Mme Abiideikpe15
Samsịn Asio Mbon Filistia Usiene
1Ke ini ukpịkke abakpa, Samsịn amaaben ñyịn ebod akaa adikise anwaan amọ. Anye amaabo, “Ami ñyem adika ubeed anwaan mmi.” Ado ete anwaan ikiinyịmmeke anye adʌk.2Anye amaabo, “Ami mmaanekke ndiọọñọ mbo ke afo asuasua anye, ndin ami mmaaben anye nnọ nsaña mfo. Nte etək ayịneka amọ awonwaan iyaiyake ikan anye? Dat anye ado ke itie amọ.”3Samsịn amaabo ammọ, “Ami mmenie ufañ idaha ami adinekke nsio mbon Filistia usiene; ami ñyaanekke nnọmọ ammọ.”4Ndin anye amaakemʌm ewaikọd ikie ita (300) anyʌñ abọp ammọ iba-iba ke isịm. Akem anye amaabọp ikañ emuum adian ke isịm ammọ,5asʌm ikañ ayịt ke mme ikañ emuum ado anyʌñ asaana ammọ ayaak ke inwañ abakpa mbon Filistia. Ntom ke anye akefọp mme eboho abakpa ekekpịkkeke ye mbon edaahada, adian ye inwañ fain ye inwañ ọlif.6Ke ini mbon Filistia ekebịppe, “Anie awo akenam ñkpọ ami?” emaedọkkọ ammọ, “Samsịn, ebe ayịn awo Timna, ke ntak a-adooho emaeben anwaan amọ enọ awo nsaña amọ.”Ndin mbon Filistia emaekaa ekefọp awonwaan ado ye ete amọ ewot.7Samsịn amaabo ammọ, “Sia ndufo enamma ntom, ami mmenwọñọ mbo ke ndiitreke adisio ndufo usiene.”8Ndin anye amaatịppe ekọñ idiọọk-idiọọk ye ammọ anyʌñ awot uwak ammọ. Akem anye amaakaa akedʌñ ke abaitiad ke Etam.9Mbon Filistia emaedọọk ekenam nnaaekọñ ke Yuda, esuana ekaa ñkpere Lehi.10Mbon Yuda emaebịp, “Nsoo ido ntak a-ndufo ediighe inwana ye ñnyịn?”
Ammọ emaebọọrọ ebo, “Ñnyịn ikidi adiben Samsịn nte awo ñkpakọb, adinam ye anye se anye akenam ye ñnyịn.”11Akem awo ikie ita ke Yuda emaekaa ke abaitiad ke Etam ekebo Samsịn, “Nte afo udiọọñọke ke mbon Filistia edo mme andikara ñnyịn? Nsoo ke afo anam ami ye ñnyịn?”
Anye amaabọọrọ abo, “Ami ñkenam ammọ kpa se ammọ ekennam miin.”12Ammọ emaebo anye, “Ñnyịn ikidi adubọp fiin ñnyʌñ uben fiin ñyaak nnọọ mbon Filistia.”
Samsịn amaabo ammọ, “Inwọñọ innọ miin ibo ke ndufo idiiñwotto miin ke idem ndufo.”13Ammọ emaebọọrọ, “Imiinyịmme, ñnyịn iduubọbọp fiin kpọd inyʌñ usaana fiin iyaak inọ ammọ. Ñnyịn iduuwotto fiin.” Ndin ammọ emaebọp anye ke ufa idʌk iba enyʌñ eben anye esio ke abaitiad.14Nte ammọ ekaaha ke Lehi, mbon Filistia emaesio ñkpo edi ebịne anye. Sịbidịd Abọọñ amaadi adudu-adudu adidoro anye ke idem. Ndin udʌk ke ubọk amọ amaabeghe akappa atie nte flaks e-efọppọ ke ikañ, anyʌñ akpọhọ ke ubọk amọ.15Ke ini Samsịn akannake anyen akịt akpọmbañ dọñki anye amaaben awoot mme awo tọsịn keed (1,000).16Ndin Samsịn amaabo,“Ami mmedat akpọmbañ dọñki keednnam ammọ edo mme dọñki.Ami mmedat akpọmbañ dọñki keedñwot ideen tọsịn keed.”17Ke ini anye akweeñeke se aketañ, anye amaatop akpọmbañ ado aduọk, ndin ekekoot itie ado Ramad Lehi. 18Sia anye amaanekke akop nsaditọñ, anye amaatua aseeme anọ Abọọñ, “Afo amenọ ayịnufọk mfo utọ ekamba adikan ami. Nte ana ami ñkpa idahami ke ntak nsaditọñ ñnyʌñ nduọ ndʌk ke ubọk mbon ammiifọọrọke edʌd?”19Ndin Abasi amaatịppe adudu ke isọñ Lehi, mmọọñ amaanyʌñ awuọñọ. Ke ini Samsịn amaakenwọñ mmọọñ, adudu amọ amaatịmme ademme. Ndin emaekoot idịm ado En Hakọre, ndin anye mmọdo asʌk aba ke Lehi.20Samsịn amaadat Isrel usʌñ ke isua edịb ke ini mbon Filistia.
Biblica, Inc.