Yerimaiya5
Ibaaha ake Ado Adinen
1“Saña dọọk nyʌñ saña tịkke mme efaak ke Yeruselem,nekke se nyʌñ kere baña,duuñọ se ke mme afe amọ.Adieke afo akịtte awo keeda-anamma se inen anyʌñ ayem akpanikọ,ami ñyaafeen nnọ abio ami.2Akpesʌkado a-ammọ ebooho, ‘Adaña nte Abọọñ aduuho uwem,’kpayeado ammọ esʌk enwọñọ ke nsu.”3Abọọñ, ado nte anyen mfo iyemme akpanikọ?Afo amaayʌppọ ammọ, ado ammọ ikoppo ubiak;afo amaasọnnọ ammọ, ado ammọ esịn adibọ ukpeeb.Ammọ emaenam iso ammọ asọñ akan itiad,enyʌñ esịn edikappa esịd.4Ami mmaakere, “Mbon ami edoñño mme uweene ikpọọñ;ammọ edo ndisịme,sia ammọ idiọọñọke usʌñ Abọọñ,se Abasi ammọ ayem.5Ke ntoro ami ñyaakaa mbịne mme adadusʌñ,ñnyʌñ ntañ ikọ ye ammọ;ke akpanikọ ammọ ediọọñọ usʌñ Abọọñse Abasi ayem.”Ado ke esịd keed ammọ ñko emaekọññọ akpọnọenyʌñ ekịp mme udʌk.6Ke ntoro ekpe ayaato akai ikọd adita ammọ,ewaikọd ayaato akpautatan adisobo ammọ,ekpeñkem ayaanaa abet ammọ ke ñkpere abio ammọadiwai awo akeedodo a-anyanna iso ke esiin mbai-mbai,sia nsọñiwuod ammọ akpon,mfiakedem ammọ anyʌñ awak.7“Ntak ami ñkpefeene inọọ ndufo-o?Nditọ ndufo emaensịn miin,enyʌñ enwọñọ ke mme abasi a-mmiidooho mme abasi.Ami mmaanọ afịd se ammọ eyem,ado ammọ emaesịn efịbe,enyʌkkọ ekeyọhọ ke mme ufọk mme akpara.8Ammọ edo mme ndia ñyʌkkọ, akop idem ñyaara enañmbakara,ammọ keedekeed eyem anwaan awo mfen.9Nte ikpinaaha ami mmia ammọ ufen ke adinam ami?”Abọọñ abo.“Nte ami ñkpisioho usieneye utọ idịd ami?10“Saaña ke mme inwañ fain amọ nyʌñ biat ammọ,ado kuusobo ammọ ataa afịd-afịd.Diappa mme ñkọk amọ,sia ibon ami idooho ake Abọọñ.11Mbon Isrel ye mbon Yudainamma akpanikọ ye ami,”Abọọñ abo.12Ammọ esʌhọ nsu ebaña Abọọñ;ammọ emaebo, “Inieghe se anye adiinam!Unọmọ ndomokeed idiisịmme ñnyịn;tutu amama ñnyịn idiikịtte ekọñ me akañ.13Mme prọfed edoñño afịm kpọd,ndin ikọ Abasi ibaaha ammọ ke idem;ke ntoro yak se ammọ etañ atịppe anọ ammọ.”14Ke ntoro se Abọọñ Abasi Andikponñkan abo adom:“Sia ibon ami etañ mme ikọ ami,ami ñyaanam ikọ mmi ke inua mfo ado ikañ,ndin ibon ami edo ifia se ikañ ado ata.15Mbon Isrel,” Abọọñ atañ,“Ami nsʌk mben idịd ke anyan usʌñ ndi ekọñ ye ndufo;akaan idịd anyʌññọ akop adudu,mbon a-adooho ndufo idiọọñọke usem ammọ,edeme ikọ ammọ inwañake ndufo.16Ekpad idañ ammọ atie nte anainwañ udi;afịd ammọ edo ñkpọsọñ mbon ekọñ.17Ammọ eyaesobo mme idọk ye ndidia ndufo,esobo nditọ ideen ye nditọ ibaan ndufo;ammọ eyaesobo udịmedọñ ye udịmenañ ndufo,esobo mme fain ye mme eto fik ndufo.Ye akañkañ ke ammọ ediisobomme ñkpọsọñ abio a-ndufo ebuọttọ idem.18“Ado kpa ke mme usen ado,” Abọọñ atañ, “ami ndiisoboke ndufo ataa afịd-afịd.19Ndin mbon awo emaebịp, ‘Nsoo ido nọ Abọọñ Abasi ñnyịn anam afịd ami ye ñnyịn?’ ndufo eyaedọkkọ ammọ, ‘Kpa naña ndufo eñkpọñ miin ekekpono mme isen abasi ke abio ndufo, ntoro ke ndufo ediikinam ñkpọ inọ mme isenawo ke isọñ a-mmiidooho ake ndufo.’20“Nọ mbon ubon Yekọb etob ami,nyʌñ tañ anye ke Yuda:21Ikop ami, ndufo mme ndisịme ye mbon unana ifiọk,a-adooho emenie anyen ado ikịtte ñkpọ,emenie utọñ ado ikoppo ñkpọ:22Ndufo ikpimbaagha miin?”Abọọñ atañ.“Ndufo ikpinieghe uteeñe ke iso mmi?Ami ñkenam ntan ado adaña anọ akpainyañ,nsi-nsi ubiọọñọ a-anye imiikanna ikaaña.Ayobio akeme ikpot, ado ammọ ikanna;ammọ ekeme ikuun, ado ikanna ikaaña anye.23Ado ibon ami enie esịd emiom ye nsọñiwuod;ammọ ewọññọ enyʌñ ekaa usʌñ ammọ.24Ammọ ibooho idem ammọ,‘Yak ñnyịn ibaak Abọọñ Abasi ñnyịn,a-anọọhọ edịm ye ukpere edem edịm ke ini,anam ñnyịn inie idọk ke udua ke udua.’25Mme nnamndue ndufo enam mme ñkpọ ami ibaaha;ndiọiñkpọ ndufo enam ndufo ikịtte eti.26“Mbon ibak e-eba ke atu mbon mmi,e-edịbeke nte mbon e-ekọọhọ afia eyem imʌm mme inuen,ye nte mbon e-ekọọhọ afia eyem imʌm mbon awo.27Nte efọk a-ayọhọke ye inuen,mme ufọk ammọ eyọhọ ye abiaña;ammọ efooño imọ enyʌñ enie adudu,28ndin ekpoon enyʌñ emọọnọ.Ndoom ammọ inieghe adaña;ammọ iyemme unen.Ammọ iyemme ufọn nditọ unana ete;ammọ ikpeeghe unen ikpe inọ mbon uweene.29Nte ikpinaaha ami mmia ammọ ufen ke ntak ami?”Abọọñ atañ.“Nte ikpinaaha ami nsio usieneye utọ idịd a-atieghe ntom?30“Ñkpọndịk ye ñkpọ ñkpaidematịppe ke isọñ:31Mme prọfed etañ nsu-nsu prọfesi,mme aku ekaara ke adudu ammọ,ndin mbon mmi ema naña aba ntom.Ado nsoo ke afo uduunam ke utịd?Biblica, Inc.