Aisaiya33
Mfʌhọ ye Unwam
1Adọdiọọk unọ fiin, awo nsobo,afo a-awo imiisoboke!Adọdiọọk unọ fiin, atabawo,afo a-awo imiitappa!Afo umautre adisobo,eyausobo fiin;afo umautre aditap,eyautap fiin.2Abọọñ, nie mbọm ibaña ñnyịn;ñnyịn imuyem fiin.Do adudu ñnyịn afịd ubakusen,adinyaaña ñnyịn ke ini afanekọñ.3Ke uyom mbonekọñ mfo mbon awo efeeñe;afo umaudakka ke anyọñ, mme idịd esuana.4Mbịme ndufo, O mme idịd, e-edọkkọ nte mme nsek ñkukuñkpọyọriyọ edọk;mme awo etama efʌk anye nte udịm ñkukuñkpọyọriyọ.5Ubọọñ anie Abọọñ, sia anye adʌñ ke anyọñ;anye ayaayọhọ Saiyọn ye unen ye adinenido.6Anye ayaado nsọọñọnda itiad idakisọñ inọ ndufo ke afịd ayio,imọ ufọk adinyaaña ye aniọñ ye ifiọk;uteeñe Abọọñ ado ñyịn ukpọhọde ñkpọuto ami.7Se, mme akop idem ideen ammọ etua ke akpọsọñ uyio ke mme efaak;mme isʌñutom emem etua idod-idod ayịd.8Mme akpọusʌñ enaa ukpọk,mme akaisañ ndomokeed ibaaha ke mme usʌñ.E-ebiat edioomo efep,enyʌñ esịn mme ntiense amọ ke ndek,awo ikponoke awo ndomokeed aba.9Isọñ a-asat amaanyʌñ abiara ama,Lebanọn a-akop abuud anyʌñ ayeeme;Sarọn aba nte Araba,mme mfañ Basan ye Kamel eduọññọ.10“Idahami ami ñyaadakka ke anyọñ,” Abọọñ atañ.“Idahami ñyaadakka nda;idahami ke edindịppe miin ke anyọñ.11Afo ayommo mbio abakpa,anyʌñ aman akpọ ñnyanyaha;ibifịk mfo ado ikañ u-usoboke fiin.12Eyaefọp mbon awo tutu ammọ ekappa ntọñ;nte ikọd ñkukịm e-etemme eyaefọp ammọ.”13Afo a-abaaha ke anyan usʌñ, ikop se ami nnam;afo a-abaaha ñkped-ñkped, inyịmme adudu mmi!14Mme anam idiọọkñkpọ ke Saiyọn e-ekop akpọsọñ ndịk;ñnyeñidem anam mbon i-imiibaaha Abasi:“Anie ke atu ñnyịn ikeme adidʌñ ye ikañ nsobo?Anie ke atu ñnyịn ikeme adidʌñ ye nsi-nsi ikañ?”15Mbon e-esañake ke adinenidoenyʌñ etañ se inen,e-esịnne udod a-atooho ñkanubọkenyʌñ ekpan ubọk ammọ adibọ ubọkedem,enyʌñ esiit utọñ ammọ adikop edioomo uwot awoenyʌñ ebọọp anyen ammọ ekpọñ adikere idiọọk;16ammọ edo mbon se idiidʌñ ke mme anyọñ abod,itie udịbe ammọ adiido ke akpọsọñ itie anyọñ abod.Eyaenọ ammọ uyo,mmọọñ idiinyʌññọ inana ammọ.17Anyen mfo ayaakịt adidem ke mmọnyọ amọanyʌñ akịt idʌñ a-atarake anyʌñ akpon eti-eti.18Ke akikere mfo afo ayaakere abaña mme ndịk usen edem:“Mmọ anye ekamba adaaha ado?Mmọ awo akesibọọhọ utomo?Mmọ adaaha a-aseeghe ñkpọ abaña mme tọwa?”19Afo uduukịtte mbon ñkokkoidem ado aba,mbon u-umuudiọọñọke edeme ikọ ammọ,ake usem ammọ adooho asen ndin inwañake awo.20Se Saiyọn, abio mme usọrọ ñnyịn;anyen mfo ayaakịt Yeruselem,itie idʌñ emem, atayad a-awo imiiduakka iben mfep;mboi amọ ayaasọọñọ ada kwak,udʌk amọ ndomokeed idiikpịkkeke.21Do Abọọñ adiido Akpọsọñ inọ ñnyịn.Anye adiiba nte itie ikpọ inyañ ye mme idịm.Ubom e-ekamake udeñ ewat idiiboiyoke ke esịd,ikpọ nsʌñikañ ñko idiiboiyoke do.22Sia Abọọñ ado abiideikpe ñnyịn,Abọọñ ado andinọọ ñnyịn mbed,Abọọñ ado adidem ñnyịn;anye ado andidiinyaaña ñnyịn.23Udʌk mfo atara:Inyʌññọ itịm imʌm eto adaaha yak afọn,awo inyʌññọ itat afọñ itakubom.Ndin eyaedemme uwak mbịmemme mbʌñọ ñko eyaekoono mbịme.24Awo ndomokeed a-adʌññọ ke Saiyọn idiibooho, “Idem insọññọ miin”;eyaenyʌñ efeen mme idiọọkñkpọ mbon se idʌññọ do.Biblica, Inc.