Udiana Ñwed Samwel15
Adu Ibak Absalọm
1Ke ini amaakekem, Absalọm amaanie sariọd ake idem amọ ye mme enañmbakara ye ideen awo aba mme duob esifegheke ke iso amọ.2Anye amaasibak ademme ke idab, akeda ke mben usʌñ e-etooho esaña edʌk inuaatob abio. Ini akeedodo awo akenieghe mfịna aben adinịm ke iso adidem yak enọ ubiere, Absalọm ayaabọñ akoot awo ado, abịp abo, “Akee abio ke afo ato?” Anye ayaabọọrọ, “Ayịnufọk mfo ato keed ke atu esiin Isrel.”3Akem Absalọm ayaabo anye ate, “Se, ikọ mfo anen anyʌñ afọn, ado ibaaha awo se adidem anịm abo akop ikọ mfo.”4Ndin Absalọm ayaadian do, abo, “Akpekapado emaemmek miin nte abiideikpe ke abio! Ñko afịd awo se inie mfịna me ikpe ekpaembịne miin, ami ñko ñkpaakịt mbo ke ammọ ebọ unen.”5Ñko, ini akeedodo awo akesañake akpere anye adinuuk iwuod ke iso amọ, Absalọm ayaasio ubọk amọ anyan, amʌm anye anyʌñ atʌm anye inua.6Absalọm amaanam ntom ke utọ usʌñ ami ye afịd nditọ Isrel e-ekediighe ediyem unen eto adidem, ke ntoro anye amaawọññọ esịd nditọ Isrel anọ idem amọ.7Ke utịd ayọhọ isua inaañ, Absalọm amaadọkkọ adidem ate, “Yak ami ñka ke Hibrọn ñkesio akaaña ami ñkenamma nnọ Abọọñ.8Ke ini awo mfo akedʌññọ ke Kesọọ ke Aram, ami mmaanam akaaña ami: ‘Adieke Abọọñ ambenne miin atịmme aka Yeruselem, ami ñyaakpono Abọọñ ke Hibrọn. ’ ”9Adidem amaabo anye ate, “Kaa ke emem.” Ndin anye amaakaa Hibrọn.10Akem Absalọm amaadọñ mme ndịbe-ndịbe isʌñutom ekaiya afịd mme esiin Isrel ekebo ete, “Ndufo emaesʌk ekokop uyom mme adukpoñ, ndin ibo ite, Absalọm ado adidem ke Hibrọn.”11Ideen ikie iba (200) eketo Yeruselem ekeene Absalọm. Ekekoot ammọ nte mme isenawo, ammọ ekeka ke eti esịd, ikidiọọñọke ñkpọ ibaña edioomo ami.12Ke ini Absalọm anamma mme uwa, anye ñko amaadọñ abo ekoot Ahitofel awo Kilọ, adinọ Defid item, yak ato idʌñ amọ, Kido, adi. Do ndin adu ibak ami amaasọọñọ, ndin mbon se ikikeene Absalọm emaekaa iso etọt.Defid Afeghe
13Ndin isʌñutom amaadi anyʌñ adidọkkọ Defid abo, “Esịd nditọ Isrel adikappa aba ye Absalọm.”14Ke ntoro, Defid amaakoot afịd mme adaaha amọ e-ekebaaha ye anye ke Yeruselem ate, “Ndufo idi! Ana ñnyịn ifeeñe, imiidooho ntoro, awo ñnyịn ndomokeed idiibọkkọke Absalọm. Ana ñnyịn ikpọñ ini keed, mbaak anye adidi usọp-usọp adibọhọ ñnyịn, anyʌñ aben nsobo isọk ñnyịn, anyʌñ asobo abio ke akañkañ.”15Mme ikpọ mbon utom adidem emaebọọrọ anye ete, “Nditọ mfo ebeeñe idem edinam se adodo abọọñ ñnyịn adidem amekke.”16Adidem amaasaña awuọ, ndin afịd ufọk amọ ekeene anye; ado amaanịm ibaan esiin duob nọ ese ñkpọ ebaña akwere adidem.17Ndin adidem amaadakka awuọ, afịd mme awo ekeene anye, ammọ ñko emaetuak eda ke mben abio.18Afịd ikọd amọ emaesaña ke udịm ke iso amọ, afịd mbon Kered ye Peled, ye afịd mbon Kid ikie itiokeed (600) ekekeeneke anye eto Kad emaesaña ke udịm ke iso adidem.19Adidem amaabịp Itai