Mme Abiideikpe6
Kidiọn
1Mbon Isrel emaenam idiọọkñkpọ ke iso Abọọñ, ndin ke isua itiaba anye amaaben ammọ asịn ke ubọk mbon Midian.2Sia adudu Midian akesaña ye akpọsọñ ufiik, mbon Isrel emaenam itie idʌñ enọ idem ammọ ke abaitiad, ke ndudu ye ñkpọsọñ itie.3Ini akeedodo a-mbon Isrel eketọọhọ mfịd ke inwañ, mbon Midian, Amalek ye mbon edem usakkautịn mfen emaeben ekọñ edʌk abio.4Ammọ emaedʌñ ke isọñ enyʌñ ebiat mfịd inwañ ke afịd usʌñ tutu akesịm Kasa, ikiinyʌññọ isaana aduuwem ñkpọ ndomokeed ke Isrel iyaak, ye ke adooho edọñ me enañ me dọñki.5Ammọ ekedi ye mme ufene ammọ ye mme atayad ammọ nte udịm ñkukuñkpọyọriyọ. Amaasọñ adibat ammọ ye mme kamel ammọ; ammọ ekedʌk isọñ edibabiat anye.6Mbon Midian emaenam mbon Isrel eweene tutu ammọ eseeme enọ Abọọñ eyem unwam.7Ke ini mbon Isrel ekeseemeke enọ Abọọñ ke ntak mbon Midian,8anye amaadọñ prọfed utom ate akedọkkọ ammọ, “Ami ado se Abọọñ, Abasi Isrel, atañ: Ami ñkisịññe ndufo ke Iyib, ke isọñ ufʌn ndọọk ndi.9Ami ñkisịññe ndufo ke ubọk mbon Iyib, ñnyʌñ ifak ndufo nsịññe ke ubọk mbon se ikiifiik ndufo. Ami ñke abịne ammọ nsịññe ñnyʌñ mben isọñ ammọ inọ ndufo.10Ndin ami mmaibo ndufo, ‘Ami ndo Abọọñ Abasi ndufo; ikiikpono abasi mbon Amọọ, a-ndufo edʌñọke ke isọñ ammọ.’ Ado ndufo ikiikpañña utọñ innọ miin.”11Enyere Abọọñ amaadi anyʌñ adiitie ke idak eto afriyo ke Ọfra a-akenieghe Yoas awo Abiesa, ke itie a-ayịn awodeen amọ Kidiọn akesatta wiid ke ukwak unam ukọd mbaak mbon Midian ekuudʌk.12Ke ini enyere Abọọñ akebiọññọke anọ Kidiọn, anye amaabo, “Abọọñ a-aba ye afo, uko ke ekọñ.”13Kidiọn amaabọọrọ, “Feen nnọ miin, abọọñ mmi, ado adieke Abọọñ abaaha ye ñnyịn, ntak afịd mme ñkpọ ami atịppeke inọọ ñnyịn-e? Mmọ afịd mme utịppeñkpọ a-mme eteete ñnyịn eketañña inọọ ñnyịn ebaña ke ini ammọ ekebooho, ‘Nte idooho Abọọñ akiisio ñnyịn ke Iyib adi?’ Ado idahami Abọọñ amaisịn ñnyịn anyʌñ iyaak ñnyịn asịn ke ubọk Midian.”14Abọọñ amaawọññọ ase anye anyʌñ abo, “Kaa ke ukeme a-afo anieghe nyʌñ nyaaña Isrel sio ke ubọk Midian. Nte idooho ami mbo yak aka?”15Kidiọn amaabọọrọ, “Feen nnọ miin, abọọñ mmi,” “ado mbo nnam die ñnyaaña Isrel? Ekpək mmi ado andinana inweek ñkan ke Manase, ndin ami ñnyʌñ ndo ataa usʌhọde etəkayịn ke ufọk ñnyịn.”16Ado Abọọñ amaabọọrọ Kidiọn, “Ami ñyaaba ye afo, ndin afo ayaawoot afịd mbon Midian, usʌhọke ndomokeed ke uwem.”17Kidiọn amaabọọrọ, “Adieke afo anenne iso ye ami idahami, nnọ miin idiọọñọ a-awọttọ abo ke ado afo atañ ikọ ye ami.18Mbọk kuudakka unyọñ tutu ami ntịmme ndi ñnyʌñ mben uwa enọ mmi nduunịm fiin ke iso.”Abọọñ amaabo Kidiọn, “Ami ñyaabet tutu afo atịmme adi.”19Kidiọn amaadʌk ufọk, atem ñyịn ebod, ndin adat ndomuyo ke udomo efa keed anam uyo se yiis imiisịneke. Asịn unam ke akpasa anyʌñ adọñ mbad afere amọ ke ako, anye amaakoono ammọ awuọ adi anyʌñ adinọ anye ke idak eto afriyo.20Enyere Abasi amaabo anye, “Ben unam ado ye uyo se yiis imiisịneke, boon ammọ ke anyọñ itiad, nyʌñ nwañña mbad afere duọk.” Kidiọn amaanam ntoro.21Akem enyere Abọọñ amaadat iwuod esañ amọ akesịneke anye ke ubọk atuuk unam ado ye uyo se yiis