Yoob33
1“Ado idahami, Yoob, kpañ utọñ kop mme ikọ mmi;nekke kpañ utọñ kop afịd se ami ntañ.2Ami mmebeeñe idem adikʌppọ inua mmi;mme ikọ mmi edoro ke iso edeme mmi.3Mme ikọ mmi eto adinen esịd;ke idak akpanikọ, ñkpọkinua mmi atañ afịd se ndiọọñọ.4Sịbidịd Abasi ambot miin;ibifịk Andikoñ Ñkan anyʌñ annọ miin uwem.5Mbọọrọ miin ndin, adieke adooho afo amekan;dakka da nyʌñ faaña ikọ mfo ke iso mmi.6Ami ndo ukem ye afo ke iso Abasi;Ami ñko ñnyʌñ ndo ubaak aduañ.7Ndin idooho se afo akop ndịk anto miin,me ubọk mmi adidoppo ke idem mfo.8“Ado afo ametañ yak ami ñkop;Ami mmaakop mme ikọ ado;9‘Ami ndo adisana, ami nnamma ndudue;Ami mmesana ñnyʌñ nnana idiọọkñkpọ.10Ado Abasi akịt ndudue ke idem mmi;anye andat miin nte asua amọ.11Anye andọñ miin ekọp ke ukod;anye anekke atịñ anyen ase mme usʌñ mmi.’12“Ado ami ubo fiin, ke ñkpọ anyem afo unenne,sia Abasi akpon akan awo akeedodo.13Nsoo inam afo aseeme anọ anyeabo ke anye ibọọrọke awo ndomokeed ikọ?14Sia Abasi atañ ikọ, idahami ke usʌñ keed, idahami ke usʌñ mfen;akpesʌkado mme awo imiidiọọñọke.15Ke ndab, ye ke ñkukịd akonayio,ke ini akpọsọñ idab amʌmmọ mme awonaña ammọ enaaha edaiya ke akwañ ammọ,16anye akeme aditañ ikọ ndọñ ammọ ke utọñanyʌñ asịn ammọ ndịk ke adinọ ammọ ndʌdutọñ,17adiwọññọ ammọ nsio ke idiọọkñkpọñnyʌñ mben ammọ ñkpọñ ntañidem,18adinyaaña ammọ nsio ke ube,ñnyʌñ nnịm uwem ammọ mbaak editak.19“Me awo akeme adibọ ntʌnọ ke itie nnaa ubiakye ananautịd ubiak ke mme akpọ ammọ,20anam ndidia adido ñkpọ a-atekketek ammọ esịdndin ukpọñ ammọ asua ataa inem ndidia.21Abʌkidem ammọ atak adikappa ado ukpọk-ukpọk,ndin mme akpọ ammọ, ekesidịbekedịbe, ewuọñọ etịgha.22Ammọ esaña ekpere ube,ndin mme uwem ammọ ekpere isʌñutom ñkpa.23Ado adieke enyere abaaha ke ñkañ ammọ,isʌñutom, keed ke atu tọsịn,e-edọññọ yak akedọkkọ ammọ naña ekpesaña edu nnen-nnen uwem,24anye anem esịd ye awo ado anyʌñ abo Abasi ate,‘Fak ammọ mbaak edidooro edʌk ube;Ami mmekịt ekọmudua nnọ ammọ,25yak ikpọkidem ammọ eseghe nte ake nsekayịn;yak enam ammọ etịmme ekeba nte ini uyịn ammọ,’26ndin awo ado akeme adibọñ akam anọ Abasi anyʌñ akịt mfọn ye anye,ammọ eyaekịt Abasi iso enyʌñ esio ñkpo idaara;anye ayaatịmme anam ammọ ekeba ke ayọhọ nsọñidem.27Ndin ammọ eyaekaa ebịne mbon mfen ekebo ete,‘Ami mmenam idiọọkñkpọ, ñnyʌñ ñkwaañ se inen,ado ami ñkebọọhọ utịb se ñkpedot adibọ.28Abasi amfak miin asio iyakka ndʌk ube,ndin ami ñyaadu uwem ñnyʌñ ñkop inem unwana uwem.’29“Abasi anam afịd mme ñkpọ ami anọ awoakañ iba, ubaak akañ ita30adiwọññọ ammọ ñkpọñ ube,nọ ato do unwana uwem ayama anọ ammọ.31“Kpañ utọñ, Yoob, nyʌñ kop se ntañ;dop uyio, ndin ami ñyaatañ ikọ.32Adieke afo anieghe ñkpọ ndomokeed aditañ, mbọọrọ miin;tañ ikọ, sia ami ñyem adutoppo fiin ikpe.33Ado akpedo idooho ntoro, ndin kpañ utọñ nnọ miin;dop uyio, ndin ami ñyaukpeep fiin aniọñ.”
Biblica, Inc.