Yerimaiya11
Ebiat Edioomo
1Ikọ a-aketooho Abọọñ adisịm Yerimaiya ado ami:2“Kpañ utọñ kop mme ikọ edioomo ami nyʌñ tañ wọt mbon Yuda ye mbon se idʌñọ ke Yeruselem.3Dọkkọ ammọ bo ke se Abọọñ, Abasi Isrel abo ado ami: ‘Isuuñọ anie awo i-imiinịmme mme ikọ edioomo ami;4mme ikọ a-ami ñkewuuhọ mme eteete ndufo idaha ami ñkebenne ammọ nsio ke Iyib, nsio ke ikañ utadukwak.’ Ami mmaabo, ‘Ikop item mmi inyʌñ inam afịd se ami itemme ndufo, ndin ndufo eyaedo mbon mmi, ami ñko ñyaado Abasi ndufo.5Ndin ami ñyaanam enwọñọ a-ami ñkenwọñọke nnọ mme eteete ndufo, adinọ ammọ isọñ a-afiọọrọke ye mmọọñeba ye adanakwọọk,’ isọñ a-ndufo enieghe mfịn.”Ami mmaabọọrọ, “Amen, Abọọñ.”6Abọọñ amambo miin, “Suan mme ikọ ami ke mme abio Yuda ye ke mme efaak Yeruselem: ‘Kpañ utọñ nọ mme ikọ edioomo ami nyʌñ keene ammọ.7Tọọñọ ke idaha a-ami ñkesioho mme eteete ndufo ke Iyib tutu asịm mfịn ami, ami mmaadʌt ammọ utọñ, mmaana ndʌt, nte, “Ikop uyio mmi.”8Ado ammọ ikikoppo, inyʌññọ ikpañ utọñ; utu ke ado, ammọ ekekeene nsọñiwuod ibak esịd ammọ. Ke ntoro ami mmaaben afịd mme isuuñọ edioomo a-ami ñkewuuhọ ammọ nọ ekeene ado ammọ ikinamma.’ ”9Akem Abọọñ amambo miin, “Idiọọk edioomo aba ke atu mbon Yuda ye mbon se idʌñ ke Yeruselem.10Ammọ etịmme ebịne mme idiọọkñkpọ mme eteete ammọ, e-ekesịnne edikop mme ikọ mmi. Ammọ ekeene mme abasi mfen adinam ñkpọ nnọọ ammọ. Isrel ye Yuda ebiat edioomo ami ñkenamma ye mme eteete ammọ.11Ke ntoro ntom ke Abọọñ abo: ‘Ami ñyaaben afanekọñ a-ammọ imiidiikanna ibọkkọ mbịne ammọ. Akpesʌkado ammọ etuaha ennọọ miin, ami ndiikpañña utọñ nnọ ammọ.12Mme abio Yuda ye mbon Yeruselem eyaekaa eketua enọ mme abasi a-ammọ efọppọ insensi enọ, ado ammọ idiinwamma ammọ ke ini nnananyen asịmme ammọ.13Afo, Yuda, amenie uwak mme abasi ukem naña mme abio mfo ewak; ndin mme akpokoro uwa a-ndufo enịmme edifọp insensi nnọọ abʌd-abʌd abasi ado Baal ewak nte mme efaak ke Yeruselem.’14“Kuubọñ akam unọọ ibon ami, kuunyʌñ unam ñkpeubọk me ebeeñe unọọ ammọ, sia ami ndiikoppo idaha se ammọ ediñkoot ke ini nnananyen ammọ.15“Nsoo ke edima mmi anam ke tembịd mminaña anye, ye uwak mbon mfen, anam ndiọi uduak amọ?Nte adisana unam akpa akan aben ufen mfo esio?Idaha afo anamma ibak mfo,afo adaara.”16Abọọñ akukoot fiin nseghe eto ọlifye nti mfịd eyaiyake idem.Ado ye uyom ekamba ayobioanye ayaakịm ikañ ke esịd amọ,ndin mme ñkọk amọ eyaebʌñọ.17Abọọñ Andikponñkan, a-akutọọhọ fiin, a-abiide nsobo unọ fiin, sia mbon Isrel ye Yuda e-enam idiọọkñkpọ enyʌñ edemme iyadesịd mmi ke adifọp insensi nnọọ Baal.
Idiọọk Edioomo ke Abaña Yerimaiya
18Sia Abọọñ amaayaara idiọọk edioomo ammọ annọ miin, ami mmaadiọọñọ, sia ke ini ado anye amañwọt miin se ammọ ekenam.19Ami ñkeba nte usʌk-usʌk ñyịn edọñ ebenne eka adiwot; ami ñkidiọọñọke ke ammọ emaeduak idiọọk uduak embaña miin, ete,“Yak ñnyịn isobo eto ye mfịd amọ;yak ñnyịn ikpịkke anye isio ke isọñ mme aduuwem,mbaak editoiyo anyịñ amọ aba.”20Ado afo, Abọọñ Andikponñkan a-akpeeghe unen ikpeanyʌñ adomo esịd ye akikere,yak ami ñkịt naña afo asio usiene ke idem ammọ,sia ami mmeyaak mfịna mmi usịn fiin ke ubọk.21Ke ntoro ntom ke Abọọñ atañ abaña mbon Anatod e-eduakka aduwot fiin, ate, “Kuutañ ñkukịd ke anyịñ Abọọñ imiidooho ñnyịn iyauwot fiin”;22ke ntoro ntom ke Abọọñ Andikponñkan abo: “Ami ñyaamia ammọ ufen. Ñkparawa ammọ eyaekpa ke akañkañ, nditọ ideen ammọ ye nditọ ibaan ammọ ke akañ.23Nsʌhọ ndomokeed idiisʌhọke inọ ammọ, sia ami ñyaadat nsobo nsọk mbon Anatod ke isua ufen ammọ.”Biblica, Inc.