Yenesis46
Yekọb Akaa Iyib
1Akema Isrel amaadakka ye afịd se ikido ake amọ, ndin anye akekesịm Beeseba, anye amaawa uwa anọ Abasi ete amọ Aisik.2Ndin Abasi amaatañ ikọ anọ Isrel ke ñkukịd ke akonayio anyʌñ abo, “Yekọb! Yekọb!”Anye amaabọọrọ ate, “Se miin mi.”3Anye amaabo. “Ami ndo Abasi, Abasi mme ete mfo,” “Kuuyak ndịk unam fiin adisọiyọ ñkaa Iyib, sia ami ñyaanam afo ado ekamba idịd do.4Ami ñyaasọiyọ ñkaa Iyib ye afo, ndin ami ñyaudat fiin ntịmme ñnyọñ ndi. Ndin ubọk Yosef aduukʌp fiin anyen.”5Akema, Yekọb amaakpọñ Beeseba, ndin nditọ Isrel emaeben ete ammọ Yekọb ye nditọ ammọ ye ibaan ammọ ke ukpadñkpọ a-Fero akenọọhọ ekewat ammọ.6Ndin Yekọb ye afịd ubon amọ emaekaa Iyib, esaña keed ye ufene ammọ ye afịd inie se ammọ ekenie ke Kenan.7Yekọb amaakoono afịd ubon amọ akaa Iyib, nditọ ideen ammọ ye nditọ ideen ayeyịn ye nditọ ibaan ye nditọ ibaan ayeyịn ye afịd ubon amọ.8Mme anyịñ nditọ Isrel (Yekọb ye ubon amọ) e-ekekaaha Iyib edo ami:
Rubịn akpan Yekọb.9Nditọ ideen Rubịn: Hanọk, Palu, Hesrọn ye Kaami.10Nditọ ideen Simiọn: Yemuel, Yamịn, Ohad, Yakịn, Soha, ye Sọọl, ayịn awonwaan a-awonwaan Kenan akemanna.11Nditọ ideen Lifai: Kesọn, Kohad ye Merari.12Nditọ ideen Yuda: Er, Ọnan, Sela, Peres ye Seera (ado Er ye Ọnan emaekpañña ke isọñ Kenan). Nditọ ideen Peres: Hesrọn ye Hamul.13Nditọ ideen Isaka: Tola, Pua , Yasub ye Simrọn.14Nditọ ideen Sebulọn: Sered, Elon ye Yaleel.15Mbon ami ekedo nditọ ideen a-Lia akemanna anọ Yekọb ke Padan Aram, ke amaaboiyo Daina ayịn awonwaan amọ. Nditọ ideen ye ibaan amọ ekedo edịb mme duob mme ita.16Nditọ ideen Kad: Sefọn, Hakai, Suni, Esbon, Eri, Arodi ye Areli.17Nditọ Asaa: Imna, Isfa, Isfi ye Beria. Ayịneka ammọ awonwaan akedo Sera. Nditọ ideen Beria: Heba ye Malkiel.18Mbon ami ekedo nditọ a-Silpa akemanna anọ Yekọb, a-Leban akenọọhọ ayịn amọ Lia nte ayịnufọk, duob mme itiokeed ke afịd.19Nditọ ideen anwaan Yekọb Ratiel: Yosef ye Benyamin.20Ke Iyib, Manase ye Ifrem emaemana enọ Yosef eto Asenad, ayịn awonwaan Pọtifera, aku ke Ọn.21Nditọ ideen Benyamin: Bela, Beka, Asbel, Kera, Neman, Ehi, Rọs, Mupịm, Hupịm ye Ard.22Mbon ami ekedo nditọ ideen a-Ratiel akemanna anọ Yekọb, duob mme inaañ ke afịd.23Ayịn awodeen Daan: Husịm.24Nditọ ideen Naftali: Yaseel, Kuuni, Yesa ye Silem.25Mbon ami ekedo nditọ ideen se Bilha akeman anọ Yekọb, a-Leban akenọọhọ ayịn amọ Ratiel nte ayịnufọk, afịd ammọ ekedo awo itiaba.26Afịd mbon e-ekesañake ye Yekọb eka Iyib, mbon e-eketooho asaha ubon amọ, awo ibatta ibaan nditọ amọ, ekedo awo ata mme itiokeed ke ibad.27Ekpeben nditọ ideen iba e-ekemanna enọ Yosef ke Iyib edian, mbon e-ekesịneke ke ubon Yekọb, e-ekekaaha Iyib, ekedo ata mme duob ke afịd.28Ndin Yekọb amaasio Yuda anọ ato akekịt Yosef, anyʌñ abịp usʌñ naña esaña eka Kosen. Ke ini ammọ ekesịmme ukañ Kosen,29Yosef amaabo ebeeñe sariọd amọ idem, ndin anye amaadakka akaa Kosen akesoobo ete amọ Isrel. Yosef akesʌk abọbiọññọ ete amọ ke iso, anye amaatop ubọk awañ ete amọ ke itọñ anyʌñ atua ayịd akpeene.30Isrel amaabo Yosef, “Idahami ami mmebeeñe idem adikpa, sia ami mmedikịt ke anyen mmi ke afo mmọdo ke uwem.”31Ndin Yosef amaabo nditọete amọ ye afịd mbon ufọk ete amọ, “Ami ñyaadọọk ñka ñkedọkkọ Fero mbo, ‘Nditọete mmi ye mbon ufọk ete mmi, e-ekedʌñọke ke isọñ Kenan, e-edi embịne miin.32Ideen edoñño mme akpemeedọñ, mme abọọk ufene, ndin ammọ e-edi mi ye mme udịmedọñ ye udịmenañ ye afịd se ammọ enie.’33Fero amaikoot ndufo anyʌñ abịp abo, ‘Nsoo ñkpọ ido ubọkutom ndufo?’34ana ndufo ebọọrọ, ‘nditọufọk mfo ebọọk ufene tọọñọ idaha edoññoke ntək ideen tutu ami, kpa naña mme ete ñnyịn ekenam.’ Ndin eyaeyaak ndufo ebono ke ukañ Kosen, sia mbon Iyib imaaha mme akpemeedọñ.”
Biblica, Inc.