Mme Saam19
Ake etubom ikwọ. Saam Defid.
Mme Utịppeñkpọ Abasi ye Ufọn Mbed Amọ
1Mme hefịn ebʌk ubọọñ Abasi;mme ikpaanyọñ enyʌñ etañ se ubọk amọ anam.2Ke usen ke usen ammọ eneme;kwa akonayio ammọ eyaara ifiọk.3Ammọ inieghe nneme, ikamake ikọ isem usem;awo ikoppo uyom ito ammọ.4Ado uyio ammọ awuọ adʌk afịd unadod,ikọ ammọ asịm utịd ederimbod.Ke mme hefịn Abasi anam atayad anịm anọ utịn.5Aba nte ebendọ ato ubeed amọ awuọ adi,nte awo uko anem esịd adifeghe nduba amọ.6Anye asakka ke mbeñ anyọñ keedanyʌñ asaña akanna akewuọ mbeñ uko;ñkpọ ndomokeed a-mmiikoppo ufiob amọ ibaaha.7Mbed Abọọñ afọn ama,ademme awo ukpọñ.Mme ewʌhọ Abọọñ edo akpanikọ,enam mme akọi enie aniọñ.8Mme usʌñ Abọọñ enen,enọ idaara ke esịd.Mme mbed Abọọñ eyamma,enọ anyen unwana.9Uteeñe Abọọñ asana,aba ke nsi-nsi.Mme ewʌhọ Abọọñ edo akpanikọ,ndin afịd ammọ edo ndinen.10Ammọ e-esọñ udua ekan kold,ekan ataa eti kold;ammọ e-enem ekan adanakwọọk,ekan adanakwọọk a-awuọhọ ke mba akwọọk.11Edat ammọ etemme ayịnufọk mfo ñkpọ;Ekamba udod asịne ke adinịm ammọ.12Ado anie akeme adikịt mme ndudue ammọ?Dakka nnọ ke mme ndedịbe ndudue mmi.13Mʌm awo mfo kama mbaak ñkoinnam idiọọkñkpọ;kuuyak ammọ eñkara miin.Ndin ami ndiinieghe ndo,ñnyʌñ nsana mbọkkọ mme ikpọ idiọọkñkpọ.14Yak mme ikọ inua mmi ami ye akikere esịd mmi amiunem fiin esịd,Abọọñ, Itiad mmi ye Andimfak miin.Biblica, Inc.