Eksọdọs31
Besalel ye Oholiab
1Akema, Abọọñ amaabo Moses ate,2“Ami mmemek Besalel ayịn Uri, a-adooho ayịn Họọ, a-atooho ubon Yuda,3ndin ami mmeyọhọ anye ye Sịbidịd Abasi, ye aniọñ, ye ndiọọñọidem, ye ifiọk ye afịd ifiọkutom,4adinam mme uyaiya ñkpọ ubọkutom ke kold, ke silfa ye brọns,5adikpịkke, ñnyʌñ mbono mme itiad, adinam utom ke eto, ñnyʌñ ñkan adinam nsio-nsio ubọkutom.6Ke akanna ado, ami mmemek Oholiab ayịn Ahisamak, a-atooho ubon Daan, nọ adiinwam anye.”“Ami mmenọ afịd mme anam mfọọn ubọkutom ukeme adinam afịd ñkpọ se ami ñkitemme:7“Atayad mbono, akebe edioomo mbed enwọñọ ye ufʌkñkpọ ñkpeubọk ke anyọñ amọ, ye afịd mme ñkpọ mbanaidem atayad,8akpokoro ye mme ñkpoduoho amọ, ataa eti kold udod utuenikañ ye afịd mme ñkpọ mbanaidem amọ, akpokoro uwa insensi,9akpokoro ufọfọb uwa, ye afịd ñkpoduoho amọ, besịn ye ukod amọ,10ndin ye mme udọdọk afọñ, afịd mme ndisana afọñ aku Erọn, ye mme afọñ nditọ amọ ideen ke ini ammọ enamma utom aku,11ndin ye adan adidiọñ ye inem ufịk insensi Adisana Itie.
“Ammọ ana enam naña ami ñkiwuuk ndufo.”
Usen Sabad
12Akema, Abọọñ amaabo Moses,13“Dọkkọ nditọ Isrel, ‘Ana ndufo enịm mme Sabad mmi. Ami adiido idiọọñọ ke ufọọd mmi ye ndufo ke mme emana adiidi ke ayio iso, nọ ndufo ediọọñọ ke ami ndo Abọọñ, a-anamma nọ ndufo esana.14“ ‘Inịm usen Sabad, sia ado adisana inọ ndufo. Awo ndomokeed a-asappake anye ana ewot anye; ana ewot mbon e-enamma utom ke usen ado esio ke atu mbon ammọ.15Ke usen itiokeed ke ana nte enam utom, ado ayọhọ usen itiaba ado usen sabad nduọkadudu, adisana usen Abọọñ. Ana ewot awo ndomokeed a-anamma utom ke usen Sabad.16Nditọ Isrel ana enịm usen Sabad, edia anye nte usọrọ ke mme emana se idiidi nte nsi-nsi enwọñọ.17Adiido idiọọñọ ke ufọọd mmi ye nditọ Isrel ke nsi-nsi, sia ke usen itiokeed ke Abọọñ akenam anyọñ ye isọñ, ndin ke ayọhọ usen itiaba anye amaaduọk adudu, anyʌñ anie adidemme ke idem.’ ”18Ke ini Abọọñ amaaketañ ikọ ama ye Moses ke Abod Sainai, anye amaanọ anye itiad mbed iba, itiadñwed A-Abasi akewette ke nnuunubọk ammọ.Biblica, Inc.