Yoob23
Yoob
1Ndin Yoob amaabọọrọ ate:2“Kpa mfịn ami aseeme mmi ado idod-idod;akpesʌkado ami mbaaha ke ñkuun, ubọk amọ adoppo.”3Akpekapado mmediọọñọ itie nte ñkpekịt anye;akpekapado ñkpaakan ñka ke itie idʌñ amọ!4Ami ñkpaatañ se ido mfịna mmi ke iso amọñnyʌñ ñyọhọ inua mmi ye mme mfaaña.5Ami ñkpaadiọọñọ se anye akpembọọrọ miin,ñnyʌñ ndiọọñọ se anye adiitañ innọ miin.6Me anye adiifaaña mfaaña ye ami akpọsọñ-akpọsọñ?Iyoo, anye idimbiommo miin ikpe.7Do ke mme ndinen awo ediwọt unen ammọ ke iso amọ,itie ado ke ami ndiinie nsi-nsi ñkpọkñyak ke ubọk abiideikpe mmi.8“Ado adieke ami ñkaaha usakkautịn, anye ibaaha do;adieke ami ñkaaha usobutịn, ami ñkịtte anye.9Ke ini anye abaaha ke utom ke adoro, ami ñkịtte anye;anye amaakanna aka usuuk, ami ñkịtte ndukpọñ amọ.10Ado anye adiọọñọ usʌñ ake ami nsañake;ke anye amandomo miin ise, ami ñyaasana nte kold.11Ñkpad mmi akeene anye ikpad ke ikpad;Ami mmenịm mme ewʌhọ usʌñ amọ ñkannake edem.12Ami ñwuọhọ ñkpọñ mme item inua amọ;Ami mmemʌm mme ikọ inua amọ ñkama ñkan udia usen.13“Ado anye ada ikpọọñ, ndin anie ikeme adifaaña mfaaña ye anye?Anye anam se anye ama.14Anye anam mme ewʌhọ amọ asu ke idem mmi,ñko uwak uduak ntoro anye asʌk anenie.15Ntak ado anam ami ñkop ekamba ndịk ke iso amọ;ami mmaakere mbaña mme ñkpọ ami, ami mbaak anye.16Abasi anam esịd esịd anduọ;Andikoñ Ñkan andịkke miin.17Ado ekịm inamma yak ami ndop uyio,akpọsọñ ekịm a-afʌkkọ iso mmi.Biblica, Inc.