Yoob41
1“Nte afo amekeme adidat uwaam iyak ndʌt idiọọk unam mmọọñ nsiome amekeme adibọp edeme amọ nnịm ke udʌk?2Nte afo amekeme adidat udʌk nsịn ke iwuo amọme aditịppe mbañ amọ ke ekọb?3Nte anye ayaakaa iso ukpeiye fiin ayem mbọm?Nte anye ayaatañ ikọ unọ fiin usʌk-usʌk?4Nte anye ayaanam edioomo ye afonọ afo adiidat anye nte afʌn mfo ke nsi-nsi?5Nte afo amekeme adinam anye ñkpọ mbre nte inuenme anyʌñ atobo anye ke udʌk anọ mme ubọikpa ke atʌñ mfo?6Nte mme anyam udua eyaenyịmme udua amọ nte ñkpọ udua?Nte ammọ eyaebakka anye ke atu mme anyam udua?7Nte afo amekeme adiyọhọ ikpọkidem amọ ke mme usaamme iwuod amọ ke eduad ukọ iyak?8Adieke afo adotto ubọk mfo ke idem amọ,afo ayaatoiyo nsiiñe ado ndin afo uduunamma ntoro aba!9Adinie idodanyen ke amekeme adikan anye udịd ado nsu;ñkaña adisese anye ke anyen ado ñkpọ a-abọọhọ awo udịd.10Ibaaha awo ndomokeed a-anieghe uko a-akpekanna ademme anye.Anie ndin akeme adimbiọñọ miin ke iso?11Anie awo ke ami ñkama isọn a-anaaha nte ami ñkpe?Afịd ñkpọ ke idak hefịn annie miin.12“Ami ndiitreke aditañ ikọ mbaña ukod idiọọk unam mmọọñ,adudu ye uyai a-anye anieghe.13Anie awo ikan iyaara ikpaidem amọ?Anie awo ikan itịppe adudu ke adiana mba afọñ ekọñ amọ?14Anie akpedomo adibeere mme usʌñ inua amọ,akannake anye akʌk ayọhọ ye mme aniendịk eded?15Edem amọ anie mme udịm atuekọñenekkeke ebọp ammọ edudian keed;16keed adiana ye emọ-emọafịm ikemeke adiboiyo ke ufọọd ammọ.17Ammọ ediana keed esọọñọ emʌm idem ammọ ekama;ammọ ediana keed tutu awo ikemeke adidiañña ammọ.18Inweek amọ asio amịneñmịneñ unwana;anyen amọ abit nduwai usiere.19Mme edemeikañ etop ewuọñọ anye ke inua;mme nduwai ikañ etop ewuọñọ eto anye.20Nsʌñikañ awuọñọ anye ke iwuonte awuọ ke ako etemme ke ñnyanyaha.21Inweek amọ anam eboho ikañ abịppe asak,edemeikañ anyʌñ awuọ ke inua amọ.22Adudu adʌñ ke itọñ amọ;ndịk anyʌñ abem anye iso.23Mme eboho ikpọkidem amọ ediana keed nsọọñ-nsọọñ;ammọ esọọñ, awo ikanna idiañña.24Esịd amọ asaat nte akpọsọñ itiad,asọọñ nte eka itiad.25Anye amaadakka ida, mme ñkpisọñ ekop akpọsọñ ñnyeñidem;ammọ etịmme edem mbemiso anye abenne idem.26Akañkañ a-asịmeke anye ibaaha ufọn,me eduad me usaam me yafeliin, ñko ibaññake ufọn.27Anye adat ukwak nte ñnyanyahaanyʌñ adat brọns nte ñkpaikpa eto.28Idañ inamma anye afeghe itọk;itiad e-etoppo eba anye nte mbio.29Ikpitịketo anyʌñ aba anye nte mbio;anye asasaak unyeeñe eduad.30Idakidem amọ ado ñkpasi usiọñ a-asọppọ,anyʌñ anịm idiọọñọ nte ñkpọ ukọkñkpọ.31Anye anam udem afuut nte ako e-etemme adan afịtanyʌñ akaama inyañ nte awo akaama ako e-etemme adan.32Anye amaaboiyo anịm udịm a-asemmesem ke edem amọ;awo a-akeme adikere ke utʌñọ mmọọñ a-anie mfia ided.33Ibaaha ñkpọ ndomokeed ke ederimbod a-adooho ukem ye anye,unam ake imiikoppo ndịk ndomokeed.34Anye ase mbon se ikokko idem ke ndek;anye ado adidem afịd ñkpọ se ikokko idem.”
Biblica, Inc.