Aisaiya40
Idọñesịd e-Enọọhọ Nditọ Abasi
1Dọñ esịd, dọñ ikọd mmi esịd,Abasi ndufo atañ.2Tañ ke sʌñ-sʌñ uyio nọ Yeruselem,nyʌñ tịm dọkkọ anyeke anye anam mme ñkpọsọñ utom amọ ama,ke e-ekpe utịb mme idiọọkñkpọ amọ,ke anye abọ ato ubọk Abọọñutịb ndiọiñkpọ amọ akañ iba.3Kop uyio andikood:“Idiọñ usʌñ inọ Abọọñke anaan;inam nnen-nnenakpọusʌñ ke akpautatan inọ Abasi ñnyịn.4Eyaedịppe afịd abedeñ ke anyọñ,enyʌñ esuan afịd ikpọabod ye ntəkabod;eyaenekke isọñ se ikwaña enịm,mmʌkkọ-mmʌkkọ isọñ ayaakappa unaisọñ.5Akem eyaeyaara ubọọñ Abọọñ,ndin afịd uduud awo eyaediana keed ekịt anye.Sia inua Abọọñ atañ.”6Uyio ate, “Tua ke akpọsọñ uyio.”Ndin ami mmaabo, “Nsoo ke ami ndiitua?”“Afịd awo ebit mbid,afịd nti utom akpanikọ ammọ enyʌñ ebit ñkpokpoñ ke inwañ.7Mme mbid eyeeme, mme ñkpokpoñ ñko eduọññọ,sia ibifịk Abọọñ afịm ammọ.Ke akpanikọ mme awo edo mbid.8Mme mbid eyeeme, mme ñkpokpoñ ñko eduọññọ,ado ikọ Abasi ada ke nsi-nsi.”9Afo a-abenne eti mbʌk adi Saiyọn,dọọk kaa anyọñ ekamba abod.Afo a-abenne eti mbʌk adi Yeruselem,dịppe uyio mfo nyʌñ sio ñkpo,dịppe anye ke anyọñ ke adudu, kuufeghe ndịk,dọkkọ mme abio Yuda,“Se Abasi mfo mi!”10Se, Abọọñ Andikara adi ye adudu,anye anyʌñ akara ke akpọsọñ ubọk.Se, anye asaña ye utịb amọ,ñkpọ ayịnutom amọ anyʌñ asaña ye anye.11Anye akama mme edọñ amọ nte akpemeedọñ:Anye akama ufene ke ubọk amọ,anyʌñ aben nditọedọñ adian ke ikpanesịd amọ;anyʌñ adat mbon ekamake nsek nditọ usʌñ usʌk-usʌk.12Anie awo adomo mmọọñ ke esịd ekaubọk amọ,me adibakka mme hefịn ke ekaubọk amọ?Anie awo amʌm abu ke isọñ adọñ ke akpasa,me adidomo mme ikpọabod ke udomoñkpọye ntəkabod ke udomoñkpọ?13Anie awo akeme adidiọọñọ Sịbidịd Abọọñ,me adikpeep Abọọñ nte anọitem amọ?14Anie ke Abọọñ akekaa akekịt abo nọ adikpeep anye ñkpọ,ndin anie akekpeep anye nnen-nnen usʌñ?Anie ado awo a-akekpeebe anye ifiọk,me adiwọt anye usʌñ ikike?15Ke akpanikọ mme idịd ebit ntọi mmọọñ ke abañ mmọọñ;edat ammọ nte abu ke udomoñkpọ;anye adomo mme isu nte edo ataa abu.16Lebanọn ikemme ke ikañ akpokoro uwa,mme unam ammọ ñko ikemme ke ufọfọb uwa.17Afịd mme idịd idooho ñkpọ ndomokeed ke iso amọ;anye adat ammọ nte ñkpọ i-imiibaaha ufọn,enyʌñ esịp atataa eti-eti.18Anie ndin ke afo uduudat ukudomo ye Abasi?Akee ubobodñkpọ ke afo uduudat ukudomo ye anye?19Amaado ubobodñkpọ, ubọk anamusọ akenam anye,anamutom kold akama kold adiọñ anye,anyʌñ adiọñ akpọnọ silfa anọ anye.20Awo a-aweeneke akan se akpenọọ utọ enọ adoasat eto i-imiiduakka adibiara;ammọ eyem anamusọ se idiọọñọ utomyak adibot ubobodñkpọ i-imiiduakka inyʌkkọ nduọ.21Ado nte afo udiọọñọke?Ado nte afo ukoppo?Ado nte awo ikudọkkọke fiin tọọñọ ke ntọọñọ?Ado nte afo unieghe ifiọk ubaña tọọñọ ekenam ederimbod?22Anye atie ke ebekpo ke ikara ederimbod,ikọd amọ ebit mme ataktak.Anye adette mme hefịn nte ikpotto,anyʌñ atat ammọ nte atayad se edʌñ.23Anye anam nditọ ideen adidem iwuọñọke ñkpọ ndomokeed,anyʌñ asuuhọ mme akama ukara ke ederimbod ami anịm nte ukpọk ñkpọ.24Ikpeenekekpeene eketọ ammọ,ikpeenekekpeene ekesịn ammọ ke isọñ,Ikpeenekekpeene ammọ edọñ adʌñ ke isọñ,anye afuut ammọ ndin ammọ eyeeme,ndin afịm ayobio akwọọk ammọ aduọọk nte mbio.25“Anie ke afo uduudat udomo ye ami?Me anie ido ñka ye ami?” Adisana Abasi Keed atañ.26Dịppe anyen mfo nyʌñ se mme hefịn:Anie akebot afịd ami?Anye a-asịññeke mme udịm anyọñ keedekeedanyʌñ akoot ammọ keedekeed ke anyịñ.Ke ntak akpọsọñ adudu ye ukeme amọ,ndomokeed ke atu ammọ isoppo.27Nsoo inam afo aseeme idem, Yekọb?Nsoo inam nọ afo abo, Isrel ate,“Usʌñ mmi adịbe ke iso Abọọñ;Abasi iseeghe ñkpọ ibaña se imbeghe miin”?28Ado nte afo udiọọñọke?Ado nte afo ukoppo?Abọọñ ado nsi-nsi Abasi,Andibod afịd mme utịd ederimbod.Anye idiikpaaha mba, idem idiinyʌññọ imem anye,ifiọk amọ awo ikanna idiọọñọ.29Anye anọ mbon mmemidem inweek,anyʌñ anam ukeme awak anọ mbon mmemidem.30Mme iwaad ekeme adikop mmemidem enyʌñ ekpa mba,ñkparawa ideen etuak ukod enyʌñ eduọ;31ado mbon se idot anyen ke Abọọñeyaedemme adudu ammọ.Ammọ eyaefuurọ ke mba nte mme ntrukpuum;ammọ eyaefeghe ado idiikpaaha mba,ammọ eyaesaña ado idiikoppo mmemidem.Biblica, Inc.