Nọmba30
Akaaña
1Akem Moses amaabo mme adaiwuod ke mme esiin Isrel: “Ami ado se Abọọñ atemme:2Ke ini awo anamma akaaña anọ Abọọñ me anwọñọ enwọñọ abo ke imisịm idem imọ ke idak unwọñọ, inaaha anye abiat akaaña amọ ado yak anye anam afịd se anye aketañ.”3“Ke ini abọikpa a-asʌkkọ adʌñ ke ufọk ete amọ anamma akaaña anọ Abọọñ me a-anyịkke idem amọ adinam enwọñọ,4ndin ete amọ akop akaaña me enwọñọ ado ado isuaha inọ anye, ndin afịd akaaña ye enwọñọ a-anye akenamma ayaasọọñọ ida.5Ado adieke ete amọ asuaha anọ anye ke ini anye adikoppo abaña, akaaña me unwọñọ a-anye akenwọñọke anọ idem amọ idiisọọñọke ida; Abọọñ ayaafeen anọ anye sia ete amọ a-asua anọ anye.”6“Adieke anye adọọhọ ebe ke anye amaakenam akaaña me ke ñkpọkinua amọ amaaketañ ke imọ iminwọñọ inọ idem imọ7ndin ebe amọ akop abaña ado isuaha inọ anye, ndin akaaña me enwọñọ amọ ayaasọọñọ ada.8Ado ebe amọ akpekpan anye ke ini anye akoppo abaña, anye abiat akaaña a-anye akekaañake ye enwọñọ a-akewuọhọ anye ke inua a-anye akebenne abọp idem amọ, ndin Abọọñ ayaafeen anọ anye.”9Akaaña me enwọñọ keed akeedodo se ebekpa me awonwaan amaakewuọ ndọ anamma ayaabọp anye.10Adieke awonwaan a-adʌññọ ye ebe amọ anamma akaaña me a-anyịkke idem amọ ke idak unwọñọ11ndin ebe amọ akop abaña ado ibooho anye ñkpọ ndomokeed inyʌññọ isua inọ anye, afịd unwọñọ me akaaña a-anye akenamma ayaasọọñọ ada.12Ado adieke ebe amọ asịññeke mme akaaña ado ke ini anye akoppo abaña ammọ, ndin akaaña ndomokeed me enwọñọ ndomokeed a-aketooho anye inua idiisọọñọke ida. Ebe amọ amaatañ asio, ndin Abọọñ ayaadakka anọ anye.13Ebe amọ akeme adisọọñọ a-anyʌñ akeme adibiat akaaña ndomokeed me enwọñọ ndomokeed a-anye anamma adikañ idem nsio. 14Ado adieke ebe amọ imiibooho anye ñkpọ ndomokeed ibaña akaaña ado ke usen ke usen, awuọ anye a-asọọñọ afịd akaaña amọ ye mme enwọñọ a-abọppọ anye. Anye asọọñọ ke adikʌp inua ke ini anye akoppo mme ñkpọ ami.15Ndin, adieke anye atañña se anye amaakekookop asio, ana anye abọ utịb ukwaññkpọ anwaan.16Mme mbon ami ado mme ewʌhọ Abọọñ akenọọhọ Moses ke abaña ewuana awodeen ye anwaan amọ, ye ke abaña ete ye ayịn abọikpa amọ asʌkkọ adʌñ ye anye.Biblica, Inc.