Mme Saam104
1Ukpọñ mmi, tooro Abọọñ.Abọọñ Abasi mmi, afo ado ataa akpọsọñ,afo ameyọhọ ye ubọọñ mme uyai.2Abọọñ aben unwana awañ idem amọ nte ewịra;anye adette mme hefịn nte ekamba atayad3anye anyʌñ abịt abom ubeed anyọñ amọ ke mme mmọọñ ammọ,Anye anam ntọñanyọñ ado sariọd amọanyʌñ awat ke mba afịm.4Anye anam mme afịm edo isʌñutom amọ,mme edemeikañ edo nditọufọk amọ.5Anye anịm ederimbod ke itiad idakisọñ;ñkpọ ituudo anye tutu amama.6Afo afʌk anye ye ntotəño mmọọñ nte ewịra;mme mmọọñ emaeda ke anyọñ abod.7Ado ke nsuannọ mfo mme mmọọñ esat,ke uyio aduma mfo ammọ emaefeeñe;8ammọ efiọọrọ ke anyọñ mme ikpọabod,esọiyọ edʌk ke abedeñ,ekaa itie a-afo akenịmme anọọ ammọ.9Afo amaanịm adaña a-ammọ imiidikanna iboiyo;tutu amama ammọ idiifʌkkọ isọñ aba.10Anye anam mmọọñ idịm anwañña mmọọñ adọñ ke mme abedeñanye afiọrọ ke ufọọd ikpọabod.11Ammọ enọ afịd mme unam ikọd mmọọñ;mme dọñki ikọd esuuk nsaditọñ ammọ.12Mme inuen ke ikpaanyọñ ebọp ufọk ke mben mmọọñ;ammọ edoro ke ñkọk eto ekwọ ikwọ.13Anye atie ke ntotəño ubeed amọ aduọi mmọọñ ke anyọñ abod,isọñ akop uyʌkkọ ato mfịd ubọkutom amọ.14Anye anam nọ mbid atịppe anọ mme enañ,ñko ñkpọ inwañ aba se mme awo etọ,asio ndidia ato isọñ awuọ adi:15mmịn a-anọọhọ awo idadesịd,adan a-anamma iso ammọ ayamma,ye uyo a-anọọhọ esịd ammọ uyʌkkọ.16E-enekke eduọk mmọọñ enọ mme eto Abọọñ mfọn-mfọn,mme sida Lebanọn a-anye aketọọhọ.17Do ke mme inuen ebọp efọk ammọ;ikpañinyañ anie itie idʌñ amọ ke mme yunipa.18Mme ñkoñ-ñkoñ ikpọabod enie mme ebod ikọd;mme abaitiad edo itie udịbe enọ mme ntəkenañ.19Anye amaanam afiọñ nọ awʌt ini,ñko utịn adiọọñọ ini se asuuhọ.20Afo aben ekịm adi, anye akappa ado akonayio,ndin afịd mme unam ke akai editiatiaara.21Mme ekpe ekuun eyem se emʌmenyʌñ eyem ndidia ammọ eto Abasi.22Utịn asakka ndin ammọ edịbe;nọ ammọ etịmme enyọñ edina ke mme ube ammọ.23Ndin mme awo ewuọñọ ekaiya utom ammọenyʌñ enam utom ammọ tutu ndubiayio.24Abọọñ, mme utom mfo ewak die?Ke aniọñ ke afo akenam afịd ammọ;ederimbod ayọhọ ye se afo aboot.25Akpainyañ aba, akpon anyʌñ atara,ayọhọ ye mme unam se awo imiikanna ibat,mme aduuwem ñkpọ, ikpọ ye ntək.26Do ke nsʌñikañ efiọọrọ ekaa iso ye edem,ye idiọọk unam mmọọñ, a-afo akebotto yak abre mbre do.27Afịd se afo akebot ekama anyen use fiinyak anọ ammọ ndidia ke akemini.28Afo amaanọ ammọ,ammọ ekpuut ebon;afo amaatat ubọk,ammọ enie uyʌkkọ nti ñkpọ.29Afo umaudịp iso mfo,akpọsọñ ndịk amʌm ammọ;umaubọ ammọ inweek,ammọ ekpañña emaana ekappa ntọñ.30Afo umaudọñ Sịbidịd mfo,eboot ammọ,afo amaana ademme iso isọñ.31Yak ubọọñ Abọọñ aba ke nsi-nsi;yak Abasi adat esịd ke mme utom amọ,32anye a-aseeghe ederimbod, ndin ederimbod anyeñ,anye ake atuuhọ mme abod, ndin ammọ esio nsʌñikañ.33Ami ñyaakwọ nnọ Abọọñ ke afịd ayio uwem mmi;ami ñyaakwọ itooro nnọ Abasi mmi ke adaña nte mbaaha ke uwem.34Yak akikere esịd mmi anem anye esịd,ke naña ami ndat esịd ke Abọọñ.35Ado yak mme anamidiọọk esop ke iso isọññko mbon ibak ekuuba aba.Ukpọñ mmi, tooro Abọọñ.Tooro Abọọñ.
Biblica, Inc.