Filimọn1
Ekọọm ye Akam
1Ami Pọọl, awo ñkpakọb Krais Yisọs, ye Timoti ayịneka ñnyịn inọọ ñwed ami esọk Filimọn, adima ufan ye nsañautom ñnyịn.2Inọ ñwed ami ñko esọk Afia, ayịneka ñnyịn awonwaan, ye Akipus, emọ-emọ awo ekọñ ñnyịn, ye ufọkabasi e-esisooboke ke ufọk mfo.3Yak mfọn ye emem etooho Abasi Ete, ye Abọọñ ñnyịn Yisọs Krais, eba ye ndufo.4Ami mmesikọọm Abasi mmi ubaña fiin afịd ini a-ami mbọññọ akam.5Sia mmekop mbaña mbuọdidem a-afo anieghe ke Abọọñ Yisọs, ye ima a-anieghe anọọ afịd ndisana ikọd amọ.6Ami mbọñ akam mbo Abasi unọ fiin ukeme adika iso ke utom ewuana ami ke mbuọdidem, anyʌñ unọ fiin ifiọk a-abañake afịd nti ñkpọ a-ñnyịn iwuanake ato ke Krais.7Ima mfo annọ miin ataa idadesịd ye nsọọñọnda, sia afo, ayịneka mmi ke Krais, amedemme esịd ikọd Abasi.Pọọl Akpeubọk Abaña Onesimọs
8Akpesʌkado ami mmenie ayọhọ unen ke Krais adubo fiin anam mme ñkpọ se idot,9ado ke ntak ima ami mmekappa ukpekpeiye fiin, ami Pọọl, akaanadeen ye awo ñkpakọb Krais Yisọs.10Ami ukpe fiin ubọk mbaña ayịn mmi Onesimọs, a-akekappake ado ayịn mmi idaha a-ami ñkesịneke ke ñkpakọb.11Ke ini a-akeboiyoke anye ikibaaha ufọn unọ fiin, ado idahami anye a-aba ufọn unọ fiin, anyʌñ aba ufọn annọ miin.12Mmenọ anye a-ami nsiooho afịd esịd mmi mma nte atịmme ubịne fiin.13Ami ñkpaakema anye aba mi ye ami nọ anye adat itie mfo ke adiñnwam miin ke ini ñkpọnọ asʌkkọ andọñọ miin ke ukod ato ke ntak adikwọrọ eti etob Krais.14Ado ami ñkiyemme adinam ntoro ke miitooho ke unyịmme mfo, mbaak mfọnido mfo aditie nte unyeenyịk.15Adikidiañña anye ukpọñ fiin ke etək-etək ini akeme ido akedo nọ anye amaana atịmme adi adiba ye afo ke nsi-nsi,16idooho aba nte afʌn, ado se ikpon ikan ado, nte adima ayịneka. Ami mmema anye eti-eti, ado anye ayaafọn ye afo akan, nte emọ-emọ awo ye nte ayịneka ke Abọọñ.17Ke ntoro, adieke afo ambatta miin nte awo nsaña utom mfo, daara anye ukem-ukem naña afo akpendaara miin.18Akpedo anye u-udue fiin ke usʌñ keed akeedodo anyʌñ ado anye u-ukama fiin isʌñ, bat afịd ado nnọ miin.19Ami Pọọl, ndat ubọk mmi ñwet nte ke mmenwọñọ ke ñyaakpọñ unọ. Kpa ye ado afo ameñkama miin isʌñ akponno akan ado, a-adooho idem mfo.20Ke ntom, ayịneka mmi ke Krais, nam ami ñkịt mfọn uto fiin, nyʌñ nam ñkpọ inemesịd nnọ miin ke Krais.21Ami ñwet ñwed ami ye afịd idodanyen nte ke afo ayaanam se mbeeñe ami; ke amenyʌñ akan adinam ñkan naña ami mbeeñe.22Ndin ñkpọ keed mfen; beeñe ubeed asenawo nịm nnọ miin; sia mmeduak ntịmme ñnyọñ ubịne fiin nte ibọrọ akam mfo.23Ebafras, emọ-emọ awo ñkpakọb mmi ke ntak Krais Yisọs, anọ ekọọm.24Maak ñko, Aristakus, Demas ye Luk, mme nsaña utom mmi, e-enọ ekọọm.25Yak mfọn Abọọñ ñnyịn Yisọs Krais aba ye Sịbidịd ndufo.Biblica, Inc.