Lefitikọs17
Ekpan Udia Iyiib
1Abọọñ amaabo Moses ate,2“Dọkkọ Erọn ye nditọ amọ ye afịd mbon Isrel ate: ‘Se Abọọñ abo enam ado ami:3Awo Isrel akeedodo a-awaaha abaakenañ, ñyịn edọñ me ebod ke nnaaekọñ me ke esiin nnaaekọñ4utu ke aben adi inuausʌñ atayad mbono adinọ Abọọñ nte enọ ke iso tabanakịd Abọọñ, awo ado adue ke adiduọk iyiib; ammọ eduọk iyiib, ke ntoro ana ebịne utọ ibon ado esio ke atu mbon ammọ.5Ami ado adinam nọ nditọ Isrel edat mme uwa a-ammọ ewaaha ke inwañ edinọ Abọọñ. Ana ammọ eben mme ñkpọ ado esọk aku, nọ ewa enọ Abọọñ, ke inuausʌñ atayad mbono, nte mme uwa ewuana.6Aku anie adisiime iyiib ado ke akpokoro uwa Abọọñ ke inuausʌñ atayad mbono anyʌñ afọp akpọñ ado anọ Abọọñ nte anemufịk enọ.7Inaaha ammọ enam uwa ndomokeed mfen aba enọ mme ubobod ebod a-ammọ eyakka idem ammọ enọ ke akpara. Ami ado nsi-nsi ewʌhọ anọ ammọ ye mme emana se idiidi.’8“Bo ammọ: ‘Awo akeedodo a-atooho ufọk Isrel me asenawo a-adʌññọ ke atu ammọ, a-awaaha ufọfọb uwa me uwa mfen9ndin ibenne anye idi inuausʌñ atayad mbono idiwa inọ Abọọñ, ana ewot anye esio ke atu ubon Isrel.10“ ‘Ami ñyaawuuk iso mmi nse awo akeedodo a-atooho ufọk Isrel me asenawo a-adʌññọ ke atu ammọ a-adiaha iyiib, ñyaanyʌñ ñkpịkke ammọ nsio ke atu mbon awo.11Sia uwem aduuwem ñkpọ se Abasi abot asịne ke iyiib, ndin ami mminọ ndufo nọ edat enam ñkpeubọk enọ idem ndufo ke akpokoro uwa; ado iyiib anam ñkpeubọk anọ uwem awo.12Ke ntoro ami mmebo nditọ Isrel nte, “Ke awo ndufo ndomokeed, me asenawo a-adʌññọ ke atu ndufo adia iyiib.”13“ ‘Awo Isrel ndomokeed me asenawo akeedodo a-adʌññọ ke atu ndufo adʌkkọ ikọd akemʌm unam me inuen ekemeke adita ana aduọk iyiib ado anyʌñ adat ntan afʌk,14sia uwem afịd unam ado iyiib amọ. Ntak ado anam yak ami mbo mbon Isrel nte, “Inaaha ndufo edia iyiib unam ndomokeed, sia uwem afịd unam ado iyiib amọ; ana ebịne awo akeedodo a-adiaha iyiib esio.”15“ ‘Awo akeedodo, me amanaisọñ me asenawo, a-ataaha ñkpaikpa ñkpọ me se unam ikọd awot ana ayet afọñ amọ anyʌñ ayie idem ke mmọọñ, ndin ammọ ediido ndedeghe tutu ndubiayio; ndin ammọ eyaesana.16Ado adieke ammọ imiiyette afọñ ammọ inyʌñ iyie idem, ammọ ediibiom ukwaññkpọ ammọ.’ ”Biblica, Inc.