Aisaiya53
1Anie awo inịm mbʌk ñnyịn ke akpanikọ,anie awo ke eyaara ubọk Abọọñ ewọt?2Anye akekọt ke iso amọ nte nsek emịne,ye nte adʌñ a-atooho nsaad isọñ awuọ.Anye ikinieghe uyai me ubọọñ akpenamma nọ ñnyịn ima anye,ibaaha ñkpọ ke naña anye aba a-akpenamma nọ ñnyịn iyem anye.3Ubonawo emaese anye ke ndek enyʌñ esịn anye,awo ufen, a-amegheke ye ubiak.Nte awo se mbon awo edịp iso ammọ,emaesịn anye ke ndek, ñnyịn ñko imainịm anye ke usuuhọ idaha.4Ke akpanikọ anye akebọ ubiak ñnyịnamaana abọ ufen ñnyịn ñko,ado ñnyịn ikidat nte ke Abasi akemia anye ufen,amia anye, anyʌñ anọ anye ufen.5Ado ekekịm anye ke ntak ukwañido ñnyịn,ekesọọk anye ke ntak ndiọiñkpọ ñnyịn;ufen a-akebenne emem isọk ñnyịn akedoro anye ke idem,ndin ato ke mme unan amọ ñnyịn ibọ edikọk.6Afịd ñnyịn, nte edọñ, imitịn usʌñ,ñnyịn keedekeed imiwuọñọ ikeene usʌñ ñnyịn;ndin Abọọñ adot anyeidiọọkñkpọ afịd ñnyịn.7Emaefiik anye enyʌñ ekuut anye,kpayeado anye ikikʌppọke inua amọ;emaeben anye nte ñyịn edọñ ekaa itie esiwotto unam,ñko naña edọñ imiisisiooho uyio ke iso mbon se ikwaat anye ided,kpa ntoro ñko anye ikikʌppọke inua amọ.8Ke ufiik ye ikpe ke ekeben anye esio.Kpayeado, anie ke atu mbon amọ akefaaña?Sia emaekpịkke anye esio ke isọñ mme aduuwem;ekemia anye ufen ke ntak ndudue ikọd mmi.9Emaenọ anye udi ke atu mme ndiọi awo,ye mme imọ awo ke ini ñkpa amọ,akpesʌkado a-anye imiikinamma afai ndomokeed,abiaña ndomokeed ikinyʌññọ iba ke inua amọ.10Kpayeado akedo uduak Abọọñ adisọnnọ anye ñnyʌñ nnam anye abọ ufen,ñko akpesʌkado Abọọñ anamma uwem amọ ado enọ uwa ndudue ufak idiọọkñkpọ,anye ayaakịt nditọnditọ amọ, ayaanyʌñ anam mme usen amọ akpeene,ndin uduak Abọọñ ayaaseghe ke ubọk amọ.11Anye amaabọ ufen ama,ayaakịt unwana uwem anyʌñ akop uyʌkkọ;ato ke ifiọk amọ adinen ayịnufọk mmi ayaanam ikpe atoppo uwak awo,anye ayaabiom mme idiọọkñkpọ ammọ.12Ke ntoro ami ñyaanọ anye itie ye mme awuọiso awo,anye ayaadeeme mme mbịme ye mme ñkpọsọñ,sia anye amaanwañña uwem amọ aduọk ke ñkpa,emaenyʌñ ebat anye esịn ke atu mme anam idiọọkñkpọ.Sia anye amaabiom idiọọkñkpọ uwak awo,anyʌñ anam ñkpeubọk abaña mme anamidiọọk.
Biblica, Inc.