Yoob15
Elifas
1Akem Elifas a-adooho awo Teman amaabọọrọ:2“Nte awo aniọñ akpaadat ikpu-ikpu akikere abọọrọme ayọhọ idịb amọ ye ufiob afịm a-atooho usakkautịn?3Nte ammọ eyaefaaña ye mme ikpu-ikpu ikọ,ye mme ikọ ake imiinieghe ufọn?4Ado afo amesịn eti ñkpọ ke ndekanyʌñ abiọọñọ uteeñe adikpono Abasi.5Idiọọkñkpọ mfo amək inua mfo;afo anyʌñ amek edeme mbon ñkara.6Kpa inua mfo ubiom fiin ikpe, idooho ake mmi;ñkpọkinua mfo anyʌñ atie ntiense ubaña fiin.7“Nte afo ado akpa awodeen ake ekemanna?Nte ekebem iso ubot fiin mbemiso mme abod?8Nte afo amesikpañ utọñ ke esob Abasi?Nte afo ikpọọñ anie afịd aniọñ?9Nsoo ke afo adiọọñọ ake ñnyịn imiidiọọñọke?Nsoo ntotəño ñkpọ ke afo adiọọñọ ake ñnyịn imiidiọọñọke?10Mme iwuod iwad ye mme ñkaan awo eda ye ñnyịn,kpa mbon esọññọ ekan ete mfo.11Nte mme idọñesịd Abasi ikemme ye afo,mme ikọ e-etañña usʌk-usʌk unọọ fiin?12Nsoo ido ntak esịd mfo ubenne fiin anyọọñ usʌñ,nsoo inyʌñ ido ntak a-anyen mfo akeppe,13a-anamma yak afo ayat esịd ye Abasianyʌñ asịññe mme utọ ikọ ado ke inua mfo?14“Nsoo ke mme awo edo, nọ ammọ ekpedo ndisana,me mbon se awonwaan aman, nọ ammọ ekpedo ndinen?15Adieke Abasi imiinieghe mbuọdidem ke mme ndisana awo amọ,adieke idem mme hefịn imiisanake ke anyen amọ,16akere die abaña mme ñkaña awo, e-edooho mbiara enyʌñ enañña ndudiọ,enyʌñ enwọñ idiọọkñkpọ nte mmọọñ!17“Kpañ utọñ nnọ miin ndin ami ñyaanam nọ unwaña fiin;yak ami udọkkọ fiin ñkpọ se ami ñkịt,18se mbon aniọñ esian,idịppe ñkpọ ndomokeed se ammọ ekebọọ eto mme eteete ammọ19(ammọ ikpọọñ ke ekenọọ isọñ amike ini mme isenawo imiikisañake ke atu ammọ):20Ke afịd usen uwem amọ, idiọọk awo abọ ufen ye ukuud,awo unana mbọm ke afịd mme isua uwem se ebọọk enịm enọ anye.21Uyom ndịk ayọhọ anye utọñ;ke ini abaaha nte afịd ñkpọ a-afọn ama, mbon ñwo edʌk ebịne anye.22Anye aduọọk idodanyen adibọkkọ ke ikpeghe ekịm;enịm anye idiọọñọ adikpa ke akañkañ.23Anye akaan ayeem ndidia nte utere;anye adiọọñọ ke usen ekịm adikpere.24Ndutʌhọ ye nnananyen eyọhọ esịd amọ ye ndịk;mme mfịna ekanna anye ekʌk nte adidem a-abeeñeke idem uka ekọñ,25sia anye abenne ubọk amọ anwana ekọñ ye Abasianyʌñ awọt uko amọ ye ataa Andikoñ Ñkan,26adat akpọsọñ iyadesịd amọ akeene anyemme ekamba akpọsọñ ukwakekọñ.27“Akpesʌkado akpọñ afʌkkọ iso amọndin isịn amọ amʌkkọ ye abʌk,28anye ayaadʌñ ke mme ñwuudo abioye mme ufọk se mme awo imiidʌññọ ke esịd,mme ufọk e-emaekewuudo enyʌñ ebiaña.29Anye idiinieghe inie aba ndin imọ amọ idiikpeeneke,mme inie amọ idiisuanake ifʌk afịd isọñ.30Anye idiibọkkọke ekịm;edemeikañ ayaaniime mme emịne amọ,ndin inweek a-atooho inua Abasi ayaaben anye afep.31Yak anye akuubiaña idem amọ ke adinie mbuọdidem ke mme ñkpọ i-imiibaaha ufọn,sia anye idiinieghe ufọn ito mme ñkpọ ntoro.32Mbemiso ini amọ adikem anye ayaasat,ndin mme ñkọk amọ idiisegheke.33Anye adiiba nte fain e-emaekekịppe mme ñkịm kreb amọ,nte eto ọlif ake ñkpokpoñ amọ abegheke.34Mbono mbon i-imiidiọọñọke abasi ayaanana ubọọñ anyʌñ akappa ado ada,ikañ ayaanyʌñ ata mme atayad mbon e-emaaha ubọkedem.35Ammọ eyommo ndutịme enyʌñ eman idiọọkñkpọ;idịb ammọ ayọhọ ye abiaña.”Biblica, Inc.