Read Mme Ñke 24

Mme Ñke24

Ayọhọ Ikọ Edịb

¹Kuufịbe mbon ibak,kuudʌk ndʌk ye ammọ;²sia esịd ammọ eduak afai,inua ammọ enyʌñ etañ ebaña naña enam ntịme.

Ayọhọ Ikọ Edịb Mme Keed

³Edat aniọñ ebọp ufọk,enyʌñ ekama mbufiọk ewuuk anye;⁴ato ke ifiọk mme ubeed amọ eyọhọye nti ye mfọọn ñkpọuto.

Ayọhọ Ikọ Edịb Mme Iba

⁵Awo aniọñ anie adikan ato akpọsọñ adudu,ndin mbon se inie ifiọk esio inweek ammọ.⁶Ke akpanikọ afo ameyem ndadusʌñ adinwana ekọñ,adikan anyʌñ ato ke uwak mme anọitem.

Ayọhọ Ikọ Edịb Mme Ita

⁷Aniọñ akpon abọhọ anọ mme ndisịme;ke itie mbono ke inuaatob ammọ inaaha ekʌppọ inua ammọ.

Ayọhọ Ikọ Edịb Mme Inaañ

⁸Awo akeedodo a-aduakka idiọọkediidiọọñọ anye nte awo ñkara.⁹Ñkara ndisịme ado idiọọkñkpọ,mme awo enyʌñ esua enọ awo ñnyọọ.

Ayọhọ Ikọ Edịb Mme Ition

¹⁰Adieke afo aduọhọ ke ini mfịna,adudu mfo ado etək-etək!¹¹Fak mbon e-edatta eka ñkpa;biọọñọ mbon e-edatta eka adiwot.¹²Adieke afo abooho, “Ado ñnyịn ikidiọọñọke ibaña ñkpọ ami,”nte andidomo esịd idiidiọọñọke ibaña?Nte andikpeme uwem mfo idiọọñọke ado?Nte anye idiinọọhọ afịd awo utịb ikeene se ammọ enam?

Ayọhọ Ikọ Edịb Mme Itiokeed

¹³Ayịn awodeen mmi, dia adanakwọọk, sia anye a-afọn;adanakwọọk a-atooho ndukpa adanakwọọk anem kpa naña afo ama.¹⁴Diọọñọ ñko ke aniọñ atie nte adanakwọọk unọ fiin:Adieke afo akịtte anye, idodanyen ini iso mmọdo aba unọọ fiin,ndin idodanyen mfo idiikpuuho.

Ayọhọ Ikọ Edịb Mme Itiaba

¹⁵Kuudịbe nte idiọọk inọ ukpere ufọk ndinen awo,kuubịme itie idʌñ ammọ;¹⁶sia akpesʌkado ndinen awo eduọhọ akañ itiaba, ammọ eyaemaana edakka eda,ado mbon ibak edutịn ke nnananyen amaadi.

Ayọhọ Ikọ Edịb Mme Itiaita

¹⁷Kuudaara ke ini asua mfo amaaduọ;ammọ emaetuak ukod, kuuyak esịd mfo adaara,¹⁸imiidooho Abọọñ ayaakịt anyʌñ asuaanyʌñ awọññọ iyadesịd amọ akpọñ ammọ.

Ayọhọ Ikọ Edịb Mme Usʌkkeed

¹⁹Kuunie mfịna ubaña mme anamidiọọkme adifịbe mbon ibak,²⁰sia anamidiọọk inieghe idodanyen ini isondin eyaenịme utuenikañ awo ibak.

Ayọhọ Ikọ Edịb Mme Duob

²¹Ayịn mmi, baak Abọọñ ye adidem,kuunyʌñ udiana ye mme asọñiwuod mbon utom ukara,²²sia ñkpọ iba ado eyaeben usọp-usọp nsobo esọk ammọ,ndin anie awo idiọọñọ se utọ afanekọñ ke ammọ ekeme ediben ndi?

²³Mbon ami esʌk edo kpa mme ikọ aniọñ:Aditeeñe awo anyen ke ubiideikpe ifọnnọ:²⁴Awo akeedodo a-abooho adueñkpọ, “Afo udueghe,”mbon awo eyaesuuñọ anye, mme idịd enyʌñ esua enọ anye.²⁵Ado ayaafọn anọ mbon e-ebiommo mme adueñkpọ ikpe,ndin uwak adidiọñ eyaedi ebịne ammọ.

²⁶Ibọọrọ a-adooho akpanikọatie nte aditʌm awo ñkpọkinua.

²⁷Nekke nam utom ke anwaesiinnyʌñ fuut mme inwañ mfo bono;umaukweeñe ado, bọp ufọk mfo.

²⁸Kuutie ntiense nsu ubaña mbọhọidʌñ mfo ke ntak imiibaaha,nte afo akpaadat inua mfo atịn awo usʌñ?²⁹Kuubo, “Ami ñyaanam ammọ naña ammọ ekennam miin;Ami ñyaasio ammọ usiene ke se ammọ ekenam.”

³⁰Ami ñkesaña mboiyo ke inwañ awo ifu,nsaña mboiyo ke inwañ fain awo i-imiinieghe eti iwuod;³¹mbaraekpe amaayọhọ afịd itie,mbid amaatịppe afịd ikọd,ndibene itiad amaanyʌñ awuuro.³²Ami mmaaben esịd mmi nsịn ke se ñkekịtñnyʌñ ñkpeep ñkpọ nto se ami ñkekịt:³³Etək-etək idab, etək-etək iyeed,etək adibọp ubọk nduọk adudu,³⁴ndin uweene ayaadi ubịne fiin nte inọunana ñko ayaadi ubịne fiin nte amauke.

Biblica, Inc.

https://app.library.bible/content/825826284e6a73a9