Ñwed Mbon Hibru6
Unọmọ Adiwuọ Ñkpọñ Usʌñ
1Ke ntoro yak ñnyịn ikpọñ ndin mme akpa ntọọñọ ukpeebñkpọ a-abañake Krais, nọ ato do ikpoon, inyʌñ ikọd ke ifiọk. Yak ikiimamaana isịn itiad idakisọñ adikappa esịd ñkpọñ mme ñkpọ e-edatta awo eka ñkpa, ye mbuọdidem ke Abasi, ye2ukpeebñkpọ a-abañake adinam asana, udodubọk, adised ke ñkpa ye ubiideikpe nsi-nsi.3Ndin ke Abasi anyịmmeke, iyainam ntoro.4Ado ataa akpọsọñ ñkpọ anọ mbon e-emaekebọ ntadanyen, e-emaeketappa mme enọ mfọn Abasi ekop, e-emaekekeene ewuana ke Adisana Sịbidịd5e-emaekekịt ufọn a-asịneke ke ikọ Abasi ye adudu emana a-adiighe ke iso,6adieke ewuọọñọke ekpọñ usʌñ, adikan mmaana nnam ammọ ekappa esịd. Sia ke ntakudua ammọ, ammọ emamaana ekọñ Ayịn Abasi ke krọọs enyʌñ enam anye abọ asuenne anwa-anwa.7Isọñ a-anwọññọ mmọọñ e-edịm adeppe ndin-ndin aduọkkọ, a-anyʌññọ anwịm mfịd a-afọnnọ ye mme andikitọ anye asibọbọ adidiọñ Abasi.8Ado isọñ a-anwịmme mme ñkukịm ye mbaraekpe ibaaha ufọn, ndin esisọsuuñọ anye enyʌñ efọp anye ke ikañ ke akpatre.9Ndima ufan mmi ke Krais, akpesʌkado a-ñnyịn itañña ntom, ñnyịn iminekke inịm Abasi ke akpanikọ ibaña mme nti ñkpọ e-esañake ye adinyaaña ndufo.10Abasi ado anam unen; anye idiifreke utom ye ima a-ndufo ewọttọ anye, kpa naña ndufo enyaaña ikọt ammọ enyʌñ ekaka iso enyanya ammọ.11Ñnyịn iyem afịd ndufo ewọt ukem-ukem ntịñanyen ami ke afịdesịd tutu ataa akpatre, nọ ato do se ndufo enie idodanyen ebaña atʌm awuọ ada ayọhọ-ayọhọ.12Ñnyịn iyemme ndufo edoñno ifu, ado edubọiyọ mbon a-atooho ke mbuọdidem ye ime, ammọ ebọ se Abasi amaakenwọñọ.Enwọñọ Abasi Asọsọọñọ Ada
13Ke ini Abasi akenamma enwọñọ anọ Ebraham, sia awo ndomokeed a-akekponno akan anye imiikibaaha se anye akpedat anwọñọ, anye amaanwọñọ ke idem amọ,14anyʌñ abo: “Ke akpanikọ ami ñyaudiọñ fiin ñnyʌñ unọ uwak nditọ e-etooho ubon mfo.”15Ndin ke emaekebet ke ime, Ebraham amaabọ se Abasi akenwọñọ anọ anye.16Mme awo esinwọñọ ke anyịñ awo se ikpon ikan ammọ, ndin enwọñọ ado asọọñọ se etañ anyʌñ atre afịd mfaaña.17Sia Abasi akeyem adinam uduak amọ i-imiisikpəhoke uduud anwaña mbon a-anye akenamma enwọñọ ado anọ, anye amaasọọñọ ke enwọñọ.18Abasi akenam ami nọ ato do, ke mme ñkpọ iba imiikemeke adikpəho, A-Abasi ñko i-imiikemeke isʌhọ nsu, ñnyịn i-imaikifeeñe idimʌm idodanyen e-enịmme inọọ ñnyịn, inie ayọhọ ndọñesịd.19Ñnyịn iminie idodanyen nte añkọ ukpọñ a-adaaha kwak. Anye aboiyo adʌk ataa esịd adisana itie, ke edem afọñ anyenusʌñ,20itie a-Yisọs, aboiyo iso ñnyịn, amaakibem ñnyịn iso adʌk ke iwuod ñnyịn. Anye a-akappa ekamba aku ke nsi-nsi kpa ke ukem ndaha Melkisedek.Biblica, Inc.