Yoob27
Akpatre Ikọ Yoob Atañña Anọ Mme Ufan Amọ
1Ndin Yoob amaakaa iso ke ikọ amọ:2“Ke akpanikọ adaña nte Abasi aduuho uwem, ake añnyịmme unen mmi,Andikoñ Ñkan, a-akenamma uwem mmi ado idod-idod,3adaña nte ami nsʌkkọ nnie uwem ke idem mmi,ibifịk Abasi asʌk aba ke aduiwuo mmi,4ñkpọkinua mmi idiitañña se idiọọk,ndin edeme mmi idiitañña ikọ nsu.5Ami ndiinyịmmeke ke ndufo emenen;tutu ami ñkpa, ami ndiikañña mfọnmma mmi.6Ami ñyaamʌm unana ndudue mmi ñkama ndiinyʌññọ nsaana anye ñyaak;akikere esịd mmi idimbiommo miin ikpe adaña ini nte ami nduuho uwem.7“Yak asua mmi atie nte awo ibak,awo utọk mmi aba nte mbon ukwañido!8Nsoo ido idodanyen mbon i-imiidiọọñọke abasi ke ammọ emaekpa,ke ini Abasi amaaben uwem ammọ afep?9Nte Abasi akpañ utọñ anọ ayịd ammọidaha ukuud asịmme ammọ?10Nte ammọ eyaekịt inemesịd ke Andikoñ Ñkan?Nte ammọ eyaekoot Abasi ke afịd ini?11“Ami ñyaikpeep ndufo mbaña adudu Abasi;ami ndiidịppe mme usʌñ Abasi Andikoñ Ñkan.12Ndufo emekịt afịd mme ñkpọ ami ke idem ndufo.Ntak ake ndufo etañña mme ikpu-ikpu ikọ ami-e?13“Anyem ado udeeme ake Abasi anọọhọ mbon ibak,asaña-asaña udeeme ake awo unana mbọm abọọhọ ato Andikoñ Ñkan:14Naña nditọ ammọ ekpewawak, akañkañ ado udeeme ammọ;ndidia idiikemme ubon amọ.15Idiọọk udọñọ ayaabuuk mbon ubon ammọ se isʌhọ,ndin mme ebekpa ammọ idiituaha ayịd inọ ammọ.16Akpesʌkado anye akekọọhọ silfa abon nte ntọñmme afọñ enyʌñ ekʌbọ nte ebono aduañ,17se anye atịm abono, ndinen awo ediisịne,ndin mbon awo i-imiidueghe ediideeme silfa amọ.18Ufọk ake anye abọppọ aba nte ebono ñkakad,nte atayad ake akpemeabio abọppọ.19Anye asuuk anaa nte awo inie, ado idiinamma ntoro aba;ke ini anye atatta anyen, afịd ñkpọ emaenyọñọ.20Afanekọñ afʌk anye nte ekamba mmọọñ ndiọọñ;mbufịd akpa amʌm anye ke akonayio.21Afịm usakkautịn aben anye afep, ndin anye ibaaha aba;akwọọk anye asio ke itie amọ.22Aduọ atọ anye ituaha mbọmkpa naña anye afeghe adudu amọ.23Anye amia ubọk amọ nte ñkpọ nsahaanyʌñ asiama anye asio afep ke itie amọ.”Biblica, Inc.