Yọsua8
Esobo Ai
1Ndin Abọọñ amaabo Yọsua, “Kuukop ndịk; kuunyʌñ uyak esịd uduọ. Ben afịd mbon ekọñ dakka dọọk Ai kaa ekọñ. Sia ami mmeyaak adidem Ai, ikọd amọ, abio amọ ye isọñ amọ usịn fiin ke ubọk.2Afo ayaanam Ai ye adidem amọ naña akenam Yeriko ye adidem amọ, ukweeñe ado ke ndufo emekeme edikoono ñkpọ mbịme ammọ ye ufene ammọ nnọ idem ndufo. Nam ndịbeuyeb ke edem abio.”3Ke ntoro Yọsua amaadakka ye mbon ekọñ akaa anwan ye Ai. Anye amaamek mbon uko tọsịn edịb mme duob (30,000) adọñ ammọ eka ke akonayio4anyʌñ atemme ammọ abo: “Inekke ikpañ utọñ. Ndufo enie adidịbe ke edem abio nse abio. Ikiinekke ikaa inyọọñ usʌñ ikpọñ abio. Afịd ndufo itịm ikpeme.5Ami ye afịd mbon se iba ye ami iyaisaña ikpere abio, ndin ammọ emaewuọñọ idi adinwana ye ñnyịn, naña ekedak enam, ñnyịn iyaifeeñe.6Ammọ eyaibịne ñnyịn tutu ñnyịn inam ammọ ewuọ ekpọñ abio, sia ammọ eyaebo ete, ‘Ammọ efeeñe ke iso ñnyịn naña ekenam akpa.’ Anam ñnyịn imaifeeñe ke iso ammọ,7ndufo eyaedakka eda ke itie udịbe ekedat abio. Abọọñ Abasi ndufo ayaaben abio isịn ndufo ke ubọk.8Ndufo emaedat abio ado, isịn ikañ ke anye. Ndufo enam se Abọọñ abo. Ikịt ibo ke emenam; ami mminọ ndufo uyio.”9Ndin Yọsua amaasio ammọ adọñ, ammọ emaenyʌñ ekaa itie udịbe ekedịbe ke ufọọd Beteel ye Ai, ke ukañ usobutịn Ai, ado Yọsua amaanaa ye atu awo akonayio ado.10Yọsua amaabak adakka ada ataa ubakusen edem usen atịm mbon ekọñ amọ idem, ndin anye ye mme adadusʌñ Isrel emaebem mbon ekọñ iso ekaa Ai.11Afịd mbon ekọñ se ikiba ye anye emaesaña edọọk ekpere abio enyʌñ ekesịm iso abio. Ammọ emaenam itie nnaaekọñ ke adoro Ai, abedeñ anyʌñ aba ke ufọọd ammọ ye abio Ai.12Yọsua amaanịm ñkpọ nte awo tọsịn ition ke itie udịbe ke ufọọd Beteel ye abio Ai ke ukañ usobutịn.13Mbon ekọñ emaeda ke itie ammọ, akpan mbon ekọñ eba enọ ukañ adoro abio, ke ini mbon udịbe ekebaaha ke ukañ usobutịn abio. Ndin akonayio ado Yọsua amaakaa akedʌk abedeñ.14Ke ini adidem Ai amaakekịt ami, anye ye afịd ideen ke abio emaesọp ewuọ edi ataa ubakusen adidi nwana ekọñ ye Isrel ke itie keed a-asakkaiso ase Araba. Ado anye ikidiọọñọke ke mbon udịbe mmọdo enaa ebet anye ke edem abio.15Yọsua ye afịd Isrel emaeyak mbon Ai ebịne ammọ, ndin ammọ emaefeeñe ekaa ukañ anaan.16Emaekoot afịd mbio Ai ete ebịne ammọ, ndin ammọ emaebịne Yọsua tutu ewuọọñọ ekpọñ abio.17Ibaaha awo ndomokeed ke Ai me Beteel i-imi ikiwuọhọ ibịne Isrel. Ammọ emaeyaak abio anaa ukpọk enyʌñ ebịne Isrel.18Ndin Abọọñ amaabo Yọsua ate, “Ben eduad u-usịneke fiin do ke ubọk nyan se Ai, sia ñyaaben abio ado usịn fiin ke ubọk.” Ndin Yọsua amaaben eduad a-akesịneke anye ke ubọk anyan ase Ai.19Anye akesʌk ananam ami, mbon