Aisaiya15
Prọfesi A-abañake Mọb
1Prọfesi a-abañake Mọb:Ar ke Mọb atak,esobo anye ke akonayio keed!Kii ke Mọb atak,esobo anye ke akonayio keed!2Dibon adọọk akaa ke itieukpono amọ,ke mme ñkoñ-ñkoñ itie amọ aditua;Mọb atua abaña Nebo ye Medeba.Ekwaat iwuod afịd awoenyʌñ ekwaat afịd ñwaebek esio.3Ammọ esịne afọñikpo ke mme efaak;ke mme anyọñ akọm ye ke mme afeafịd ammọ etua,enyanna enaa ke ntuaña.4Hesbọn ye Eliele etua ke akpọsọñ uyio,ekop uyio ammọ ke Yahas.Ke ntoro mbon ekọñ Mọb etuaaña,esịd anyʌñ aduọ ammọ.5Esịd mmi atua abaña Mọb;mbon amọ se ibọkkọ ekọñ efeghe tutu ekesịm Soa,tutu ekesịm Eklad Selisiya.Ammọ edọọk anyọñ abod Luhid,esaña eka esʌk etua;ke usʌñ e-ekaaha Horonaimammọ eseeme ebaña nsobo ammọ.6Mme mmọọñ Nimrim esat,mbid ñko enyʌñ eyeeme;inwañ ammọ ibaaha abañkpọ ndomokeed se ido awawa ibaaha aba.7Mme inie se ammọ ekenwana ebono,ammọ ekoono ekaa ke Abedeñ mme Pọpla.8Uyom ayịd ammọ asịm adaña Mọb;ntuaña ammọ asịm Ekleim,eseeme ammọ asịm Bee Elim.9Mme mmọọñ Dimon eyọhọ ye iyiib,ado ami nsʌk ndiinanam se ikan ado ke Dimon,ñnyʌñ ndọñ ekpe abịne mbon Mọb se ibọkkọ ekọñye mbon se isʌhọ ke isọñ ado.Biblica, Inc.