Esra7
Esra Adi Yeruselem
1Ke mme afịd ñkpọ ami emaekeboiyo, ke ini ukara Ataseeses, adidem Pesia, Esra ayịn Seraiya, ayịn Asaria, ayịn Hilkia,2ayịn Salum, ayịn Sadọk, ayịn Ahitub,3ayịn Amaria, ayịn Asaria, ayịn Meraiyọd,4ayịn Serahaiya, ayịn Usi, ayịn Buki,5ayịn Abisua, ayịn Finehas, ayịn Eliasa, ayịn Erọn, ekamba aku,6Esra ami aketo Babilọn awuọ adi. Anye akedo andikpeeb akenekkeke adiọọñọ Mbed Moses, ake Abọọñ, Abasi Isrel, akenọọhọ. Ndin adidem amaanọ anye afịd ñkpọ se anye akebeeñe, sia ubọk Abọọñ Abasi amọ amaaba ye anye.7Ubaak nditọ Isrel, ye mme aku, mme Lifai, mbon ikwọ, mme akpeme inuaatob ye mme anamutom ke tembịd ñko, emaenyʌñ ewuọñọ edi ke Yeruselem ke ayọhọ isua itiaba ke ayio ukara Adidem Ataseeses.8Esra akediwuọ Yeruselem ke ayọhọ afiọñ ition ke ayọhọ isua ukara itiaba Adidem ado.9Anye aketọọñọ isañ amọ ke Babilọn ke akpa usen ke akpa afiọñ, ndin anye akediwuọ Yeruselem ke akpa usen ke ayọhọ afiọñ ition, sia ubọk mfọn Abasi amọ amaadoro anye ke idem.10Sia Esra amaanekke awuuk esịd amọ abaña uduuñọ ye adinịm Mbed Abọọñ, ñnyʌñ ñkpeep mme ewʌhọ ye mme mbed ke Isrel.Adidem Ataseeses Anọ Ñwedetob Esọk Esra
11Ami ado ukem-ukem ñwedetob A-adidem Ataseeses akenọọhọ aku Esra, andikpeeb Mbed, awo a-akenekkeke adiọọñọ mme ñkpọ e-esañake ye mme mbed ye ewʌhọ Abọọñ akenịmme anọ Isrel:12Ataseses, adidem mme ndidem,Awet Anọ aku Esra, andikpeeb Mbed ake Abasi anyọñ:
Ekọọm.13Ami mmewuuk idahami mbo nte ke nditọ Isrel akeedodo ke idak ubọọñ mmi, ñko ye mme aku ye mme Lifai, eyemme edukeene fiin ñkaa Yeruselem, ekeme edika.14Adidem udọñ fiin ye mme anọitem amọ itiaba abo yak ekebiime ebaña Yuda ye Yeruselem ke abaña Mbed Abasi mfo, a-adooho aba ke ubọk mfo.15Ñko toiyo bo ke imikoono silfa ye kold ake adidem ye mme anọitem amọ enọọhọ Abasi Isrel ke ima, ake itie idʌñ amọ adooho ke Yeruselem,16dian ye afịd mme silfa ye kold afo akebọọhọ ato ukara ikpeghe Babilọn, ye mme enọ imaesịd ake mme awo ye mme aku enọọhọ ebo enịm ke tembịd Abasi ammọ ke Yeruselem.17Kịt bo ke imidat akʌk ami idep ñyaaraenañ, akukịmedọñ ye mme ñyịn akukịmedọñ, dian ye mme enọ mfịd, ye enọ ukọd, nyʌñ wa ammọ ke anyọñ akpokoro uwa ke tembịd nọ Abasi mfo ke Yeruselem.18Ndin afo ye nditọ Isrel emekeme ndin edinam se ndufo ekịt ebo ke anekke afọn ye mme silfa ye kold mbon ñko, akeene uduak Abasi ndufo.19Ben nọ Abasi ke Yeruselem afịd mme ñkpọ se eyaak unọ fiin ebo aben anam ukpono ke tembịd Abasi mfo.20Ndin akpedo aba ñkpọ mfen e-eyemme adidat nnam utom tembịd Abasi mfo a-adooho se afo anie adinọ, afo amekeme adisio ke ufọk ubonoñkpọ adidem nnọọ.21Ndin ami, Adidem Ataseses, mmenam ewʌhọ mbo yak afịd mbon se ikama ñkpọ ufọk adidem esuuk anyen enọ se akpedodo aku Esra, andikpeeb Mbed Abasi anyọñ, abịppe ammọ,22tutu awuọ ñkpọ nte talen silfa ikie (100), kọọ wiid ikie , ikịm ukọd ikie , atu adan ọlif ikie ye inʌñ naña eyeyem.23Se adodo Abasi anyọñ anọọhọ uyio abo enam, yak esuuk anyen enam ke ntak tembịd Abasi anyọñ. Ke nsoo ntak ke iyadesịd amọ adiidoro ke ukara adidem ye mme nditọ amọ ke idem?24Afo ñko ana adiọọñọ abo ke afo unieghe unen adibọi ataksi, utịb me etịbe nto mme aku, mme Lifai, mbon ikwọ, akpeme inuaatob, mme anam utom ke tembịd me mme anam utom mbon mfen ke ufọk Abasi ami.25Ndin afo, Esra, kama aniọñ Abasi mfo, a-afo anieghe, mek mme akpeikpe ye mme abiideikpe yak ekpe unen enọ afịd mbon Edem Inyañ Yufretis; mek mbon se idiọọñọ mme mbed Abasi ndufo. Afo ñko ana akpeep mbon se imiidiọọñọke mme mbed ado.26Awo akeedodo ake imiinịmme mbed Abasi mfo ye mbed adidem ana abọ ufen, akeme adido ñkpa, adibịn nsio ke abio, adidia isob, me ñkpakọb.27Yak etooro Abọọñ, Abasi mme nsọbom ñnyịn, asịnne ñkpọ ami ke esịd adidem adiben ukpono nnọọ ufọk Abọọñ ke Yeruselem ke utọ usʌñ ami,28anyʌññọ afọn ido ye ami ke iso adidem ye mme anọitem amọ ye mme afịd ñkpoon ñkpọsọñ mbon utom amọ. Sia ubọk Abọọñ Abasi mmi akeba ye ami, ami mmaakop uko ñnyʌñ ñkoono mme adaaha Isrel nọ esaña ye ami ekesoobo adidem.
Biblica, Inc.