imiisịneke. Ikañ amaabịppe ke itiad, ata unam ado ye uyo. Ndin enyere Abọọñ amaasop.22Ke ini Kidiọn akekịtte ke akedo enyere Abọọñ, anye amaasio ñkpo ate, “Sai, Abọọñ Andikara! Ami mmekịt enyere Abọọñ iso ye iso!”23Ado Abọọñ amaabo anye, “Bọ emem! Kuufeghe ndịk. Afo uduukpaaha.”24Ndin Kidiọn amaabọp akpokoro uwa anọ Abọọñ ke itie ado anyʌñ akoot anye itie ado, Abọọñ ado Emem. Tutu mfịn ami anye mmọdo ke Ọfra ake mbon Abiesa.25Kpa ke akonayio ado Abọọñ amaabo anye, “Ben udiana ayaaraenañ ke atu udịmenañ ete mfo, anye a-adooho isua itiaba ke emana. Wuut akpokoro uwa Baal ete mfo nyʌñ kpịkke abai Asera adaaha akpere anye.26Ndin bọp ataa nnen-nnen akpokoro uwa nọ Abọọñ Abasi mfo ke anyọñ akpọsọñ abod ami. Dat eto abai Asera a-afo akekpịkkeke, dat udiana ayaaraenañ ado nam ufọfọb uwa.”27Ndin Kidiọn amaadat nditọufọk amọ duob anyʌñ anam se Abọọñ akedọkkọ anye. Ado sia anye akekoppo ndịk ke ntak ufọk amọ ye mbon abio, anye akenam adinam ami ke akonayio ke ini akpekedooho uweemeayio.28Ke usiere ubakusen ke ini mme awo ke abio ekedemmeke, emaewuut akpokoro uwa Baal, enyʌñ ekpịkke eto abai Asera a-akedaaha ke mben ado ye ayọhọ ayaaraenañ iba e-ekewaaha ke ufa akpokoro uwa e-ekebọppọ!29Ammọ emaebịp emọ-emọ ebo, “Anie akenam ñkpọ ami?”
Ke ini ammọ emaekenekke enam nduuñọ, emaedọkkọ ammọ ebo, “Kidiọn, ayịn Yoas akenam ñkpọ ado.”30Mbon abio ado emaebo Yoas, “Sio ayịn awodeen mfo di. Ana nte anye akpa, sia anye awuut akpokoro uwa Baal anyʌñ akpịkke eto abai Asera a-akedaaha ke ñkañ amọ.”31Ado Yoas amaabọọrọ atu mbon iyadesịd e-ekekannake anye ekʌk, “Nte ndufo eyem edinwana anwan nnọọ Baal? Nte ndufo enwana adinyaaña anye? Ana ewot awo akeedodo a-anwanake anọ anye ke ayio amaasiere! Adieke Baal ke akpanikọ adooho abasi, anye anie ukeme adinwana anwan idem amọ ke ini awo awuudo akpokoro uwa amọ.”32Ndin sia adooho Kidiọn akewuut akpokoro uwa Baal, ammọ emaenọ anye anyịñ Yerub-Baal ke usen ado, enyʌñ ebo, “Yak Baal anwana ye anye.”33Ndin afịd mbon Midian, Amalek ye mbon edem usakkautịn mfen emaediana keed ekaaña Yọdan eketie ke Abedeñ Yesriil.34Akema Sịbidịd Abọọñ amaadoro Kidiọn, ndin anye amaafịt adukpoñ, akoot mbon Abiesa ete ikeene imọ.35Anye amaadọñ mme isʌñutom edʌk afịd Manase, ekoot ammọ eben ñkpọ ekọñ, enyʌñ edʌk ke Asaa, Sebulọn ye Naftali, nọ ammọ ñko ewuọñọ edọọk ekesoobo ye ammọ.36Kidiọn amaabo Abasi, “Adieke adooho afo ayaanyaaña Isrel ato ke ubọk mmi naña afo akenwọñọ37se, ami ñyaabịt idededọñ ke afe ubeek abakpa. Adieke mbara abaaha ke ided ado ikpọọñ ado afịd isọñ ado nsaad, ndin ami ñyaadiọọñọ ke afo ayaanyaaña Isrel ato ubọk mmi, naña afo aketañ.”38Ndin kpa se ikiitịppe akedo ado. Kidiọn amaabak ademme ke usiere edem usen; ndin anye amaafʌt anyʌñ anyịmme mbara mmọọñ a-akeyọhọke iko asio.39Akem Kidiọn amaabo Abasi, “Kuuyat esịd ye ami. Yak nnam ebeeñe keed mfen kpọd. Yak ami ndat idededọñ nnam idomo keed mfen, ado ini anye ami nam idededọñ asat ndin yak mbara afʌk isọñ.”40Ke akonayio ado Abasi amaanam ntoro. Idededọñ ikpọọñ akesat; mbara amaanyʌñ afʌk afịd isọñ.
Biblica, Inc.