Ñwed Mbon Hibru12
Abasi Atʌnọ Nditọ Amọ
1Ke ntoro, sia utọ ekamba udịm mme ntiense ami ikannake ñnyịn ekʌk, yak ñnyịn itoomo afịd mme ñkpọ i-ibiọọñọke ñnyịn ye idiọọkñkpọ i-isịnne ñnyịn ukad iduọñọ. Yak isịn ifịk ifeghe itọk nduba e-ekenịmme inọọ ñnyịn.2Ñko, yak iwuuk anyen ñnyịn ke Yisọs, andido ntọọñọ ye andinam mbuọdidem ñnyịn afọn ama, a-akedooho ke ntak inemesịd e-ekenịmme ke iso amọ, anye akeyọ krọs, asọọn ndọk krọs, anyʌñ asuuk atie ke ubọk nnasia ke ebekpo Abasi.3Kere baña anye a-akeyọọhọ utọ mfiomo ado ke ubọk mme ndiọi awo, mbaak afo udukop mmemidem unyʌñ uduọ esịd.4Ke afo adinwana adibọkkọ idiọọkñkpọ, afo unwanake diin ukuwuọ itie adiduọk iyiib.5Nte ndufo emefre ikọ nsọọñọidem i-ikoodo ndufo nte ete akoot ayịn amọ? Anye abo,“Yịn mmi, kuudat ntʌnọ Abasi nte mfefeere ñkpọ,kuunyʌñ uyak esịd uduọ ke ini anye asuaha unọọ,6sia Abọọñ atʌnọ awo a-anye amaaha,anyʌñ asua anọ awo a-anye adatta nte ayịn.”7Iyọ nsọñọñkpọ nte ntʌnọ; Abasi ikama ndufo nte nditọ amọ. Sia akee nditọ ke ete imiitʌnọke?8Adieke ndufo imiibọọhọ ntʌnọ (ndin afịd awo e-ebọ ntʌnọ) awuọ ndufo idooho ataa nditọ.9Ñko, afịd ñnyịn imainie mme ete abʌkidem e-ekitʌnọke ñnyịn, ñnyịn ñko imaikpono ammọ ke ntak ado. Ke die ndin ke ñnyịn idiitre adisuuk idem nnọọ Ete mme sịbidịd, ñnyʌñ ndu uwem!10Mme ete ñnyịn emaitʌnọ ñnyịn ke etək-etək ini ke usʌñ a-ammọ ekekịtte ke afọn; ado Abasi itʌnọ ñnyịn ke ufọn ñnyịn, nọ ñnyịn ikeene iwuana ke nsana mma amọ.11Ntʌnọ ndomokeed inieghe inem ke ini afo abọọhọ anye, ado akama ubiak. Ado akem koo, anye adat idọk eti uwem ye emem asọk mbon e-emaekebọ ukpeeb ke anye.12Ke ntoro, inam ubọk ndufo a-akemeemme ye edọñ ndufo emaana esọọñ!13“Inam afañusʌñ ndufo ada ukem-ukem anọ ukod ndufo,” mbaak afekke ukod adikappa mbʌñọ, ado abọ nsọñidem.Ndʌdutọñ
14Inwana ke afịd usʌñ adiba ke emem ye afịd awo ye adinie adisana uwem, sia adisana uwem imiibaaha, awo ndomokeed idiikịtte Abọọñ.15Ikịt ibo ke awo ndomokeed itịppe mfọn Abasi, ñko ke idod-idod adʌñ ikọttọ isịn mfịna inyʌñ isappa uwak awo.16Ikịt ibo ke awo ndufo ndomokeed isịnne efịbe, inamma use, inyʌññọ inana Abasi nte Isọ, a-akedooho ke ntak usan ndidia keed anye akenyam unen udeeme amọ nte akpan.17Nte ndufo ediọọñọke, awo ikinọọhọ anye adidiọñ aba ini a-anye akediyemme, emaesịn anye. Akpesʌkado a-anye aketuaha ayem adidiọñ ado, ikikanna ikpəho se anye akenam.Abod Ndịk ye Abod Idaara
18Ndufo idiighe ibịne abod e-ekemeke adituuk, a-anyʌññọ asak ikañ. Idiighe ibịne ekịm, ukuud ye ayobio;19me uyom adukpoñ me uyio a-atañña mme ikọ a-mme andikop ekpeiyekekpeiye ebo ke mmimọ iyemme adikop utọ ikọ ado aba.20Sia ammọ imiikikanna iyọ aba se ekenọọ ewʌhọ ebaña: “Akpedodo unam atuuk abod ado, ana etọọñ anye ke itiad ewot.”21Se ikitịppe amaanie ndịk tutu Moses abo, “Idem adiñnyenyek ye ndịk.”22Ado ndufo edi Abod Saiyọn, abio aduuwem Abasi, Yeruselem ake hefịn. Ndufo edi adikịt tọsịn mme tọsịn mme enyere ke mboho idaara,23ke ufọkabasi mme andikito mmana, e-emaekewet anyịñ ammọ ke hefịn. Ndufo edi ebịne Abasi, Abiideikpe afịd awo. Edi ebịne mme sịbidịd ndinen awo e-emaekenam efọọn ema;24edi ebịne Yisọs anditie ubiọñ ke ufa edioomo, enyʌñ edi ebịne adisiime iyiib a-atañña se ifọn ikan iyiib Ebeel.25Ikịt ibo ke ndufo isịnne atañikọ. Adieke ammọ imiikibọkkọke ke ini ekesịnne adikop uyio anye a-aketañña ikọ anọ ammọ mi ke ederimbod, die ndin ke ñnyịn idiibọkkọ, adieke ñnyịn ikannake iso ikpọñ anye a-atieghe ke hefịn idʌt ñnyịn utọñ?26Ke idahado uyio amọ amaanyeeñe isọñ, ado idahami anye a-anwọñọ abo, “Ke ini keed mfen ami ñyaamaana ñnyeeñe ederimbod, idooho ederimbod ikpọọñ, ñyaanyeeñe mme hefịn ñko.”27Mme ikọ ami, “ini keed mfen” ewọt adiben afịd ñkpọ se ekeme adinyeeñe mfep, a-adooho mme ñkpọ se ekebobot, nọ ato do ñkpọ se awo imiikanna inyeeñe asʌhọ.28Ke ntoro, sia ñnyịn ibọọhọ abioubọọñ a-ñkpọ ndomokeed imiidinyeeñeke, yak ñnyịn inọ ekọọm inyʌñ ikpono Abasi ke eti usʌñ, ke uteeñe ye ndịk,29sia “Abasi ñnyịn ado ikañ a-ataaha asobo.”Biblica, Inc.