Nehimaiya3
Mme Andibọb Ndibene
1Eliasịb ekamba aku ye mme emọemọ aku mfen emaedaaña ekaa utom enyʌñ ekebọp Inuaatob Edọñ. Ammọ emaenịm anye ke adisana enyʌñ edọọñ mme udọk, enyʌñ ebọp tutu akewuọ Tọwa Ikie, ake ammọ ekenịmme ke adisana, tutu akewuọ Tọwa Hananel.2Mbon Yeriko emaebọp ediana do, ndin Saku ayịn Imri amaabọp adiana ammọ.3Nditọ ideen Hasenaa ekebọp Inuaatob Iyak. Ammọ emaebono mme abom amọ enyʌñ edọọñ mme udọk ye mme etəñ ye ufiọk amọ ke itie.4Meremọd ayịn Yuria, ayịn Hakos, akediọñ ikpeghe a-adianake ammọ. Adakka do, Mesulam ayịn Berekia, ayịn Mesesabel, akediọñ adiana ammọ, ndin Sadọk ayịn Baana anyʌñ adiọñ adiana ammọ.5Ado mbon abio Tekoa ekediọñ mbakka a-akedianake, ado mme mbọọñ ammọ ikisịnne idem ke utom ado ke idak ndadusʌñ ammọ.6Yoiyada ayịn Pasei ye Mesulam ayịn Besodeiya ekediọñ Inuaatob Yesana. Ammọ emaebon abom amọ enyʌñ edọñ udọk ye mme etəñ ye ufiọk ammọ ke itie.7Ke udiana, mbon Kibiọn ye Mispa, Melatia awo Kibiọn ye Yadọn awo Meronọd, emaediọñ mme itie ke idak adaukara ke Edem-Yufretis.8Usiel ayịn Hahaiya, keed ke atu mme anamusọ kold, amaadiọñ adiana anye; ndin Hananaiya, keed ke atu mbon unam pefium, amaanyʌñ adiọñ itie adiana do. Ammọ emaediọñ Yeruselem tutu akewuọ Ñnwaña Ndibene.9Refaiya ayịn Họọ, andikara ubaak Yeruselem, amaadiọñ adiana ammọ.10Yedaiya ayịn Harumaf amaadiọñ itie akesakka iso ase ufọk amọ akpere do, ndin Hatus ayịn Hasabneiya amaanyʌñ adiọñ itie akpere anye.11Malkiya ayịn Harim ye Hasub ayịn Pahad-Moab emaediọñ itie mfen ye Tọwa mme Ofen.12Salum ayịn Halohes, andikara ubaak Yeruselem, ye nditọ ibaan amọ emaediọñ itie se ikidiana ndo.13Hanun ye mme andidʌñ ke Sanoa ekediọñ Inuaatob Abedeñ. Ammọ emaebọp anye enyʌñ edọñ mme udọk ye mme etəñ ye ufiọk ammọ ke itie. Ammọ emaenyʌñ ediọñ ndibene ado ke unyọọñ kubid tọsịn keed tutu akewuọ Inuaatob Ifịm.14Malkiya ayịn Rekab, andikara ke efaak Bed Hakerem, akediọñ Inuaatob Ifịm. Anye amaamaana abọp anye anyʌñ adọñ mme udọk ye mme etəñ ye ufiọk ammọ ke itie.15Salum ayịn Kol-Hose, andikara efaak Mispa akediọñ Inuaatob Idịm Mmọọñ. Anye amaabọp anye, ayat akọm anyʌñ adọñ mme udọk ye mme etəñ ye ufiọk ke itie ammọ. Anye amaanyʌñ adiọñ ndibene ñkpọdiọhọ mmọọñ Siloam, a-adianake Inwañesa Adidem, tutu akewuọ udodukod a-asọiyọke ato Abio Defid.16Akeboiyo ndo, Nehimaiya ayịn Asbuk, andikara ubaak Bed Sọọ, amaadiọñ akewuọ ke nsakiso udi Defid, tutu ke ñkpọdiọhọ mmọọñ e-ekenamma ye Ufọk Mbon Uko.17Ndin mme Lifai ke idak Rehum ayịn Bani emaediọñ ediana anye. Hasabaiya, andikara ubaak Keila, amaadiọñ ñkañ idʌñ amọ adiana anye.18Mme Lifai mfen ke idak Binui ayịn Henadad, andikara ubaak Keila mbeñ uko, emaediọñ ediana anye.19Esaa ayịn Yesua, andikara Mispa amaanyʌñ adiọñ itie mfen adiana anye, tọọñọ ke nsakiso ndọọkndʌk itie ubono ñkpọ ekọñ tutu akewuọ ñkpitʌñ ndibene.20Baruk ayịn Sabai amaasịn ifịk aben tọọñọ ke ñkpitʌñ ado akewuọ inuausʌñ ufọk ekamba aku Eliasịb.21Meremọd ayịn Yuria, ayịn Hakos, amaadiọñ adiana anye tọọñọ ke inuausʌñ ufọk Eliasịb tutu akewuọ utịd ufọk ado.22Mme aku ke ñkanñkʌk idʌñ ado emaediọñ ediana anye.23Ke aboiyoke ammọ, Benyamin ye Hasub emaediọñ iso ufọk ammọ; ndin Asaria ayịn Maaseiya, ayịn Anania amaadiọñ mben ufọk amọ adiana ammọ.24Binui ayịn Henadad amaadiọñ itie mfen adiana anye, tọọñọ ke ufọk Asaria tutu akewuọ ñkpitʌñ ndibene ye inuuk,25ndin Palal ayịn Usai amaanam ñkpitʌñ ndibene ye tọwa a-akewuọhọ akem ye ufọk anyọñ adidem, a-akekpereke afe mbon ukpeme. Pedaiya ayịn Paros26ye mme anamutom ke tembịd e-edʌññọ ke abod Ofel emaediọñ ediana anye tutu akewuọ nsakiso Inuaatob Mmọọñ a-aseeghe edem usakkautịn ye tọwa a-awuọhọ ada.27Mbon Tekoa emaediọñ ubaak itie ediana ammọ, tọọñọ ke ekamba tọwa a-awuọhọ ada tutu asịm ndibene Ofel.28Ke ñkañ anyọñ Inuaatob Enañmbakara, mme aku emaediọñ iso ufọk ammọ keedekeed.29Sadọk ayịn Imma amaadiọñ adiana ammọ ke nsakiso ufọk amọ. Semaiya ayịn Sekanaiya, andikpeme Inuaatob Edem Usakkautịn amaadiọñ adiana anye.30Hananaiya ayịn Selemia, ye Hanun, ayọhọ ayịn Salaf itiokeed, emaediọñ efaak mfen ediana anye. Mesulam ayịn Berekia amaadiana anye, amaadiọñ nsakiso itie idʌñ amọ.31Malkiya, keed ke atu mme anam usọ ke kold, amaadiana anye, adiọñ tutu akewuọ ufọk mme anamutom ke tembịd ye ake mme anyamudua, ke nsakiso Inuaatob Ukpeme, tutu akewuọ ubeed ke anyọñ inuuk;32ndin mme anamusọ ye mme anyamudua emaediọñ tọọñọ ke ubeed ado tutu akewuọ Inuaatob Edọñ.Biblica, Inc.