Udiana Ñwed Ndidem6
Iwuod Ekịd Afiọrọ
1Mme nditọ prọfed emaebo Elisa, “Se, itie se ñnyịn isisoobo ye afo asịp abọhọ inọ ñnyịn.2Yak ñnyịn ikaa Yọdan, nọ awo keedekeed adat eto; ndin yak ñnyịn ibọp itie se ñnyịn isoobo.”Ndin anye amaabo, “Ikaa.”3Ndin keed ke atu ammọ amaabo, “Mbọk afo uduukeeneke nditọufọk mfo?”
Elisa amaabọọrọ, “Ami ñyaadi.”4Ndin anye amaakeene ammọ.
Ammọ emaekaa Yọdan ekekpok mme eto.5Keed ke atu ammọ akesʌk akpịkke eto, ukwak iwuod ekịd amaaduọ adʌk mmọọñ. Anye amaasio ñkpo, “O, iyoo, abọọñ mmi! Ñkebeebeeñe!”6Awo Abasi amaabịp, “Akeduọ ke ñke?” Anye akewọt anye itie, Elisa amaakpịkke eto atop asịn ke ndo, anyʌñ anam ukwak ado afiọrọ.7Anye amaabo, “Dịppe anye sio.” Ndin awo ado amaanyan ubọk asio anye.
Elisa Atap Mbon Aram Ekeforoke Nnan
8Ndin adidem Aram akeba ke ekọñ ye Isrel. Anye akekọọk iwuod ama ye mme adaaha amọ, anye amaabo, “Ami ñyaanịm nnaaekọñ mmi ke itie ntom ye itie ntom.”9Ndin awo Abasi amaadọñ etob anọ adidem Isrel: “Kpeme kuusaña efaak ado, sia mbon Aram eyaekaa efaak udo.”10Ndin adidem Isrel amaakese itie a-awo Abasi akebooho. Ini ke ini Elisa amaawuuk adidem mbara, nọ anye akpeme mme utọ itie ado.11Ñkpọ ami amaayat adidem Aram. Anye amaakoot mme adaaha amọ anyʌñ abịp ammọ, “Indọkkọ miin! Anie ke atu ñnyịn adiana ye adidem Isrel?”12Keed ke atu mme etubom ekọñ amaabo, “Ibaaha awo ñnyịn, abọọñ mmi adidem, ado Elisa, prọfed a-abaaha ke Isrel, adọkkọ adidem Isrel ukem ikọ a-afo asịneke ke esịd ubeed mfo atañ.”13Adidem amaanọ uyio, “Ikaa, idiọọñọ nte anye aba, nọ ami ndọñ ideen ekemʌm anye.” Etob amaato adi: “Anye aba ke Dotan.”14Ndin anye amaadọñ mme enañmbakara ye mme sariọd ye akpọsọñ mbon ekọñ. Ammọ emaekaa ke akonayio ekekanna abio ado ekʌk.15Ke ini ayịnufọk awo Abasi amaakebak adakka ubakusen edem usen awuọ esiin, udịmekọñ ye mme enañmbakara ye mme sariọd emaekanna abio ekʌk. “O iyoo, abọọñ mmi! Nsoo ke ñnyịn idiinam?” ayịnufọk amaabịp.16Prọfed amaabọọrọ, “Kuukop ndịk. Mbon se iba ye ñnyịn ewak ekan mbon se iba ye ammọ.”17Ndin Elisa amaabọñ akam, “Abọọñ, tat anye anyen, nọ anye akịt.” Ndin Abọọñ amaatat anyen ayịnufọk, ndin anye amaase anyʌñ akịt mme abod naña eyọhọ ye mme enañmbakara ye mme sariọd ikañ ekanna Elisa.18Naña mbon asua ekesọiyọ edi ebịne anye, Elisa amaabọñ akam anọ Abọọñ, “Nam udịmekọñ ami ekappa nnan.” Ndin anye amaanam ammọ ekappa edo nnan, naña Elisa akebeeñe.19Elisa amaadọkkọ ammọ, “Idooho