Eksọdọs15
Ikwọ Moses ye Miriam
1Ndin Moses ye nditọ Isrel emaekwọ ikwọ ami enọ Abọọñ:“Ami ñyaakwọ nnọ Abọọñ,sia anye akoñño itie.Anye amaakoono enañmbakara ye mme andiwadafʌñ aduọọk ke esịd akpainyañ.2“Abọọñ ado adudu ye ukpeme mmi;anye akappa ado adinyaaña mmi.Anye ado Abasi mmi, ndin ñyaatooro anye,anye ado Abasi ete mmi, ndin ami ñyaatooro anye.3Abọọñ ado uko ke ekọñ;Abọọñ ado anyịñ amọ.4Anye amaafʌñ mme sariọd ekọñ Fero ye udịmekọñ amọaduọọñọ ke akpainyañ.Mme ataa awuọiso mbon ekọñ Feroemaedeñ ke Ndad-ndad Akpainyañ.5Utʌñọ mmọọñ e-efʌk ammọ;ammọ emaeteñ edʌk udem nte itiad.6Abọọñ, ubọk nnasia mfo,amaanie uko ke adudu.Abọọñ, ubọk nnasia mfo,amaanuak mme asua.7“Afo amaakama akpọsọñ adudu ubọọñ mfo,atop mbon se ikinwana ye afo aduọọñọ ke isọñ.Afo amaatat ikañ iyadesịd mfo ayaak;anye ata ammọ nte mbio.8Ke afo adifiat iwuo,mme mmọọñ emaeboho.Mme utʌño mmọọñ emaedakka eda nte ndibene;udem mmọọñ emaesọọñ ke ufọọd akpainyañ.9Usua amaaduaak inua,‘ami ñyaabịne, ami ñyaakpịkke ammọ iso.Ami ñyaadeeme ñkpọ mbịme;ami ñyaadia tutu andooro.Ami ñyaasio akañkañ mmi,ndin ubọk mmi ayaasobo ammọ.’10Ado afo amaasio inweek afịm mfo,ndin akpainyañ amaafʌk ammọ.Ammọ emaedeñ nte ñkedke ekamba mmọọñ.11Abọọñ, anie ke atu mme abasiatie nte afo?Anie atie nte afo,a-anieghe uku ke adisanaido,anie uteeñe ke ubọọñ,anam mme utịppe adinam?12“Afo amesio ubọk nnasia mfo anyan,ndin isọñ aben mme asua mfo amen.13Ke nsọọñọnda ima mfo, afo ayaadatmbon se afo afak usʌñ.Ke adudu mfo, ayaawọt ammọ usʌñnọ ekesịm ke adisana itieidʌñ mfo.14Mme idịd eyaekop enyʌñ enyeñ idem;Mbọribọ ayaamʌm mbon Filistia.15Uteeñe ayaanam mbọọñ Edọm,mme ñkpisọñ Mọb eyaekpañña ñnyeñidem.Mbon abio Kenan eyaeyeppe afịd-afịd;16akpọsọñ ndịk ye ayeemensia ayaafʌk ammọ.Ato ke adudu ubọk mfoammọ eyaedop eda nte itiad,tutu ikọd mfo eboiyo, Abọọñ,tutu nditọ Isrel a-afo akefakka eboiyo.17Afo ayaaben ammọ adʌk adi, anyʌñ atọ ammọke abod a-adooho asaña-asaña udeemeñkpọ mfoAbọọñ, itie a-afo akenịmme nte itieidʌñ mfo,adisana itie, Abọọñ, u-ubọk mfo akenamma.18“Abọọñ akarake nsi-nsi nsi-nsi.”19Idaha mme enañmbakara Fero, mme sariọd ekọñ mme andiwad mme enañmbakara ekedọñọke ke akpainyañ, Abọọñ amaanam mmọọñ akpainyañ atịmme adifʌk ammọ, ado nditọ Isrel emaesaña eboiyo akpainyañ ke nsaad isọñ.20Ndin prọfed Miriam, ayịneka awonwaan Erọn, amaaben ibịdubọk ke ubọk amọ, afịd ibaan ndin emaekeene anye, ekama mme ibịdubọk enyʌñ enek unek.21Miriam amaakwọ ikwọ ami anọ ammọ:“Kwọ ikwọ nọ Abọọñ,sia anye anekke akoñ.Enañmbakara ye andiwadanye afʌñ asịn ke esịd akpainyañ.”Mme Mmọọñ Mara ye Elim
22Ndin Moses amaadat Isrel usʌñ ato ke Ndad-ndad Akpainyañ, ndin ammọ emaedʌk ekaa ke Akpautatan Sọọ. Ammọ ikikịtte mmọọñ ke usen ita a-ammọ ekesañake ke akpautatan.23Ke ini ammọ emaekedi Mara, ammọ ikikanna inwọñ mmọọñ amọ sia akedoodoro. (Ado anam nọ ekoot itie ado Mara.)24Ndin nditọ Isrel emaenam mfịna, enyʌñ edukuunọ ye Moses, ebo anye ete, “Nsoo ke ñnyịn idiinwọñ?”25Ndin Moses amaaseeme anọ Abọọñ, ndin Abọọñ amaawọt anye ibio eto. Anye amaaketop eto ado asịn ke mmọọñ, mmọọñ amaakappa ado se enwọñ.Ke itie ado ke Abọọñ akenọọ ammọ ewʌhọ ye item, anyʌñ adomo ammọ ase.26Anye amaadọkkọ ammọ abo, “Ndufo ikpitịm ikpañ utọñ inọ Abọọñ Abasi ndufo, inyʌñ inam se inen ke iso amọ, ndufo ikpikpañ utọñ inọ mme mbed amọ inyʌñ inịm mme ewʌhọ amọ, ami ndiinamma mme utọ udọñọ a-ami ñkebenne ñkeene mbon Iyib ikeene ndufo, sia ami Abọọñ, ndo andikọk ndufo udọñọ.”27Ndin ammọ emaekewuọ Elịm, itie idịm duob mme iba ye ayob ata mme duob ekebaaha, ammọ emaenyʌñ eba do ekpere mmọọñ ado.
Biblica, Inc.