Aisaiya51
Nsi-nsi Adinyaaña Saiyọn
1“Ikpañ utọñ innọ miin, ndufo e-ebịneke adinenidoye mbon e-eyemme Abọọñ;ise itiad e-ekekamake ikpịkke ndufo esioye ube itiad e-ekisiooho ndufo;2ise Ebraham, ete ndufo,ye Sera, a-akimanna ndufo.Ini ami ñkekoodo anye, anye akedo awo keed kpọd,ndin ami mmaadiọñ anye, ñnyʌñ nnam anye ado uwak.3Ke akpanikọ Abọọñ ayaadọñ Saiyọn esịd,ayaanyʌñ ase afịd ñwuudo amọ ye esịd mbọm;anye ayaanam mme akpautatan ammọ ekappa eba nte Idịn,mme ndoon ammọ eba nte inwañ Abọọñ.Eyaekop inemesịd ye idaara ke esịd amọ,enyʌñ enọ ekọọm ye uyioikwọ.4“Ikọd mmi, ikpañ utọñ innọ miin;idịd mmi, ikop uyio mmi:Ewʌhọ ayanto miin awuọ;ukpe unen mmi ayaakappa ado unwana anọ mme idịd.5Adinenido mmi asaña akpere usọp-usọp,adinyaaña mmi asʌk adi ke usʌñ,ubọk mmi ayaaben ukpe unen asọk mme idịd.Mbon isu eyaense miinenyʌñ ebet ubọk mmi ye idodanyen.6Idịppe anyen ndufo ise mme hefịn,ise idak isọñ;mme hefịn eyaesop nte nsʌñikañ,ederimbod ayaayeeme nte afọñmme andidʌñ ke anye eyaekpañña nte nsʌñ.Ado adinyaaña mmi adiiba ke nsi-nsi,adinenido mmi idiikpuhoke tutu amaama.7“Iñkop miin, ndufo e-ediọọñọke se inen,ndufo e-ebenne item mmi esịn ke esịd ndufo:Ikiifeghe ndọk ñkaña abʌkidemme adikop ndịk mbaña mme usọñanyen ammọ.8Sia utañkpọ ayaata ammọ nte afọñ;utʌñ ayaata ammọ nte idededọñ.Ado adinenido mmi ayaaba ke nsi-nsi,adinyaaña mmi ayaaba ke afịd emana.”9Demme, demme, ubọk Abọọñ,sịn idem mfo afọñ adudu!Demme, naña akenam ke mme usen edem,nte ke mme emana esed.Nte idooho afo akekpok Rahab mbai-mbai,akenyʌñ akịm idiọọk unam?10Nte idooho afo akenam nọ inyañ asat,mme ikpọ ntotəño mmọọñ,akenamma usʌñ ke ufọọd akpainyañnọ mbon e-ekefakka ekeme isaña mboiyo?11Mbon se Abọọñ afak eyaetịmme enyọñ edi.Ammọ ediidʌk Saiyọn ye ikwọ;nsi-nsi idaara adiido anyanya ke iwuod ammọ.Inemesịd ye idaara eyaeboiyo ammọ iso,ndin mfʌhọ ye nsiama eyaefeeñe ekaa anyan.12“Ami, ami ke idem mmi, ndo idọñesịd mfo.Afo ado anie a-afegheke ñkaña awo,ubon awo e-edooho ñkaña mbid,13yak afo afre Abọọñ Andubod fiin,a-atatta mme hefịn,a-anyʌññọ asịn itiad idakisọñ ederimbod,yak afo adʌñ ke akpọsọñ ndịk afịd usenke ntak iyadesịd awo ufiik,a-asọññọ ayịre ke nsobo?Ndin mmọ anye iyadesịd afiikawo?14Mbon ñkpakọb e-enʌhọke ke ndịk eyaesọsọp ebọkkọ;ammọ idiikpaaha ke ñkpakọb,ammọ ñko idiinanake ndidia.15Sia ami ndo Abọọñ Abasi mfo,a-adịppeke akpainyañ yak ayobio afịme,Abọọñ Andikponñkan ado anyịñ mmi.16Ami mmesịn ikọ mmi ke inua mfo,ñnyʌñ ufʌk fiin ke ndukpọñ ubọk mmi.Ami añkenịmme mme hefịn ke itie ammọ,añkesịnne itiad idakisọñ ederimbod,añnyʌññọ mbo Saiyọn, ‘Ndufo edo ikọd mmi.’ ”Kọọb Iyadesịd Abọọñ
17Demme, demme!Dakka da, Yeruselem,afo a-akenwọññọ mmọọñ ato ubọk Abọọñkọọb iyadesịd amọ,afo a-akenwọññọ tutu akweeñe ntak,kpa iko a-anamma yak mme awo efịmme.18Ke atu afịd nditọ se anye akemanibaaha ndomokeed se ikidat anye usʌñ;ke atu afịd nditọ se anye akebọọkibaaha ndomokeed se ikimʌm anye ubọk.19Mme afanekọñ ami edi ubịne fiin ñkemba,anie akeme adudọñ fiin esịd?Ñwuudo ye nsobo, akañ ye akañkañ,anie akeme adudọñ fiin esịd?20Nditọ mfo e-esʌkkọ;ammọ enaa ke afịd ikọkkọ efaak,nte edob e-emʌmmọ ke afia.Ammọ eyọhọ ye iyadesịd Abọọñ,ye ntʌnọ Abasi mfo.21Ke ntoro kop ami, afo awo ukuud,a-akoppo inaam, ado itooho ke ukọd.22Se Abọọñ Andikara mfo atañ ado ami,Abasi mfo, a-akpemeke ikọd amọ:“Se, ami mmesio kọọb a-akenamma afo afʌmmọke ubọk mfo mfep;afo uduunwọññọ aba iko iyadesịd mmi tutu amama,ato kọọb ado.23Ami ñyaaben anye nsịn ke ubọk mbon se umia fiin ufen,e-ekubooho fiin,‘Duọ nyanna naa yak ñnyịn udọọk fiin isaña.’Ndin afo amaanam edem mfo aba nte isọñ,nte akpọusʌñ e-esañake.”Biblica, Inc.