Aisaiya63
Usen Usiene ye Adifak Abasi
1Anie awo ado ami a-atooho Edọm adi,ato Bosra, ndaana-ndaana ñkem aduọkkọ ke afọñ amọ?Anie awo ado ami, e-esịnne anye afọñidem ubọọñ,a-awuọhọ asaña ye uko adudu amọ?“Ado ami, a-nsuanna etob adikan,ñnyaaña ke adudu.”2Nsoo inam afọñ mfo ado ndad-ndad,nte ake mbon e-edịgheke ukwak ke afe unyịmme ukọd?3“Ami mmedịghe afe unyịmme ukọd ke idem mmi ikpọọñ;ke afịd mme idịd, awo ndomokeed ikibaaha ye ami.Ami mmaafiik ammọ ke iyadesịd mmi,ñnyʌñ nsọnnọ ammọ ke ifịdesịd mmi;iyiib ammọ amaatiamma ke mme nsiine mmi,anyʌñ adʌk afịd afọñ mmi.4Akedo usen usiene annọ miin;isua ami adifak amaadikem.5Ami mmaase, ado ikibaaha awo ndomokeed se ikiinwam,idem amañkpa miin ke awo ndomokeed ikiinọọhọ unwam;ndin ubọk mmi ikpọọñ amaabọ adinyaaña annọ miin,ifịdesịd mmi amammʌm miin akama.6Ami mmaasọnnọ mme idịd ke iyadesịd mmi;ke ifịdesịd mmi ami mmaanam ukọd anaam ammọ,ñnyʌñ nduọk iyiib ammọ ke isọñ.”Itooro ye Akam
7Ami ñyaatañ mbaña mme mfọnido Abọọñ,mme ñkpọ se anye anam e-edotto itooro,akeene afịd se Abọọñ anam inọọ ñnyịn;ii, uwak nti ñkpọa-anye anamma anọ Isrel,akeene mbọm ye uwak mfọn amọ.8Anye amaabo, “Ke akpanikọ ammọ edo ikọd mmi,nditọ se idiinam akpanikọ innọ miin”;ke ntoro anye amaakappa ado Andinyaaña ammọ.9Ke afịd ndutʌhọ ammọ anye ñko amaabọ ndutʌhọ,ndin enyere iso amọ amaanyaaña ammọ.Ke ima ye mbọm amọ anye amaafak ammọ;anye amaadịppe ammọ ke anyọñ, anyʌñ akama ammọke afịd mme usen edem.10Kpayeado ammọ emaesọñ iwuod,enyʌñ enam Adisana Sịbidịd amọ afʌhọ.Ke ntoro anye amaawọññọ edem anyʌñ akappa ado asua ammọ,anye ke idem amọ amaanwana ye ammọ.11Ndin ikọd amọ emaetoiyo mme usen edem,mme usen Moses ye mbon amọ;mmọ anye a-akesañake ye ammọ aboiyo akpainyañ,ye akpemeedọñ ufene amọ?Mmọ anye akedọññọAdisana Sịbidịd amọ ke atu ammọ,12a-akedọññọ ubọk ubọọñ adudu amọnọ aba ke ubọk nnasia Moses,a-akebakkake mme mmọọñ ke iso ammọ,yak anọ idem amọ nsi-nsi etob,13a-akebenne ammọ asaña aboiyo ke ntotəño itie?Nte enañmbakara ke anwa abio,ammọ ikiduọhọ;14nte mme enañ e-esọiyọke eka unaisọñ,Sịbidịd Abọọñ amaanọ ammọ nduọkadudu.Ntom ke afo akedat ikọd mfo usʌñ,nọ anam anyịñ ubọọñ anọ idem mfo.15To ke hefịn suuk anyen nyʌñ se,ke ñkoñ-ñkoñ ebekpo mfo, adisana ye ubọọñ.Mmọ nsịnifịk mfo ye adudu mfo?E-eben sʌñ-sʌñ ido ye mbọm mfo ikpọñ ñnyịn.16Ado afo ado Ete ñnyịn,akpesʌkado Ebraham imiidiọọñọke ñnyịn,Isrel ñko idiọọñọke ñnyịn;afo, Abọọñ, ado Ete ñnyịn,anyịñ mfo ado Ufak ñnyịn tọọñọ ke esed.17Abọọñ, ntaha a-afo anamma nọ ñnyịn itịn ikpọñ mme usʌñ mfoanyʌñ isọñ ñnyịn esịd nọ ñnyịn ikuuteeñe fiin-e?Tịmme edem di ke ntak mme isʌñutom mfo,mme ubon e-edooho udeeme mfo.18Ke etək ini ikọd mfo emaebọ adisana itie mfo enie,ado idahami mme asua ñnyịn esọnnọ adisana itie mfo.19Ñnyịn ido ake mfo tọọñọ ke esed;ado idoho afo akara ammọ,awo ikoodo ammọ idian anyịñ mfo.Biblica, Inc.