Lefitikọs4
Uwa Ufeen Idiọọkñkpọ
1Abọọñ amaabo Moses ate,2“Dọkkọ nditọ Isrel ate: ‘Ke ini awo ndomokeed anamma idiọọkñkpọ i-imiidooho ñkoinnam ke adinam ñkpọ a-mbed Abọọñ akpanna:3“ ‘Adieke aku e-emaekeyet adan anamma idiọọkñkpọ , aben ubiomikpe asọk mbon awo, ana anye aben ñyịn enañ i-imiinieghe ndo adinọ Abọọñ nte uwa idiọọkñkpọ ke abaña idiọọkñkpọ a-anye anamma.4Anye anie adiben ñyịn ayaaraenañ ndinọ Abọọñ ke inuausʌñ atayad mbono. Ana anye adot ayaaraenañ ado ubọk ke iwuod anyʌñ abak anye ke iso Abọọñ.5Ndin aku e-emaekeyet adan ayaaben ubaak iyiib ayaaraenañ ado adʌk esịd atayad mbono.6Ana aku anyiin nnuunubọk amọ ke iyiib ado asiime usʌk iyiib ado akañ itiaba ke iso Abọọñ, ke iso ikpeghe adisana itie.7Anye ndin ayaaduọk ubaak iyiib ado ke nnʌk akpokoro uwa anem ufịk insensi a-abaaha ke iso Abọọñ ke atayad mbono. Anye ayaaben iyiib ayaaraenañ a-asʌhọke aduọk ke isọñ itie akpokoro ufọfọb uwa ke inuausʌñ atayad mbono.8Ayaasio afịd akpọñ ke idem ayaaraenañ uwa idiọọkñkpọ, afịd akpọñ se isịne ke ñkpọ esịd idịb,9naña ekpuud iba ye akpọñ a-adianake ammọ, a-akpereke isịn, ye anyan udʌk a-ayịreke ke ati, anye adiisio keed ye mme ekpuud,10kpa naña esio akpọñ a-asịneke ke abaakenañ ekewaaha nte uwa ewuana. Ndin aku ayaafọp ammọ ke akpokoro ufọfọb uwa.11Ado amaado ikpa ayaaraenañ ye afịd abʌk amọ, dian ye iwuod ye ukod, mme ñkpọ esịd idịb ye mme nsia,12a-adooho afịd unam se isʌhọ, ana anye aben awuọ akpọñ itie nnaa aka itie se isana, itie e-eduọkkọ ntọñ, anyʌñ afọp ammọ do ke ikañ ifia ke anyọñ eboho ntọñ.13“ ‘Adieke afịd esob Isrel enamma idiọọkñkpọ i-imiidooho ñkoinnam ke adinam ñkpọ se mbed Abọọñ akpan, akpekọm ndudue ado adedịbe ke anyen esob, ammọ emaedikịt ndudue ammọ14ndin idiọọkñkpọ a-ammọ ekenamma adiyaara, esob ana aben ñyịn ayaaraenañ adi atayad mbono adinọ nte uwa idiọọkñkpọ.15Mme ñkpisọñ ke abio ana edot ubọk ammọ ke iwuod ayaaraenañ ado ke iso Abọọñ, ndin eyaewot ayaaraenañ ado ke iso Abọọñ.16Ndin aku e-emaekeyet adan anie adidat ubaak iyiib ayaaraenañ ado ndʌk atayad mbono.17Aku ayaanyiin nnuunubọk amọ ke iyiib ado aben asiime akañ itiaba ke iso Abọọñ, ke iso ikpeghe adisana itie.18Anye anie adidat ubaak iyiib ado ñyeet ke nnʌk akpokoro uwa a-abaaha ke iso Abọọñ ke atayad mbono. Ndin anye ayaaben iyiib se isʌhọ aduọk ke isọñ itie ufọfọb uwa ke