Nọmba16
Kora, Datan ye Abiram
1Kora ayịn Isaa, ayịn Kohad, ayịn Lifai, ye usʌk ubon Rubịn, e-ekedooho Datan ye Abiram, nditọ ideen Eliab, ye Ọn ayịn Peled, emaekappa edo mbon usọñanyen2enyʌñ edakka eda enam ntịme ye Moses. Ammọ emaedat ideen Isrel awo ikie iba mme aba mme duob (250) edian idem, mbon e-ekenekkeke ediọọñọ nte mme adadusʌñ e-ekenyʌññọ emek esịn ke atu mbon esob.3Ammọ emaedi edinam ikọ ye Moses ye Erọn enyʌñ ebo ammọ, “Ndufo emenam eboiyo adaña! Afịd abio ado adisana, afịd ammọ, ndin Abọọñ mmọdo aba ye ammọ. Nsoo ndin inam nọ ndufo eben idem ndufo enịm ke itie akoñño akan esob Abọọñ?”4Ke ini Moses akekoppo ami, anye amaaduọ asịn iso ke isọñ.5Akema anye amaabo Kora ye udịm amọ ate: “Ñkpọñ ubakusen Abọọñ ayaawọt awo a-adooho ake amọ ye awo a-adooho adisana, ndin anye ayaanam awo ado asaña akpere anye. Awo ake anye amek anye ayaanam anye asaña akpere anye.6Ndin afo, Kora ye afịd udịm mfo ana nte enam ami: Idat mme ñkpọ usịn insensi7ndin ñkpọñ isịn ukañ ye insensi ke ammọ ke iso Abọọñ. Awo A-Abọọñ amekke adiido anye a-asanake. Ndufo mme Lifai emenam eboiyo adaña!”8Moses amaanyʌñ abo Kora, “Ikpañ utọñ idahami, ndufo mme Lifai!9Nte ikemme ndufo ke Abasi Isrel amaibakka ndufo asio ke atu mbon Isrel mfen anyʌñ idat ndufo nọ ekpere anye idem enam utom ke itieukpono Abọọñ enyʌñ eda ke iso atu awo enam ñkpọ enọ ammọ?10Anye amaikoono ndufo ye afịd mme Lifai akpere idem amọ, ado idahami ndufo eyem itie aku ñko.11Afo ye mme nsaña mfo ediana keed enam ikọ ye Abọọñ. Erọn ado anie nọ ndufo edukuunọ ebaña anye?”12Akema Moses amaakoot Datan ye Abiram, nditọ ideen Eliab. Ado ammọ emaebo, “Ñnyịn idiidiighe!13Nte ikemme ke afo adikisịññe ñnyịn ke isọñ a-afiọọrọke ye mmọọñeba ye adanakwọọk nọ adiwot ñnyịn ke anaan? Idahami ñko afo ayem adinyʌñ ikara ñnyịn!14Mfen ñko, afo udatta ñnyịn udʌk ke isọñ a-afiọọrọke ye mmọọñeba ye adanakwọọk unyʌññọ unọ ñnyịn udeeme ke inwañ ye mme inwañ fain. Nte afo ayem adidat mbon ami nte mme ifʌn? Iyoo, ñnyịn idiidiighe!”15Ndin Moses amaayat esịd eti-eti anyʌñ abo Abọọñ, “Kuubọọ enọ ammọ. Ami ñkebọọhọ ñkpọ nte dọñki nto ammọ, ñkenyʌññọ nnam ammọ idiọọk.”16Moses amaabo Kora, “Afo ye afịd mme udịm mfo ana ewuọñọ edi iso Abọọñ ñkpọñ, afo ye ammọ ye Erọn.17Awo keedekeed ana aben ñkpọ usịn insensi amọ anyʌñ asịn insensi ke esịd, ñkpọ usịn insensi ikie iba mme aba mme duob (250) ke afịd, enyʌñ eben edi ke iso Abọọñ. Afo ye Erọn eyaeben ñkpọ usịn insensi edi ekọrọ.”18Ndin awo keedekeed amaaben ñkpọ usịn insensi amọ, asịn ukañ ye insensi ke esịd, ndin ada ye Moses ye Erọn ke anyenusʌñ atayad mbono.19Ke ini Kora amaakebok afịd nsaña amọ ke adinam ikọ ye ammọ ke anyenusʌñ atayad mbono, ubọọñ Abọọñ amaasọiyọ adʌk ke afịd esob.20Abọọñ amaabo Moses ye Erọn,21“Ibakka idem ndufo ikpọñ esob ami yak ami ñkan nsobo ammọ ini keed.”22Ado Moses ye Erọn emaeduọ ekʌp iso ke isọñ etua, “O Abasi, Abasi a-anọọhọ afịd mme aduuwem ñkpọ ibifịk uwem, nte afo adiiyat esịd ye afịd esob ke ini awo keed anamma idiọọkñkpọ?”23Ndin Abọọñ amaabo Moses,24“Tañ nọ esob, ‘Isịkke ikpọñ mme atayad Kora, Datan ye Abiram.’ ”25Moses amaadakka ada anyʌñ abịne Datan ye Abiram, ndin mme ñkpisọñ Isrel emaekeene anye.26Anye amaanọ esob ikpan ate, “Isịkke ikaa edem ikpọñ atayad mbon ibak ami! Ikiituuk ñkpọ ndomokeed a-adooho ammọ enie, imiidooho eyaikwuọk ndufo esio ke ntak idiọọkñkpọ ammọ.”27Ndin ammọ emaesịkke ekpọñ mme atayad Kora, Datan ye Abiram. Datan ye Abiram emaewuọñọ edi enyʌñ eda ye mme ibaan ammọ, nditọ ye ntəkayịn ke mme anyenusʌñ atayad ammọ.28Ndin Moses amaabo, “Ami ado naña ndufo ediidiọọñọ ke Abọọñ andọñ miin nnam afịd mme ñkpọ ami ndin ke ikidooho akikere mmi:29Adieke ideen ami ekpaaha ñkpa nte naña afịd awo ekpañña enyʌñ eben ufen ubonawo, awuọ idooho Abọọñ akendọñ miin.30Ado adieke Abọọñ atịppeke ufa ñkpọ anam, ndin isọñ akʌppọ inua amọ atañ ammọ amen, ye afịd ñkpọ se ammọ enie, ndin ammọ etịkke ekaa ndisi ye uwem ke abio mme akpañkpa, ndin ndufo eyaediọọñọ ebo ke mbon ami eben Abọọñ esịn ke ndek.”31Kpasʌk ke idaha Moses akweeñeke aditañ afịd ikọ ami; isọñ a-ammọ ekedaaha amaabakka iba32ndin amaatat inua amọ anyʌñ aben ammọ amen ye afịd ufọk ammọ, ye afịd mbon se ikinie ewuana ye Kora, adiana ye mme inie ammọ.33Ndin ammọ emaetịkke ndisi ekaa ke abio mme akpañkpa, ye afịd ñkpọ se ammọ ekenie, isọñ anyʌñ afʌk ammọ, ndin ammọ emaetak enyʌñ ewuọñọ ekpọñ atu awo.34Ndin naña ammọ ekesʌkkọ etuaha, afịd nditọ Isrel e-ekedaaha ekpere ammọ emaefeeñe, ebọñ ñkpo, “Isọñ ayaitañ ñnyịn imen ñko!”35Ndin ikañ amaato Abọọñ anyʌñ ata awo ikie iba mme aba mme duob (250) e-ekefọppọ insensi.36Abọọñ amaabo Moses,37“Dọkkọ Eliasa ayịn Erọn, aku, yak asịññe mme ñkpọ ufọp insensi akpọñ mme akpo anyʌñ asuan mme ukañ asịññe ke anyan usʌñ, sia mme ñkpọ ufọp insensi edoñño ndisana,38mme ñkpọ ufọp insensi mbon e-ekenamma idiọọk enyʌñ etaba uwem ammọ. Mia mme ñkpọ ufọp insensi ado nọ edette nyʌñ kama ammọ fʌk ke itie unam uwa, sia emaeben ammọ edi iso Abọọñ ndin ammọ ekanna edo ndisana. Yak ammọ eba nte idiọọñọ enọ nditọ Isrel.”39Ndin Eliasa aku amaakoono mme ñkpọ ufọp insensi brọns a-mbon ikañ aketaaha awot ekebenne edi; ndin anye amaanam emia ammọ mbaak efʌk ke itie unam uwa,40kpasʌk naña Abọọñ aketemme anye ato inua Moses. Ami akedo aditoiyo nditọ Isrel ke awo ndomokeed mfen ke imiibọhọke mbon e-etooho ubon Erọn inaaha edifọp insensi ke iso Abọọñ, imiidooho anye adiitie nte Kora ye mme nsaña amọ.41Akema ke edemusen afịd nditọ Isrel emaedukuunọ ebaña Moses ye Erọn ete. “Ndufo emewot ikọd Abọọñ.”42Ado ke ini esob ekebohoke idem adinam ikọ nsuukuyio ye Moses ye Erọn enyʌñ ekanna iso ese atayad mbono, ntuhube amaafʌk anye ndin ubọọñ Abọọñ amaawuọ.43Ndin Moses ye Erọn emaekaa ke iso atayad mbono, ndin44Abọọñ amaabo Moses,45“Idakka ikpọñ esob ami nọ ñkweeñe ye ammọ ini keed.” Ndin ammọ emaeduọ ekʌp iso ke isọñ.46Ndin Moses amaabo Erọn, “Ben sensa mfo nyʌñ sịn insensi ke esịd, ye mme ufọfọb ukañ a-atooho akpokoro uwa, nyʌñ sọsọp kaa ke esob kenam ñkpeubọk nọ ammọ. Iyadesịd Abọọñ a-abịmme; idiọọk udọñọ a-atọọñọ.”47Ndin Erọn amaanam se Moses aketemme, anyʌñ afeghe adʌk ke esob. Idiọọk udọñọ ado amaatọtọọñọ ke atu mme awo, ado Erọn amaafọp insensi anyʌñ anam ñkpeubọk anọ ammọ.48Ndin anye amaada ke ufọọd mme aduuwem ye mme akpañkpa, ndin idiọọk udọñọ ado amaanyʌñ atre.49Ado awo tọsịn duob mme inaañ mme ikie itiaba (14,700) emaekpañña ke idiọọk udọñọ ado, eben edian ye mbon ekekpaññake ke ntak Kora.50Akema Erọn amaatịmme abịne Moses ke anyenusʌñ atayad mbono, sia idiọọk udọñọ ado amaatre.Biblica, Inc.