Yerimaiya3
1“Adieke awodeen asịnne anwaan amọndin anye akpọñ ebe ado akedọ awodeen mfen,me awodeen ado akeme aditịmme mbịne anye aba?Ado nte isọñ ikpibiarake ataa afịd-afịd?Ado afo amedʌñ nte akpara ye mme uwak mbon ima;nte afo ayaanyọñ ambịne miin ndin?”Abọọñ atañ.2“Benne anyen se mme anaan abod nyʌñ kịt.Aba itie se awo imuusappake fiin?Afo amaatie ke mben usʌñ abet mbon ima,a-atie ke akpautatan nte ñyooñ akpeme ufene.Afo amesappa isọñke efịbe ye ibak mfo.3Ke ntak ado edịm ideppe,edịm mbara iduọkkọke.Kpayeado afo amenana iso abuud nte akpara;afo ukoppo abuud ndomokeed.4Idooho afo añkoot miin idaha ado:‘Ete mmi, ufan mmi tọọñọ ke uyịn mmi,5nte afo ayaasʌk ayat esịd afịd ini?Ifiobesịd mfo ayaakaa iso ke nsi-nsi?’Naña afo asitañ ikọ ado ami,ado afo anam afịd ndiọiñkpọ se afo akakan.”
Isrel Inamma Akpanikọ
6Ke ini ukara Adidem Yosaiya, Abọọñ amambo miin, “Afo amekịt se anana mbuọdidem Isrel anam? Anye a-adọọk anyọñ afịd ñkoñ-ñkoñ abod ye ke idak afịd eto e-etarake anyʌñ asịn efịbe do.7Ami ñkekere ke anye amaakenam afịd ami, anye ayaanyọñ ambịne miin, ado anye inyọññọ idi, ndin ndudiọ ayịneka amọ Yuda amaakịt ado.8Ami mmaanọ ndudiọ Isrel ñwed uwuọndọ ñnyʌñ nsio anye unyọñ ke ntak afịd efịbe amọ. Kpayeado ami mmaakịt ke ndudiọ ayịneka amọ, Yuda, ikikoppo ndịk ndomokeed; anye ñko amaawuọ anyʌñ akesịn efịbe.9Sia abʌd-abʌd ido Isrel ikidooho ñkpọ ndomokeed ke iso amọ, anye amaasappa isọñ anyʌñ asịn efịbe ye itiad ye eto.10Kpa ye afịd ado, anana mbuọdidem ayịneka amọ awoanwaan, Yuda, ikinyọññọ imbịne miin ke afịd esịd amọ, ado ke abiaña,” Abọọñ atañ.11Abọọñ amambo miin, “Isrel anana mbuọdidem afọn akan Yuda ndudiọ.12Kaa, ke suan etob ami ke adoro:“ ‘Tịmme nyọñ di, Isrel anana mbuọdidem,’ Abọọñ atañ,‘Ami ndiibọppọ iso aba ye afo,sia ami ndo anam akpanikọ,’ Abọọñ atañ,‘Ami ndiiyatta esịd ke nsi-nsi.13Kap nyịmme ndudue mfo;afo amesọñ iwuod ye Abọọñ Abasi mfo,afo amesuan mme enọ mfo anọ mme isen abasike idak afịd eto e-etuaññake,unyʌññọ ukop uyio mmi,’ ”Abọọñ atañ.14Abọọñ abo, “Nyọñ di, mbon unana mbuọdidem, sia ami ndo ebe ndufo. Ami ñyaimek ndufo, keed ke abio ye iba ke aduuk, ndin iben ndufo ndi Saiyọn.15Ndin ami ñyainọ ndufo mme akpemeedọñ a-ami mmekke, se idiidat ndufo usʌñ ke ifiọk ye ikike.16Ke mme usen ado, ke ibad ndufo amaanekke awak ke isọñ,” Abọọñ atañ, “mbon awo idiibooho aba, ‘Akebe edioomo Abọọñ.’ Anye idiidʌkkọ esịd ammọ aba, ammọ idiinyʌññọ itoiyo; awo idiiyemme anye, awo idiinyʌññọ inam mfen.17Ke ini ado ammọ eyaekoot Yeruselem Ebekpo Abọọñ, ndin afịd mme idịd eyaeboho ke Yeruselem adikpono anyịñ Abọọñ. Ammọ idiikeeneke nsọñiwuod esịd ibak ammọ aba.18Ke mme usen ado mbon Yuda eyaediana ye mbon Isrel, ndin ke esịd keed ammọ eyaeto isọñ adoro edi isọñ a-ami ñkenọọhọ mme eteete ndufo nte udeeme.19“Ami ke idem mmi mmaabo,“ ‘Ami ñyaakop inemesịd adinam ñkpọ ye ndufo nte nditọ mmiñnyʌñ inọ ndufo eti isọñ inemesịd,udeeme se iyaiya ikan ke afịd idịd.’Ami ñkekere ke ndufo eyaeñkoot miin ‘Ete’inyʌññọ itre adiñkeene miin.20Ado nte awonwaan ammiinamma akpanikọ ye ebe amọ,kpa ntoro ke afo, Isrel, ambiaña miin,”Abọọñ abo.21Ekop ayịd ke anyọñ mme anaan abod,ntuaña ye ñkpeubọk mbon Isrel,sia ammọ enam abʌd-abʌd ido ke usʌñ ammọenyʌñ efre Abọọñ Abasi ammọ.22“Inyọñ idi, mbon unana mbuọdidem;ami ñyaakọk mfiakedem ndufo.”“Ii, ñnyịn iyaidi ubịne fiin,sia afo ado Abọọñ Abasi ñnyịn.23Ke akpanikọ mme ndutịme ye uyommme akpono ndem ke mme anyọñ ntək abodye ke mme ikpọabod edo abiaña;ke akpanikọ, adinyaaña Isrelaba ke ubọk Abọọñ Abasi ñnyịn.24Tọọñọ ke uyịn ñnyịn mme abasi ndọk e-ediambunwịm ubọkutom mme ete ñnyịn,udịmedọñ ye udịmenañ ammọ,nditọ ideen ye nditọ ibaan ammọ.25Yak ñnyịn isuuk inaa ke abuud ñnyịn,ndin yak ndọk ñnyịn ifʌk ñnyịn.Ñnyịn iminam idiọọkñkpọ ye Abọọñ Abasi ñnyịn,ñnyịn ye mme eteete ñnyịn;tọọñọ ke uyịn ñnyịn tutu idahamiñnyịn ikoppo ikọ inọ Abọọñ Abasi ñnyịn.”Biblica, Inc.