Yenesis50
1Ndin Yosef amaaduọ afʌk ete amọ, anyʌñ atua ayịd abaña anye, anyʌñ atʌm anye inua.2Ndin Yosef amaanọ mbiaibọk se iba ke idak amọ uyio ate etịm ekama akpo ete amọ, Isrel. Ndin mbiaibọk emaekịm akpo ibọk,3enyʌñ edat usen aba ayọhọ-ayọhọ, sia ado akedo ini e-ekenịmme adikịm akpo ibọk nnịm. Ndin mbon Iyib emaenyʌñ efʌhọ Yekọb ke usen ata mme duob.4Ke ini mme usen mfʌhọ emaekeboiyo, Yosef amaabo esob Fero ate, “Adieke iso ndufo anenne ye ami, idọkkọ Fero innọ miin. Idọkkọ anye ibo,5‘Ete mmi amaanam ami ñnwọñọ unwọñọ, amaanyʌñ abo, “Ami mmekpere ñkpa; mbuuk miin ke udi a-ami ñketịppeke nnịm nnọ idem mmi ke isọñ Kenan.” Yak ami ndọọk ñka ñkebuuk ete mmi; amaakem ñyaatịmme ñnyọñ ndi.’ ”6Fero amaabo, “Dọọk kaa kebuuk ete mfo, naña anye akenam afo anwọñọ adinam.”7Ndin Yosef amaadọọk akaa adibuuk ete amọ. Afịd ñkpisọñ Fero emaesaña ye anye, mme ikpọawo ke esob amọ ye afịd ikpọawo ke Iyib,8ke awo imiikisịnne afịd mbon ufọk Yosef ye nditọete amọ ye mbon ufọk ete amọ. Ntəkayịn ye mme udịmedọñ ye udịmenañ ikpọọñ ke ekekpọñ ke Kosen.9Mme sariọd ye mbon uwat enañmbakara emaedọọk ekaa ye anye ekọrọ. Akedo ataa ekamba udịm awo.10Ke ini ammọ ekesịmme afe ubeek abakpa ke Atad, a-akpereke Yọdan, ammọ emaeseeme ke akpọsọñ uyio, enyʌñ etua ndod-ndod ayịd; ndin ke itie ado Yosef amaafʌhọ ikpo ete amọ ke usen itiaba.11Ke ini mbon Kenan e-ekedʌññọ do ekekịtte naña efʌhọ ikpo ke afe ubeek abakpa ke Atad, ammọ emaebo, “Mbon Iyib esʌk enịm asaña-asaña adinam ufʌhọ ikpo.” Ami ado ntak e-ekoodo itie a-akpereke Yọdan Ebeel Misraim. 12Ndin nditọ Yekọb emaenam naña anye akenọọ ammọ uyio:13Ammọ emaeben anye ekaa ke isọñ Kenan ekebuuk ke abaitiad ke inwañ Makpela, a-akpereke Mamre, ake Ebraham akedeppe adian ye inwañ nte itie ubuuk akpo ato Efrọn a-aketooho Hed.14Ke emaekebuuk ete amọ ima, Yosef amaatịmme anyọñ Iyib, anye ye nditọete amọ ye afịd mbon se ikikeene anye ikibuuk ete amọ.
Yosef Asọọñọ Nditọete Amọ Idem
15Ke ini nditọete Yosef ekekịtte ke ete ammọ amaakpa, ammọ emaebo, “Nsoo idiitịppe adieke Yosef anieghe udu ibaña ñnyịn ndin, anye isio ñnyịn usiene ke afịd ukwaññkpọ se ñnyịn ikinam anye?”16Ndin ammọ emaedọñ utom enọ Yosef, ete, “Ete mfo amainọ ñnyịn item ami mbemiso anye akpa:17‘Se ndufo ediitañ ye Yosef ado ami: Ami mmubeeñe fiin nte adakka anọ nditọete mfo ke mme idiọọkñkpọ ye mme ukwaññkpọ a-ammọ ekenamma ke adidiọọk ido ye afo.’ Mbọk feen mme idiọọkñkpọ mme nditọufọk Abasi mme ete ndufo.” Ke ini etob ammọ akedisịmme Yosef, anye amaatua.18Akema nditọete amọ emaedi, ediduọññọ ke isọñ ke iso amọ ebo. “Ñnyịn idoñño ifʌn mfo.”19Ado Yosef amaabo ammọ, “Ikiifeghe ndịk. Nte ami ndo Abasi?20Ndufo ekeyem innam miin idiọọk, ado Abasi amaakappa anam ado eti, nọ anyaaña uwem uwak awo.21Ke ntoro, ikiifeghe ndịk. Ami ñyaase ñkpọ ibaña ndufo ye nditọ ndufo.” Anye amaasọọñọ ammọ idem, anyʌñ atañ ifuuro-ifuuro ikọ ye ammọ.Ñkpa Yosef
22Yosef amaadʌñ ke Iyib ye afịd mbon ufọk ete amọ. Anye amaadu uwem isua ikie mme duob,23anyʌñ akịt ayọhọ emana ita nditọ Ifrem. Anye amaanyʌñ akịt nditọ Makia ayịn Manase e-ekemanna edot Yosef ke ukod.24Akema Yosef amaabo nditọete amọ, “Ami mmekpere ñkpa. Ado Abasi ayaadise ndufo, ado unwam inọ ndufo anyʌñ isio ndufo ke isọñ ami iben akaa isọñ a-anye akenwọñọke anọ Ebraham, Aisik ye Yekọb.”25Ndin Yosef amaanam nditọ Isrel enwọñọ unwọñọ enyʌñ ebo, “Abasi ayaiñyaaña ndufo, ke ntoro ana ndufo eben akpọ mmi esio ke itie ami.”26Akema Yosef amaakpa ke amaakesịm isua ikie mme duob. Ndin ke ammọ emaekekịm anye ibọk akpo, ammọ emaesịn anye ke akebe akpo enịm ke Iyib.Biblica, Inc.