Ditrọnọmi27
Itie Ukpono ke Abod Ebal
1Moses ye mme ñkpisọñ Isrel emaewuuk afịd awo ete: “Inịm afịd mme item se ami inọọ ndufo mfịn ami.2Imaikaaña Yọdan idʌk isọñ A-Abọọñ Abasi ndufo inọọhọ ndufo, ibono mme ñkpoon itiad inyʌñ ikama ndom ideppe ammọ.3Iwet afịd mme ikọ mbed ami ke ndufo emaekaaña ekedʌk isọñ A-Abọọñ Abasi ndufo inọọhọ ndufo, isọñ a-afiọọrọke ye mmọọñeba ye adanakwọọk, kpa naña Abọọñ, Abasi mme eteete ndufo, akenwọñọ inọọ ndufo.4Ndin ndufo imaikaaña Yọdan, ibono mme itiad ami ke Abod Ebal, kpa naña ami iwuuk ndufo mfịn ami, inyʌñ ikama ndom ideppe ammọ.5Ibọp akpokoro uwa ke ndo inọ Abọọñ Abasi ndufo, itieukpono enamma ke itiad. Ikiikama ñkpọ utom ukwak idat inam ammọ.6Ibọp itieukpono Abọọñ Abasi ndufo ke itiad a-awo imiikpịkkekekpịkke inyʌñ iwa ufọfọb uwa ke ndo inọ Abọọñ Abasi ndufo.7Iwa uwa ewuana ke ndo, idia inyʌñ idaara ke iso Abọọñ Abasi ndufo.8Ndin ndufo eyaewet nọ enekke emọọnọ afịd ikọ se isịne ke mbed ke mme itiad ami.”Mme Isuuñọ E-etooho Abod Ebal
9Ndin Moses ye mme aku Lifai emaebo afịd Isrel, “Isrel, idop uyio, inyʌñ ikpañ utọñ! Idahami ndufo edido mbon Abọọñ Abasi ndufo.10Ikop uyio Abọọñ Abasi ndufo inyʌñ ikeene mme item ye mme ewʌhọ amọ a-ami inọọhọ ndufo mfịn ami.”11Kpa ke usen ado Moses amaawuuk mme atu awo:12Ndufo imaikaaña Yọdan, mme ubon ami eyaeda ke Abod Kerisịm adidiọñ mbonawo: Simiọn, Lifai, Yuda, Isaka, Yosef ye Benyamin.13Ndin mme ubon ami eyaeda ke Abod Ebal enọ isuuñọ: Rubịn, Kad, Asaa, Sebulọn, Daan ye Naftali.14Mme Lifai eyaetañ ke akpọsọñ uyio enọ afịd awo ke Isrel:15“Adọdiọọk anọ awo a-anamma ubobodñkpọ, a-adooho mbubiam ke iso Abọọñ, utom ubọk anamusọ ndin aben anịm ke ndedịbe itie.”Ndin afịd awo eyaebọọrọ, “Amen!”16“Adọdiọọk anọ awo a-asuenneke ete ye eka amọ.”
Ndin afịd awo eyaebọọrọ, “Amen!”17“Adọdiọọk anọ awo a-asịkkeke itiad adaña mbọhọidʌñ amọ.”
Ndin afịd awo eyaebọọrọ, “Amen!”18“Adọdiọọk anọ awo a-atịnne nnan usʌñ.”
Ndin afịd awo eyaebọọrọ, “Amen!”19“Adọdiọọk anọ awo a-amʌmmọ unen asenawo, me ake nditọakpa me ake ebekpa akama.”
Ndin afịd awo eyaebọọrọ, “Amen!”20“Adọdiọọk anọ awo a-anieghe ewuana ye anwaan ete amọ, sia anye a-asappa akwañ ete amọ.”
Ndin afịd awo eyaebọọrọ, “Amen”21“Adọdiọọk anọ awo a-anieghe ewuana ye unam.”
Ndin afịd awo eyaebọọrọ, “Amen”22“Adọdiọọk anọ awo a-anieghe ewuana ye ayịneka amọ awonwaan, me ayịnete amọ awonwaan me ayịn awonwaan e-eka amọ amanna.”
Ndin afịd awo eyaebọọrọ, “Amen!”23“Adọdiọọk anọ awo a-anieghe ewuana ye eka anwaan amọ.”
Ndin afịd awo eyaebọọrọ, “Amen!”24“Adọdiọọk anọ awo a-awotto mbọhọidʌñ amọ ke ndedịbe.”
Ndin afịd awo eyaebọọrọ, “Amen!”25“Adọdiọọk anọ awo a-abọọhọ ubọk edem adiwot awo i-imiidueghe.”
Ndin afịd awo eyaebọọrọ, “Amen!”26“Adọdiọọk anọ awo i-imiinịmme mme ikọ mbed ami ke edinam ammọ.”
Ndin afịd awo eyaebọọrọ, “Amen!”
Biblica, Inc.