Yems5
Item E-enọọhọ Mbon Imọ
1Idahami, ikpañ utọñ, ndufo mme imọ awo, itua, ibọñ ñkpo ke ntak ukuud a-adiighe ibịne ndufo.2Imọ ndufo a-abu, ndin utañkpọ anyʌñ ata mme afọñ ndufo.3Kold ye silfa ndufo edoñño ñkarafañ. Mme ñkarafañ ado eyaetie ntiense ibaña ndufo enyʌñ eta abʌkidem ndufo nte ikañ. Ndufo emekoono imọ ndufo ediip ke mme akpatre usen.4Se! Akʌkutom a-ndufo imiikpeeghe mme awo e-enamma utom inwañ ndufo, asʌk atua ayịd ibaña ndufo. Abọọñ Andikponñkan a-akop ayịd a-mme adọkidọk etuaha.5Ndufo emedʌñ mi ke isọñ ke akpọsọñ inie ye inemesịd, edia uwem enyʌñ ekop idem inem. Ndufo emebọọk idem ndufo enyʌñ esịn idem ndufo ke ekʌk ke usen nsobo.6Ndufo emebiereikpe ñkpa emenyʌñ ewot adinen awo, i-imiikibiọñọke ndufo.Unie Ime ke Ndutʌhọ
7Inie ime ndin, nditọeka ke Krais, tutu Abọọñ adi. Se naña atọ inwañ atie abet isọñ nọ asịññe ataa eti nsọñudua mfịd, ndin naña anye anie ime atie abet utịd ndaayio ye ini ntọọñọ edịm.8Ndufo ñko, inie ime inyʌñ inie nsọọñọnda, sia adidi Abọọñ akpere.9Ikiidukuuñọ ibaña emọ-emọ, nditọeka ke Krais, imiidooho ntoro eyaekpe ikpe inọ ndufo. Andikpe ikpe mmọdo ada ke inuausʌñ.10Nditọeka ke Krais, idat mme prọfed e-eketañña ikọ ke anyịñ Abọọñ nte uwọdñkpọ ume ime ke ini ndutʌhọ.11Naña ndufo ediọọñọ, ñnyịn imikịt ke adidiọñ anie mbon e-ekịtte ukuud ado esʌk enenie ime. Ndufo emekop ebaña ime Yoob, ndin emekịt se Abọọñ akenam ke akpatre. Abọọñ ayọhọ ye mbọm anyʌñ akop awo udʌk.12Ke akanna ado, mme nditọeka mmi ke Krais, ikiinwọñọ unwọñọ, me ke hefịn me ke isọñ me ke ñkpọ keed akeedodo. Yak, “Ii” ndufo ado Ii, ndin “Iyoo” ndufo anyʌñ ado Iyoo, imiidooho ntoro eyaibiom ndufo ikpe.Akam Mbuọdidem
13A-aba awo ke atu ndufo a-anieghe mfịna? Yak anye abọñ akam. A-aba awo ke atu ndufo e-esịd anemme? Yak anye akwọ ikwọ itooro.14A-aba awo ke atu ndufo a-adọñọke? Yak ekoot mme adaiwuod ufọkabasi nọ edibọñ akam enọ anye, enyʌn eyet anye adan ke anyịñ Abọọñ.15Ndin akam e-ebọññọ ke mbuọdidem ayaanam idem asọñ awo udọñọ ado; Abọọñ ayaadịppe anye ke anyọñ. Akpedo anye a-anam idiọọkñkpọ, eyaefeen enọ anye.16Ke ntoro, iyaara idiọọkñkpọ ndufo inọ emọ-emọ inyʌñ ibọñ akam inọ emọ-emọ nọ ato do ikọk ndufo udọñọ. Akam adinen awo a-asọñ adudu anyʌñ anam ñkpọ.17Elaiya akedo awo nte ñnyịn. Anye amaabọñ akam ke ayọhọ udọñ esịd abo yak edịm akuudep, ndin edịm ikideppe ke isọñ ke isua ita ye ubaak.18Ñko anye amaabọñ akam, ndin mme hefịn emaenọ edịm, ndin isọñ amaanwịm mbunwịm.19Mme nditọeka mmi ke Krais, adieke keed ke atu ndufo awuọhọ akpọñ usʌñ akpanikọ ndin awo keed mfen amaana adat anye atịmme adi,20itoiyo ke awo akeedodo a-awọññọke anam idiọọkñkpọ akpọñ usʌñ idiọọkñkpọ amọ, ayaanyaaña anye asio ke ñkpa anyʌñ afʌk uwak idiọọkñkpọ.Biblica, Inc.