awo Kad abo ate, “Ntak afo akpikeeneke ñnyịn-e? Tịmme kaa keba ye adidem Absalọm. Afo ado asenawo, a-akekpọññọ isọñ emana mfo.20Ñkpọñ-ñkpọñ ami ke afo akedi. Ndin ami ñyaadinam nọ afo ikeene ñnyịn ayooñ mfịn, ke ini ami ndiidiọọñọke itie se ñka? Nyọñ kaa, nyʌñ koono ikọd mfo kaa. Yak Abọọñ uwọt fiin mfọn ye akpanikọ. ”21Ado Itai amaabọọrọ adidem abo, “Adaña nte Abọọñ abaaha ke uwem, ye adaña nte abọọñ mmi adidem abaaha ke uwem, itie akeedodo abọọñ mmi adidem abaaha, me ado ke uwem me ke ñkpa, do ke ayịnufọk mfo adiiba.”22Defid amaabo Itai, “Kaa iso, saña kaa.” Ndin Ittai, awo Kad, amaasaña akaa ye afịd ikọd amọ ye mme ubon e-ekebaaha ye anye.23Afịd awo ke esịd abio emaetuaha ke akpọsọñ uyio naña afịd mme awo ekesañake eboiyo. Adidem ñko amaakaaña Abedeñ Kidrọn, ndin afịd awo emaeboiyo ekaa iso ke usʌñ anaan.24Sadọk ñko akeba do, afịd mme Lifai se ikiba ye anye ekebiom akebe edioomo Abasi. Ammọ emaesuuhọ akebe edioomo enịm, ndin Abiata amaanam mme uwa tutu afịd mme awo ekpọñ abio ema.25Akem adidem amaadọkkọ Sadọk abo, “Ben akebe edioomo Abasi tịmme dʌk abio. Adieke ñkịtte mfọn ke iso Abọọñ, anye ayaamaana amben anyọñ nọ ndikịt anye ye itie idʌñ amọ.26Ado anye akpebo, ‘Ami nnemme esịd ye afo,’ ndin ami mmebeeñe idem, yak anye anam ye ami se adodo a-afọnnọ ye anye.”27Adidem amaanyʌñ adọkkọ aku Sadọk ate, “Unwaña fiin? Tịmme kaa abio ye adidiọñ mmi. Ben ayịn mfo Ahimaas yak asaña ye afo, ye Yọnatan ayịn Abiata ñko. Afo ye Abiata itịmme ikaa ye nditọ ndufo iba.28Ami ñyaabet ke itie ukod mmọọñ ke anaan tutu afo anọ uyio do adiñwuọ idem.”29Ke ntoro Sadọk ye Abiata emaeben akebe edioomo Abasi etịmme enyọñ Yeruselem enyʌñ ekeba do.30Ado Defid amaakaa iso tutu akewuọ Abod Ọlif, asaña atua, amaafʌk iwuod amọ, asaña ke ukpọk ikpad. Afịd awo se ikisaña mme anye emaefuuk iwuod ammọ ñko, ñko esaña etua.31Ñko emaedọkkọ Defid ebo, “Ahitofel ado keed ke atu mbon edioomo ibak Absalọm.” Ndin Defid amaabọñ akam abo ate, “Abọọñ, kappa item Ahitofel sịn ke ndisịme.”32Ke ini Defid amaakedọọk ikiwuọ anyọñ abod, ke itie mme awo ekesikponoke Abasi, Husai, awo Akaid amaaba do adisoobo ye anye, ewịra amọ amaawaiya, ntọñ amaayọhọ anye iwuod.33Defid amaabo anye, “Afo akpeñkeene miin asaña, afo uduudo ñkpọ mbiomo annọ miin.34Ado afo akpenyọñ aka abio akebo Absalọm, ‘Adidem mmi, ami ñyaado ayịnufọk mfo; ami ñkedo ayịnufọk ete mfo ke usen edem, ado idahami, ami ndiido ayịnufọk mfo.’ Ndin afo amekeme iñnyaaña miin ke adibiat item Ahitofel.35Nte mme aku Sadọk ye Abiata idiibaaha do mme afo? Dọkkọ ammọ ñkpọ akeedodo a-afo akoppo ke akwere adidem.36Nditọ ammọ iba, Ahimaas ayịn Sadọk ye Yọnatan ayịn Abiata, mmọdo ebaña mme ammọ. Se afo akokop, dọñ ammọ nọ edindọkkọ.”37Ndin Husai, ataa awo idem Defid, amaakesịm Yeruselem ke idaha Absalọm akedʌkkọ abio.Biblica, Inc.