia ami mmekop naña uwak awo esʌk esuuk uyio etañ,“Ndịk aba afịd itie!”Ammọ edʌk idiọọk adu embaña miinenyʌñ edioomo naña edat uwem mmi.14Ado ami mbuọt idem ke afo, Abọọñ;ami mbo ke, “Afo ado Abasi mmi.”15Ini mmi asịne ke ubọk mfo;ñnyaaña miin sio ke ubọk mme asua mmi,ke ubọk mbon embịneke miin.16Yak iso mfo ayamma anọ awo mfo;ñnyaaña miin ke akwa ima mfo.17Kuuyak ami ndia ndọk, Abọọñ,sia ami mmetua ayịd unọ fiin;ado yak mbon ibak edia ndọkenyʌñ edop uyio ke abioekpo.18Yak ñkpọkinua nsu ammọ edobo,sia ye ntañidem ye unana ukponoammọ etañ ikọ isa-isa edian ndinen awo.19Adaña die ke nti ñkpọake afo anịmme anọọ mbon se ubaak fiin ewak,ye se afo anam nọ afịd awo ekịt,anọ mbon se idịbe ke afo.20Afo adịp ammọ ke itie udịbe ke iso mfombaak mme ndiọi ibak ñkara mbon awo;afo anịm ammọ ke ifuuro ke itie idʌñ mfombaak mme edeme ndoduyio.21Itooro anie Abọọñ,sia anye amañwọt miin mme utịppeñkpọ e-etooho ima amọke ini ami ñkebaaha ke abio e-ekekannake ekʌk.22Ke ini ndịk akennamma miin ami mmaabo,“Embịne miin esio ke iso mfo!”Ado afo amaakop ayịd ake ami ntuaha ñyem mbọmke ini ami ñkukoodo fiin ñyem unwam.23Ima Abọọñ, afịd nti ikọd amọ!Abọọñ akpeme mbon e-enamma akpanikọ ye anye,ado asio mbon ntañidem usiene ayọhọ-ayọhọ24Sọñ idem nyʌñ sọñ esịd,afịd ndufo e-edotto anyen ke Abọọñ.Biblica, Inc.