Mme Abiideikpe4
Debọra
1Akañ mfen mbon Isrel emaenam idiọọkñkpọ ke iso Abọọñ, ke Ehud amaakekpa.2Ndin Abọọñ amaayaak ammọ asịn ke ubọk Yabịn adidem Kenan, a-akekarake ke Hasọ. Sisera, adaiso ekọñ amọ, akedʌñ ke Harosed Hakoyịm.3Sia anye amaanie sariọd ikie usʌkkeed (900) e-ekedatta ukwak enam akenyʌñ afiik mbon Isrel ibak-ibak ke isua edịb, ammọ emaeseeme enọ Abọọñ eyem unwam.4Ndin Debọra, a-akedooho prọfed, anwaan Lapidod, akedat Isrel usʌñ ke ini ado.5Anye akesinịm esob ke idak Ayob Debọra a-adaaha ke ufọọd Rama ye Beteel ke abio abod-abod Ifrem, ndin mbon Isrel emaesidọọk ekaa ebịne anye nọ akekpe ikpe abiide anọ ammọ.6Anye amaadọñ ekekoot Barak ayịn Abinoam a-aketooho Kedes ke Naftali anyʌñ abo anye, “Abọọñ, Abasi Isrel, unọ fiin ewʌhọ ate, ‘Kaa, ben awo tọsịn duob (10,000) ke Naftali ye Sebulọn nyʌñ dat ammọ usʌñ dọọk kaa abod Tabọ.7Ami ñyaadat Sisera, adaiso mbon ekọñ Yabịn, ye mme sariọd amọ ye mme udịmekọñ amọ ñkaa ke inyañ Kisọn ñnyʌñ ñyaak anye usịn fiin ke ubọk.’ ”8Barak amaabọọrọ anye ate, “Adieke afo asañake ye ami, ami ñyaakaa; ado adieke afo umuusañake ye ami, ami ndiikaaha.”9Debọra amaabo anye, “Ke akpanikọ ami ñyaukeene fiin ñkaa, ado afo uduukịtte unen ke ñkpọ ami, sia Abọọñ ayaayaak Sisera asịn awonwaan ke ubọk.” Ndin Debọra amaakeene Barak akaa Kedes.10Ndin Barak amaakoot Sebulọn ye Naftali eka Kedes, ye awo tọsịn duob (10,000) ekedọọhọ eka ke idak amọ nte adaiwuod. Debọra amaanyʌñ akeene anye adọọk.11Ndin Heba awo Keen amaakpọñ mbon Keen mfen, ake ubon Hobab, ayịneka awodeen anwaan Moses, anyʌñ akewuuk atayad amọ ke mben ekamba eto ke Saananịm a-akekpereke Kedes.12Ke ini ammọ ekedọkkọke Sisera ke Barak ayịn Abinoam amaadọọk akaa ke abod Tabọ,13Sisera amaakoot afịd mme ideen ye sariọd ikie usʌkkeed ekedatta ukwak enam ato Harosed Hakoyịm ekaa inyañ Kisọn.14Akema Debọra amaabo Barak, “Kaa! Mfịn ado usen A-Abọọñ ayaaha Sisera usịn fiin ke ubọk. Nte Abọọñ ikubemme fiin iso ika?” Ndin Barak amaasọiyọ ke Abod Tabọ, ye ideen tọsịn duob (10,000) usʌkkeed ekekeeneke anye.15Nte Barak akekaaha, Abọọñ amaasuan Sisera ye afịd sariọd ye mbon ekọñ amọ ke akañkañ, Sisera amaanyʌñ asọiyọ ke sariọd amọ afeghe ke ukod.16Barak amaabịne mme sariọd ye mbon ekọñ tutu akewuọ Harosed Hakoyịm, ndin afịd udịmekọñ Sisera emaeduọññọ ke iso akañkañ; awo ndomokeed ikisʌhọke.17Ndin Sisera, amaafeghe ke ukod akaa atayad Yael, anwaan Heba awo Keen, sia ndukoppo amaaba ke ufọọd Yabịn adidem Hasọ ye ufọk Heba a-akedooho awo Keen.18Yael amaawuọ akaa akesoobo ye Sisera anyʌñ abo anye, “Di, abọọñ mmi, boiyo dʌk di. Kuufeghe ndịk.” Ndin anye amaadʌk atayad amọ, ndin anye amaafʌk anye ke afọñ atueb.19Anye amaabo, “Itọñ ansat miin, mbọk nnọ etok mmọọñ.” Anye amaatat ikpa mmọọñeba, anọ anye mmọọñ, anyʌñ afʌk anye.20Anye amaadọkkọ anye ate, “Da ke anyenusʌñ atayad. Adieke awo adiighe anyʌñ adu ubịp fiin, ‘Awo ndomokeed mmọaba do?’ bo ‘Iyoo.’ ”21Ado Yael, anwaan Heba, amaadat mboi atayad ye ukọññkpọ anyʌñ asọọp akaa ke ini anye akenaaha adaiya idab, ye akpọsọñ ekaha. Anye amaakọñ akọñ asịn anye ke awọñesịd tutu awʌhọ ke isọñ, ndin anye akpa.22Kpa idaha ado Barak amaadʌk adi ke itọk ubịne Sisera, Yael amaanyʌñ awuọ akesoobo ye anye. Anye amaabo, “Di, ami ñyauwọt fiin awo a-afo ayemme.” Ndin Barak amaakeene anye adʌk ufọk, ndin sese Sisera anaaha do ye mboi atayad ke ekoiso ammọ, amaakpa.23Ke usen ado Abasi amaasuuhọ Yabịn adidem Kenan anịm ke iso mbon Isrel.24Ndin ubọk mbon Isrel amaanenekke afiik Yabịn adidem ke Kenan akpọsọñ-akpọsọñ tutu ammọ esobo anye.Biblica, Inc.