Mme Abiideikpe19
Awo Lifai ye Anwaan Esa Amọ
1Ke ini ado Isrel ikinieghe adidem.Ndin awo Lifai keed a-akedʌññọ ke esịd idʌñ keed ke abod abio Ifrem amaadat anwaan esa ke Betlehem ke Yuda.2Ado anwaan esa ado ikinamma akpanikọ ye anye, amaasaña akpara. Anye amaakpọñ anye atịmme anyọñ abịne ete ye eka amọ ke Betlehem, Yuda. Anye amaakeba do ke afiọñ inaañ,3ebe amọ amaakaa abịne anye akekpe ubọk yak anye atịmme adi. Anye akesaña ye ayịnufọk amọ ye dọñki iba. Anye amaaben anye adʌk ufọk ete ye eka amọ, ndin ke ini ete amọ akekịtte anye, anye amaadaara ke adidi amọ.4Ukod amọ, ete awonwaan, amaatañ nọ anye aba do; ndin anye amaatie ye anye usen ita, ata anyʌñ anwọñ, anyʌñ adaiya idab do.5Ke ayọhọ usen inaañ ammọ emaebak edakka eda enyʌñ ebeeñe idem edinyọñ, ado ete awonwaan amaabo ebe ayịn amọ, “Sọọñọ idem mfo ke adidia etək ñkpọ; amaakem afo amekeme adinyọñ.”6Ndin ammọ awo iba emaesuuk etie edia enyʌñ enwọñ ñkpọ itie keed. Ke emaekekweeñe ete awonwaan abo, “Mbọk tie ke akonayio ami nyʌñ bọ inemesịd.”7Ndin awo ado akedakka ada ate inyọñ, ete anwaan amaakpeiye anye, ndin anye atie ke akonayio ado.8Ke ubakusen ayọhọ usen ition, ke ini anye akedakkake ada adinyọñ, ete awonwaan amaabo, “Sọọñọ idem mfo. Bet tutu uweemeayio!” Ndin ammọ awo iba emaedia ñkpọ itie keed.9Akem ke ini awo ado, ye anwaan esa amọ ye ayịnufọk amọ, edaañake eda edinyọñọ, ukod amọ, ete awonwaan, abo, “Se idahami, akpere ndubiayio. Naa mi ke akonayio ami; usen aka adikweeñe. Tie nyʌñ nem idem mfo esịd. Ubakusen ñkpọñ afo amekeme adinyọñ idʌñ mfo.”10Ado, sia ikiyemme aditie akonayio mfen, awo ado amaadakka anyʌñ asaña akaa usʌñ Yebus (a-adooho, Yeruselem), ye anwaan esa amọ ye mme dọñki iba e-ekebiommo mbiomo.11Ke ini ammọ ekekpereke Yebus ndin ayio akpere adikịm, ayịnufọk abo eteufọk amọ, “Di, yak ñnyịn itre ke abio mbon Yebus ami inyʌñ inaa mi ke akonayio.”12Eteufọk amọ amaabọọrọ ate, “Iyoo. Ñnyịn idiidʌkkọ ika ke abio ndomokeed ake mbon awo do imiidooho mbon Isrel. Ñnyịn idiika ko ke Kibie.”13Anye amaadian, “Di, yak ñnyịn inwana isịm Kibie me Rama inyʌñ inaa do ke akonayio ke itie keed do.”14Ndin ammọ emaekaa iso, utịn amaanyʌñ asop naña ammọ ekpereke Kibie ke Benyamin.15Ke Kibie ke ammọ eketre nọ enaa do akonayio ado. Ammọ emaekaa eketie ke anwa abio, ado awo ndomokeed ikidatta amọ isịn ke ufọk ke akonayio ado.16Ke ndubiayio ado akaanadeen keed a-aketooho abod abio Ifrem, a-akedʌññọ ke Kibie (mbon se