usʌñ adom inyʌññọ ido abio adom. Iñkeene miin, ndin ami ñyaiben ndufo ñkewọt awodeen ake ndufo eyemme.” Ndin anye amaadat ammọ akaa Sameria.20Ke ammọ emaekedʌk abio, Elisa amaabo, “Abọọñ, tat anyen ideen ami yak ammọ ekịt usʌñ.” Ndin Abọọñ amaatat ammọ anyen ndin ammọ emaekịt ke mmimọ ikiba ke esịd Sameria.21Adidem Isrel akekịt ammọ, anye amaabịp Elisa, “Ñwot ammọ, ete mmi? Ñwot ammọ?”22Anye amaabọọrọ, “Kuuwot ammọ,” “Afo akpaawot mbon ake afo amʌmmọ ke akañkañ me ke utịgha? Nịm ndidia ye mmọọñ nọ ammọ nọ ammọ edia enyʌñ enwọñ ndin enyọñ ebịne eteufọk ammọ.”23Ndin anye amaanam ekamba usọrọ anọ ammọ, ndin ke emaekedia enyʌñ enwọñ ema, anye amaanọ ammọ enyọñ, ndin ammọ emaenyọñ ebịne eteufọk ammọ. Ndin udịm mbon anwan e-etooho Aram emaetre edidi ikọ ke isọñ Isrel.Akañ ke Sameria Emaekekanna Ekʌk
24Akemaanako, Ben-Hadad adidem Aram amaakoono afịd udịmekọñ amọ ndin esaña edọọk ekekanna Sameria ekʌk.25Ekamba akañ amaaba ke abio Sameria; ukanna abio ñkʌk amaakpeene tutu iwuod dọñki anyama ke sekel silfa anaañ , ye mbakka keed ke itie inaañ udomo ñkpasi uduañ ibiom anyama ke sekel ition .26Naña adidem Isrel akesañake aboiyo ke mben ndibene, awonwaan amaatua akoot anye, “Ñnyaaña miin, abọọñ mmi adidem!”27Adidem amaabọọrọ, “Adieke Abọọñ umuunyaañake fiin, ami ndiidat mmọọ unwam unọ fiin? Ke afe ubeek abakpa? Ke afe unyịmme ukọd?”28Ndin adidem amaabịp anye, “Nsoo ido mfịna?”Anye amaabọọrọ, “Awonwaan ami akembo miin, ‘Ben ayịn mfo di nọ ita mfịn, ndin ñkpọñ ñnyịn ita ayịn mmi.’29Ndin ñnyịn imaitem ayịn mmi inyʌñ ita. Edem usen ami mmaabo anye, ‘Ben ayịn mfo di nọ ita,’ ado anye amaakedịp anye.”30Adidem akekop ikọ awonwaan ado, anye amaawai mme afọñ amọ. Nte anye akesañake ke mben ndibene, mme awo emaese, ndin ammọ emaekịt ke idak mme afọñ amọ, anye amaasịne afọñikpo.31Anye amaabo, “Yak Abasi anam ye ami, anyʌñ anekke anam akan, adieke iwuod Elisa ayịn Safad adoroke anye ke afara mfịn ami!”32Ndin Elisa aketie ke ufọk amọ, ndin mme ñkpisọñ emaetie ye anye. Adidem amaadọñ isʌñutom ato aka, ado mbemiso anye adiwuọ, Elisa amaabo mme ñkpisọñ, “Ndufo ikịtte naña awodawo ami adọñ awo adiñkpịkke miin iwuod asio? Se, isʌñutom amaadi, ibet usʌñ inyʌñ ibet ibaaha anye. Idooho uyom ikpadisañ eteufọk amọ adodo ke edem amọ?”33Idaha anye asʌkkọ atañ ikọ ye ammọ, isʌñutom amaadisịme anye.
Adidem amaabo, “Afanekọñ ami ato Abọọñ. Ntak ami ñkpebette Abọọñ aba-a?”
Biblica, Inc.