Aisaiya3
Ubiereikpe Nnọọ Yeruselem ye Yuda
1Se idahami, Abọọñ,Abọọñ Andikponñkanayem adibọ Yeruselem ye Yudaenọ ye unwam amọ:afịd enọ ndidia ye afịd enọ mmọọñ,2mme ñkpọsọñ ye mbon ekọñ,abiideikpe ye prọfedabiaidiọñ ye ñkpisọñ,3etubom awo aba mme duob ye adaaha,anọitem, adiọọñọ ñkpọ ke utomusọ ye ata abiamfa.4“Ami ñyaanam mme iwaad edo mme adaaha ammọ;ntəkayịn ediikara ammọ.”5Mme awo eyaefiik emọ-emọ,awodeen ye awodeen, mbọhọidʌñ ye mbọhọidʌñ.Iwaad eyaedakka eda ikọ ye mme ikpọawo,mbon i-imiinieghe se edo ye mbon ukpono.6Awodeen ayaamʌm keed ke atu nditọeka amọ ideenke ufọk ete amọ, anyʌñ abo,“Afo amesịne afọñ ufʌkidem, afo di do adadusʌñ ñnyịn;di se ñkpọ baña ñwuudo a-afịgheke mi!”7Ado ke usen ado anye ayaasio ñkpo ayịd,“Ami nnieghe nsuuk.Ami nnieghe ndidia me afọñ ke ufọk mmi;kunnam miin adadusʌñ unọọ mbon awo.”8Yeruselem ateññe,Yuda asʌk aduọ;mme ikọ ye mme adinam ammọ ewọt nsọñiwuod ye Abọọñ,ekaiso ebiat ubọọñ iso amọ.9Naña iso ammọ eba enọ ikọ ntiense ebaña ammọ;ammọ eneeñe idiọọkñkpọ ammọ enịm nte Sọdọm;ammọ idịppedịp anye.Adọdiọọk anọ ammọ!Ammọ eben nsobo enọ idem ammọ.10Dọkkọ ndinen awo ke adiifọfọn ye ammọ,sia ammọ eyaekop inem mfịd ubọkutom ammọ.11Adọdiọọk anọ mbon ibak!Nsobo asịm ammọ!Eyaekpe ammọ utịbke se ubọk ammọ anam.12Iwaad efiik mbon mmi,ibaan ekara ammọ.Mbon mmi, mme adadusʌñ ndufo itịn ndufo usʌñ;ammọ iwọññọ ndufo ekpọñ usʌñ.13Abọọñ adat itie amọ ke esob;anye adakka ada adikpe ikpe nnọọ mme awo.14Abọọñ adʌk ke ikpeabaña mme ñkpisọñ ye mbon se idat mbon amọ usʌñ:“Afo ado awo se ibiat inwañ fain mmi;mme ñkpọ se ebọ mme uweene ke ñkanubọk eba ke mme ufọk ndufo.15Awuọñọ die inọọ ndufo adinuak mbon mmiye adinyʌñ ñkọk iso mbon uweene?”Abọọñ atañ, Abọọñ Andikponñkan.16Abọọñ abo,“Ibaan Saiyọn ekpoon ekokko idem,esaña esio itọñ enyan;esuan anyen use,edọdọọñ isañ enyʌñ etop itakisịn,mme ñkpọ mmaidem ammọ esʌk esio uyio nte ñkanika ke itọñukod ammọ.17Ke ami Abọọñ ayaanam inia ata ibaan Saiyọn ke iwuod;Abọọñ ayaanam etịñiwuod ammọ ekappa ebọ.”18Ke usen ado Abọọñ ayaawappa ammọ uyai abọ: ñkpọ itọñubọk ye uyadiwuod ye mfọọn ñkwaitọñ,19mme ñkpọutọñ ye mme ñkpọubọk ye mme ufʌkñkpọ,20mme mbọbọiwuod ye mme ñkwaukod ye mme ñkịneisịn, mme ekpeme inemufịk adan ye mme ibọk,21mme ñkpannuun idiọọñọ ye mme ñkpannuun iwuo,22mfọọn ñnyan afọñ ye mbioubọk afọñ ye mme nduọ-nduọ afọñ, mme ekpadubọk23ye mme ukịdiso, ye mme mfọọn afọñ linen ye mme ntək anyanya ye mme afọñ ufʌkitọñ.24Utu ke inemufịk adiido idiọọk utebe;utu ke ñkịneisịn, adiido udʌk;utu ke uyaiya ided iwuod, ebọ;utu ke uyaiya afọñ, afọñikpo;utu ke uyai, mbọn ikañ.25Ideen ndufo eyaeduọññọ ke afịd,mbon ekọñ ndufo eyaekpañña ke ekọñ.26Inuaatob Saiyọn ayaaseeme anyʌñ afʌhọ;anye ayaakappa awoñkpọnnam, atie ke isọñ.Biblica, Inc.