Mme Ñke13
1Anieiwuod ayịn akop item ete amọ,ado awo nsaha ikoppo nduaiya.2Mme awo ebọ nti ufọn eto mfịd inua ammọ,ado mbon abiaña enie udọñ enọ afai.3Mbon e-ekpemeke inua ammọ ekpeme uwem ammọ,ado mbon etañña ikọ isa-isa itreke ikịt mbiara.4Awo ifu ikoppo uyʌkkọ,ado ubọk anam utom ayaanie ayọhọ uyʌkkọ.5Adinen awo asua abiaña,ado mbon ibak edatabuud ye asuenne enọ idem ammọ.6Adinenido akpeme awo akpanikọ,ado ibak akan anamidiọọk.7Awo keed anam nte ido imọ awo, ado inieghe ñkpọ ndomokeed;awo mfen anam nte ido uweene, ado anie uwak inie.8Inie awo akeme adifak uwem ammọ,ado uweene ikanna ibọọrọ nduaiya.9Unwana adinen awo anekke ayamma,ado efuut utuenikañ awo ibak eniime.10Itie nte afanekọñ aba, ntañidem aba ke ndo,ado ekịt aniọñ ye mbon se ikop item.11Akʌk abiaña inieghe nsọọñọnda,ado awo a-anwanake akʌk amọ ntək-ntək anam anye atọt.12Usiondod idodanyen anam esịd adọñọ,ado udọñ a-awuọhọ awọt idem ado eto uwem.13Awo akeedodo a-asuaha item ayaabọ idiọọk utịb,ado awo akeedodo a-akponoke ewʌhọ ayaabọ eti utịb.14Ukpeebñkpọ awo aniọñ ado idịm mmọọñuwem,awọññọ awo asio ke afia ñkpa.15Etiiwuod abọ mfọn,ado usʌñ abʌd-abʌd awo adat ammọ akaa nsobo.16Afịd mme adiọọñọidem awo enam ñkpọ ye ifiọk,ado mme ndisịme eyaara ndisịme ammọ.17Isʌñutom ibak aduọ adʌk ntịme,ado eti asañautom asaña ye ukọk.18Awo akeedodo a-asịnne ntʌnọ akịt uweene ye nsobo,ado awo akeedodo a-akoppo item abọ ukpono.19Udọñ a-awuọhọ asu anọ ukpọñ inemesịd,ado mme ndisịme esua ediwọññọ ñkpọñ idiọọk.20Saña ye mbon aniọñ nyʌñ kappa do awo aniọñ,sia nsaña ndisịme awo adia ndọk.21Mfịna abịne anamidiọọk,ado ndinen awo ebọ utịb nti ñkpọ.22Eti awo anịm udeeme ñkpọ anọ nditọ nditọ amọ,ado inie idiọọk awo ana anọ adinen awo.23Ufa ikọd asio ndidia anọ uweene,ado utʌk akwọọk anye aduọọk.24Awo akeedodo a-asaanake ikpa ayaak a-asua nditọ amọ,ado awo a-amaaha nditọ ammọ a-atịñ anyen atʌnọ ammọ.25Ndinen awo edia ekop uyʌkkọ ke esịd ammọ,ado idịb awo ibak atie abiọọñ.
Biblica, Inc.