udịbe emaesọsọp ewuọñọ edi. Ammọ emaedʌk abio enyʌñ edat anye, ndin esọsọp idem ekịm ikañ esịn.20Ideen abio Ai emaewọññọ anyen ese edem enyʌñ eda ekịt naña nsʌñikañ ke abio adọọk anyọñ, ado ammọ ikinieghe ufañ se efeeñe eka itie ndomokeed; nditọ Isrel e-ekefeeñeke eka anaan emaewọññọ iso etịmme ebịne mbon se ikibịne ammọ.21Sia akedo Yọsua ye afịd Isrel ekekịt ke mbon udịbe edat abio, ñko ke nsʌñikañ asʌk awuọ do, ammọ emaetịmme edem ekewot mbon abio Ai.22Mbon udịbe emaenyʌñ ewuọñọ ke abio ekebiọọñọ ammọ, anam ammọ esịne ke ufọọd, ye nditọ Isrel ke naña edem iba. Isrel emaewoot ammọ, iyakka awo ndomokeed abọkkọ asʌhọ.23Ado ammọ emaemʌm adidem Ai ye uwem, enyʌñ eben anye esọk Yọsua.24Ke Isrel emaekewoot afịd mbon Ai ima ke ikọd ye ke anaan a-ammọ ekebịneke ammọ ekesịn, ndin ke emaekewoot afịd ammọ ke eduad, afịd nditọ Isrel emaetịmme ekaa Ai ekewoot mbon se ikiba do.25Ideen ye ibaan tọsịn duob mme iba (12,000) ekekpa usen ado, afịd ammọ ekedo mbon abio Ai.26Sia Yọsua ikidʌttọ ubọk a-akekamake eduad amọ idat tutu anye asobo afịd mbon se ikidʌñ ke Ai.27Ado Isrel emaedat ufene ye mme ñkpọ mfen ke abio ami enọ idem ammọ, kpa naña Abọọñ akenọọ Yọsua uyio.28Ndin Yọsua amaafọp Ai anyʌñ anam anye ado ñwuudo ke nsi-nsi, asʌk ado ndoon tutu awuọ mfịn ami.29Anye amaaben adidem Ai ayịt ke eto anịm tutu ndubiayio. Ke ini utịn amaakesop, Yọsua amaadọñ ate ekọññọ akpo amọ ke eto esio eben ekeduọọk ke inuaatob abio. Ndin ammọ emaekoono ñkpoon itiad ebok ke akpo ado, a-adooho mmọdo tutu mfịn.Udemme Edioomo ke Abod Ebal
30Ndin Yọsua amaabọp akpokoro uwa anọ Abọọñ, Abasi Isrel, ke Abod Ebal31kpa naña Moses awo utom Abọọñ aketemme nditọ Isrel. Anye akebọp akeene naña ewet ke Ñwed Mbed Moses, akpokoro uwa e-enamma ke itiad a-awo imiikpịkkeke, a-awo imiikikamake ukwak idiọñ. Ammọ emaefọp ufọfọb uwa enyʌñ ewa uwa ewuana ke esịd enọ Abọọñ.32Ke ndo, ke iso nditọ Isrel, Yọsua amaawet mbed Moses ke mme itiad.33Afịd nditọ Isrel, ye mme ñkpisọñ ammọ, ye mme adaaha ye mme abiideikpe ammọ ekeda ke naña ñkañ iba akebe edioomo Abọọñ, ke iso mme aku Lifai e-ekebiommo akebe ado. Mme isenawo emaedʌññọ ke atu ammọ ye mme amanaisọñ emaeba ke ndo. Mbakka keed ke itie iba emaeda ke iso Abod Kerisịm ndin mbakka keed ako ada ke iso Abod Ebal, kpa naña Moses awo utom Abọọñ amaaketatañ ke ini anye akenọọhọ ukpeebñkpọ ate ediọñ nditọ Isrel.34Ke emaekema, Yọsua amaakoot afịd ikọ mbed, mme adidiọñ ye mme isuuñọ ukem naña ewet ke Ñwed Mbed.35Ibaaha ikọ ndomokeed ke afịd se Moses aketañ a-Yọsua imiikikoodo inọ afịd atu awo ke Isrel, ye ibaan ye ntəkayịn, ye mme isenawo e-ekedʌññọ ke atu ammọ.Biblica, Inc.