ikidʌñọ ke itie ado ekedoñño ubon Benyamin), ato inwañ anyọñ adi.17Ke ini anye akeseeghe anyʌñ akịt akaisañ ado ke anwa abio, akaanadeen ado amaabịp, “Uke ke afo akaa? Uke ke afo aketo adi?”18Anye amaabọọrọ, “Ñnyịn ikito Betlehem ke Yuda ika ke esịd idʌñ keed ke abod abio Ifrem ake ami ndʌññọ. Ami ñkeba ke Betlehem ke Yuda ndin idahami ami ñka ufọk Abọọñ. Ibaaha awo a-andatta miin adʌk ufọk ke akonayio ami.19Ñnyịn iminie mmọọñ ye ñnyanyaha inọ dọñki ñnyịn ye uyo ye ukọd inọ idem ñnyịn nditọufọk mfo, ami, awonwaan ami ye akparawa a-abaaha ye ñnyịn. Ñnyịn iyemme ñkpọ ndomokeed.”20“Ami mmedaara ndufo edidi ke ufọk mmi,” akaanadeen ado amaabo. “Yak ami inọ se ndufo eyem. Ado ikiinaa ke anwa abio akonayio ami.”21Ndin anye amaadat ammọ akaa ufọk amọ anyʌñ anọ dọñki ammọ ndidia. Ammọ emaekeyie ukod, emaenyʌñ edia ñkpọ enyʌñ enie se enwọñ.22Ke ini ammọ enọọhọ idem ammọ inemesịd, ndusʌk mbon ibak ke abio ado emaekanna ufọk ekʌk. Emaekpọkkọ usʌñ, ammọ emaebọñ ekoot akaanadeen andinie ufọk, “Sio awodeen a-akediighe ufọk mfo di nọ ñnyịn inam ima ye anye.”23Andinie ufọk ado amaawuọ aka akebo ammọ, “Iyoo, mme ufan mmi, ikiinam utọ idiọọk adinam ado. Sia awo ami ado asenawo mmi, ikiinam utọ mbubiam ido ami.24Se, ayịn mmi awonwaan i-imiidiọọñọke awodeen akpa, ye anwaan esa amọ. Ami ñyaasio ammọ isọk ndufo idahami nọ ndufo enam se ema ye ammọ. Ado amaado awodeen ami, ikiinam utọ mbubiam ñkpọ ami.”25Ado mbon ado iyemme adikpañ utọñ nnọọ anye. Ndin awo ado amaaben anwaan esa amọ anyʌñ anọ ammọ ke anwa, ndin ammọ enaa anye ke ñkanubọk enyʌñ esappa anye ke afịd akonayio ado, ndin ke usiere ammọ eyaak anye anyọñ.26Ke usiere awonwaan ado amaatịmme anyọñ akaa ufọk e-eteufọk amọ akebaaha, aduọ ke anyenusʌñ anyʌñ anaa do tutu ayio anwaña.27Ke ini eteufọk amọ adakkake ada ke ubakusen anyʌñ abeere usʌñ ufọk asaña awuọ adika iso ke isañ amọ, se anwaan esa amọ do, amaaduọ ke inuausʌñ ufọk ado, ye ubọk amọ ke abai usʌñ.28Anye amaabo anye, “Dakka da; yak inyọñọ.” Ado ibọọrọ ikibaaha. Akem ete ado abenne anye atem ke anyọñ dọñki amọ anyʌñ anyọñ ufọk.29Ke ini anye asịmme ufọk, anye amaaben ikwa akpok anwaan esa amọ, ndido ke ndido, ke mbai duob mme iba anyʌñ anọ ammọ esọk afịd mme efaak ke Isrel.30Afịd awo se ikikịt ñkpọ ami emaebo emọ-emọ, “Utọ ñkpọ ado akenam awo ikịtte inyʌññọ inam, tọọñọ ke ini nditọ Isrel ekewuọhọ ke Iyib. Ikere ibaña! Ana nte ñnyịn inam ñkpọ! Ke ntoro isio uyio ndin!”
Biblica, Inc.