inuausʌñ atayad mbono.19Ayaasio afịd akpọñ ke idem unam ado, anyʌñ afọp anye ke akpokoro uwa,20anyʌñ anam ye ayaaraenañ ado ukem naña akenam ye ayaaraenañ uwa ufeen idiọọkñkpọ. Ke utọ usʌñ ami ke aku adiinam ñkpeubọk inọ atu awo, ndin eyaefeen enọ ammọ.21Amaama anye ayaaben ayaaraenañ ado awuọ ke itie nnaa akefọp naña akefọp akpa ado. Ami ado uwa idiọọkñkpọ atu awo.22“ ‘Adadusʌñ amaanam idiọọkñkpọ i-imiidooho ñkoinnam ke adinam ñkpọ se mbed Abọọñ Abasi amọ akpan, anye amaakịt ndudue amọ23nọ ediọọñọ ebaña idiọọkñkpọ se anye akenam, ana anye aben akpoebod i-imiinieghe ndo adi nte ñkpọ uwa amọ.24Anye anie adiben ubọk amọ ndot ke iwuod ebod ado, ñnyʌñ mbak anye ke itie esibakka ñkpọ ufọfọb uwa ke iso Abọọñ. Anye ado uwa idiọọkñkpọ.25Aku ndin ayaadeep nnuunubọk amọ ke iyiib uwa idiọọkñkpọ ado ayeet ke mme nnʌk itie ufọfọb uwa, anyʌñ aben iyiib se isʌhọ aduọk ke isọñ akpokoro uwa.26Anye ayaafọp afịd akpọñ ado ke akpokoro uwa naña akefọp akpọñ uwa ewuana. Ntom ke aku adiinam ñkpeubọk inọ idiọọkñkpọ adadusʌñ, ndin eyaefeen enọ anye.27“ ‘Ñkaña awo ndomokeed akpenam idiọọkñkpọ i-imiidooho ñkoinnam ke adinam ñkpọ se mbed Abọọñ akpan, emaedikịt ndudue amọ28nọ ediọọñọ ebaña idiọọkñkpọ se anye akenam, ana anye aben uman ebod i-imiinieghe ndo adi nte ñkpọ uwa.29Anye anie adidot ubọk amọ ke iwuod ñkpọ uwa idiọọkñkpọ ado, anyʌñ abak anye ke itie ufọfọb uwa.30Aku ndin ayaadeep nnuunubọk amọ ke iyiib ado ayeet ke nnʌk akpokoro ufọfọb uwa, anyʌñ aben iyiib se isʌhọ aduọk ke isọñ akpokoro uwa.31Anye ayaasio afịd akpọñ, kpa naña esio akpọñ ke uwa ewuana, ndin aku ayaafọp anye ke akpokoro uwa nte anemufịk uwa anemme Abọọñ esịd. Ntom ke aku adiinam ñkpeubọk inọ anye, ndin eyaefeen enọ anye.32“ ‘Awo akpeben ñyịn edọñ adi nte uwa idiọọkñkpọ, anye anie adiben uman i-imiinieghe ndo ndi.33Ana any adot ubọk amọ ke iwuod edọñ ado anyʌñ abak anye nte ñkpọ uwa idiọọkñkpọ ke itie esibakka ufọfọb uwa.34Aku ndin ayaadeep nnuunubọk amọ ke iyiib uwa idiọọkñkpọ ado ayeet ke nnʌk akpokoro ufọfọb uwa, anyʌñ aben iyiib se isʌhọ aduọk ke isọñ akpokoro uwa.35Anye ayaasio afịd akpọñ, kpa naña esio akpọñ ñyịn edọñ uwa ewuana, ndin aku ayaafọp anye ke akpokoro uwa adot ke uwa ndidia e-enọọhọ Abọọñ. Ntom ke aku adiinam ñkpeubọk inọ anye ke idiọọkñkpọ a-anye akenamma, ndin eyaefeen enọ anye.Biblica, Inc.