Yọsua21
Abio Mme Lifai
1Akema mme mbọọñ ufọk mme Lifai emaedibịne aku Eliasa, Yọsua ayịn Nọn, ye mbọọñ ufọk ubon Isrel mfen2ke Silo ke Kenan edibo ammọ ete, “Abọọñ amaanọ uyio ato Moses ate yak afo inọ ñnyịn mme abio idʌñ, ye isọñ awawa mbid se mme ufene ñnyịn edia ñkpọ.”3Ndin, kpa naña Abọọñ akenọọ uyio, nditọ Isrel emaesio mme abio ami ye isọñ awawa mbid ke udeeme ammọ enọ mbon Lifai:4Akpa afia akedʌk anọ mbon Kohad, ke ubon ke ubon. Mme Lifai, e-ekedooho mbon ubon aku Erọn emaebọ abio duob mme ita eto mme esiin Yuda, Simiọn ye Benyamin.5Emaedeeme abio duob eto mme ubon Ifrem enọ nditọ Kohad se ikisʌhọ, Daan ye ubaak esiin Manase.6Emaedeeme abio duob mme ita eto mme idʌñ ke ubon Isaka, Asaa, Naftali ye ubaak esiin Manase ke Basan enọ nditọ Kesọn.7Nditọ Merari, ke ubon ke ubon, emaebọ abio duob mme iba eto mme esiin Rubịn, Kad ye Sebulọn.8Ntom ke nditọ Isrel ekedeeme mme abio ami ye mme isọñ awawa mbid enọ mme Lifai, naña Abọọñ akeboiyo ke Moses atañ.9Ammọ emaedeeme mme abio ekesaiya anyịñ do eto esiin Yuda ye Simiọn.10Mme abio ami edo se ekenọọ nditọ Erọn e-eketooho ubon Kohad ke esiin Lifai, sia akpa afia akedʌk anọ ammọ:11Ekenọ ammọ Kiriad Aba (a-adooho, Hibrọn), ye mme isọñ awawa mbid a-akannake anye akʌk, ke abod-abod abio Yuda. (Aaba akedo eteete Anak.)12Ado ammọ emaenọ Kaleb ayịn Yefune mme inwañ ye mme esịd idʌñ ammọ ebo edat nte inie amọ.13Ndin ammọ emaeben Hibrọn (abio e-ekenịmme nte itie ubọkkọ mme awodawo) enọ ubon aku Erọn, Libna,14Yattia, Estemoa,15Holon, Debi,16Ain, Yuta ye Bed Semes, ñkọrọ mme isọñ awawa mbid ammọ, abio usʌkkeed eto esiin iba ami, enọ nditọ aku Erọn.17Ke esiin Benyamin emaenọ ammọ: Kibiọn, Keba,18Anatod ye Almọn, ñkọrọ mme isọñ awawa mbid ammọ, abio inaañ.19Afịd abio mme aku, nditọ Erọn, ekedo duob mme ita, dian mme isọñ awawa mbid ammọ.20Emaedeeme abio ke ubon Ifrem enọ mbon Kohad ke esiin Lifai se ikisʌhọ:21Ke abod-abod abio Ifrem ekenọ ammọ: Sekem (abio e-ekenịmme nte itie ubọkkọ mme awodawo), ye Kesa,22Kibsaim ye Bed Họrọn, ye mme isọñ awawa mbid ammọ, abio inaañ.23Ñko ke esiin Daan ammọ emaebọ: Elteke, Kibetọn,24Aiyalọn ye Kad Rimọn, ye mme isọñ awawa mbid ammọ, abio inaañ.25Ke ubaak esiin Manase ammọ emaebọ: Taanak ye Kad Rimọn, ye mme isọñ awawa mbid ammọ, abio iba.26Ekenọ mme ubon Kohad se ikisʌhọ afịd abio duob ami ye mme isọñ awawa mbid ammọ.27Ekenọ mme Kesọn, keed ke atu ubon mme Lifai: ke ubaak esiin Manase: Kolan ke Basan (abio e-ekenịmme nte itie ubọkkọ mbon edotto uyio uwodawo) ye Be Estera, ye mme isọñ awawa mbid ammọ, abio iba;28ke esiin Isaka: Kisiọn, Daberad,29Yamuud ye En Kanịm, ye mme isọñ awawa mbid ammọ, abio inaañ;30ke esiin Asaa: Misal, Abdọn,31Helkad ye Rehob, ye mme isọñ awawa mbid ammọ, abio inaañ;32ke esiin Naftali: Kedes ke Kalili (abio e-ekenịmme nte itie ubọkkọ mme awodawo), Hamọd Dọọ ye Katan, ye mme isọñ awawa mbid ammọ, abio ita.33Afịd abio mme ubon Kesọn ekedo duob mme ita, ye mme isọñ awawa mbid ammọ.34Ekenọ mme ubon Merari (mbon Lifai se isʌhọ): Ke esiin Sebulọn: Yokneem, Kata,35Dimna ye Nahalal, ye mme isọñ awawa mbid ammọ, abio inaañ;36ke esiin Rubịn: Besa, Yahas,37Kedemọd ye Mefaad, ye mme isọñ awawa mbid ufene ammọ, abio inaañ;38ke esiin Kad: Ramọd ke Kilied (abio e-ekenịmme nte itie ubọkkọ mme awodawo), Mahanaim,39Hesbọn ye Yasa, ye mme isọñ awawa mbid ammọ, abio inaañ ke afịd.40Afịd abio se ekedeeme enọ ubon Merari, e-ekedooho mbon esiin Lifai se ikisʌhọ, ekedo duob mme iba.41Afịd abio mme Lifai ke esịd udeeme nditọ Isrel ekedo aba mme itiaita, ye mme isọñ awawa mbid ammọ.42Awawa mbid amaakanna akʌk mme abio ami keedekeed; afịd mme abio ado ekeba ntoro.43Ntom ke Abọọñ akenọọ Isrel afịd isọñ se anye akenwọñọ adinọ mme eteete ammọ, ammọ emaenyʌñ edat isọñ ado enie enyʌñ edʌñ ke esịd.44Abọọñ amaanọ ammọ nduọkadudu akanna akʌk, kpa naña akenwọñọ anọ mme eteete ammọ. Asua ammọ ndomokeed ikikanna ida ammọ ke iso; Abọọñ amaayaak afịd mme asua ammọ asịn ammọ ke ubọk.45Ndomo eti enwọñọ Abọọñ keed a-anye akenwọñọke anọ Isrel ikikpuuho; afịd ammọ emaesu.Biblica, Inc.