Udiana Ñwed Ndidem19
Eyaara Adinyaaña Yeruselem
1Ke ini Hesikaiya akekoppo ikọ ami, anye amaawai afọñ amọ anyʌñ asịne afọñikpo akaa akedʌk tembịd Abọọñ.2Anye amaadọñ Eliakịm aseñkpọ ke ufọkadidem, Sebna awedñwed ye mme adaiso ke atu mme aku, afịd ammọ esiine afọñikpo, eka ebịne prọfed Aisaiya ayịn Emọs.3Ammọ emaedọkkọ anye, “Kop se Hesikaiya atañ mi: Mfịn ami ado usen mfʌhọ ye ntʌnọ ye asuenne, kpa naña mme nsekayịn eyem edimana ke ini uman ado inweek ibaaha se eman ammọ.4Akeme adido ke Abọọñ Abasi mfo ayaakop afịd ikọ ake adaiso ekọñ, ake eteufọk amọ, adidem Asiria, adọññọ yak adimiom aduuwem Abasi, ndin anye ayaaduat anye akeene ikọ se Abọọñ Abasi mfo akop. Ke ntoro bọñ akam nọ nsʌhọ se isʌk isʌhọ.”5Idaha mme adaaha adidem Hesikaiya ekedisooboke ye Aisaiya,6Aisaiya amaabo ammọ, “Idọkkọ eteufọk ndufo, ‘Kop se Abọọñ atañ mi: Kuukop ndịk ubaña se afo akop, mme ikọ ake mme nditọufọk adidem Asiria ebenne emmiom miin.7Kpañ utọñ! Ayaaba etob keed a-adooho anye amaakop, anye ayem aditịmme ñnyọñ idịd amọ, do ke ami ndiinam nọ ewot anye ke akañkañ.’ ”8Ke ini adaiso ekọñ akekop ke adidem Asiria amaakpọñ Lakis, anye amaatịmme edem akekịt ke adidem anwana ye Libna.9Ndin Senakerib amaabọ etob ke Taihaka, adidem Kuus, asʌk asaña adi adinwana ekọñ ye anye. Ndin anye amaamaana adọñ mme isʌñutom anọ Hesikaiya ye ikọ ami:10“Dọkkọ Hesikaiya adidem Yuda: Kuuyak abasi ake afo abuọttọ idem ubiaña fiin ke ini anye abooho, ‘Awo idiiyaaha Yeruselem isịn ke ubọk adidem Asiria.’11Ke akpanikọ afo amekop se mme ndidem Asiria enam afịd mme idịd, ke adisobo ammọ afịd-afịd. Ndin eyaunyaaña fiin?12Nte mme abasi mme idịd ado ake mbon se ikimbem miin iso ikara Asiria ekesoboke emaenyaaña ammọ, mme abasi Kosan, Haran, Resef ye mbon Idịn ekebaaha ke Tel Asaa?13Mmọ adidem Hamad me adidem Apad? Mmọ ndidem abio Laiye, Sefafaim, Hena ye Iffa?”Akam Hesikaiya
14Hesikaiya amaabọ ñwedetob ato mme isʌñutom anyʌñ akoot. Ndin anye amaakaa tembịd Abọọñ anyʌñ adette anye anịm ke iso Abọọñ.15Ndin Hesikaiya amaabọñ akam anọ Abọọñ: “Abọọñ, Abasi Isrel, a-atieghe ke ufọọd serubim, afo ikpọọñ ado Abasi ke afịd mme abioubọọñ ke ekondo ke isọñ. Afo anam anyọñ ye isọñ.16Kpañ utọñ, Abọọñ; nyʌñ kop; tat anyen mfo, Abọọñ, nyʌñ kịt; kop mme ikọ se Senakerib adọñ nọ esịn anyịñ Aduuwem Abasi ke ndek.17“Abọọñ, ado akpanikọ ke ndidem Asiria e-esobo mme idịd emi ye mme isọñ ammọ.18Ammọ etoomo mme abasi ammọ edọñ ke ikañ enyʌñ esobo ammọ, sia ammọ ikidooho mme abasi ado edo eto ye itiad, se ubọk awo anam.19Idahami, Abọọñ Abasi ñnyịn, fak ñnyịn sio ke ubọk amọ, nọ afịd mme idịd ediọọñọ ke afo ikpọọñ, Abọọñ, ado Abasi.”Aisaiya Atañ Prọfesi abaña Iduọ Senakerib
20Ndin Aisaiya ayịn Emọs amaanọ etob esọk Hesikaiya: Ntom ke Abọọñ, Abasi Isrel, abo: Ami mmekop akam mfo ke abaña Senakerib adidem Asiria.21Ami ado ikọ se Abọọñ atañ abaña anye:Mboppo Ayịn Awonwaan Saiyọnuse fiin ke ndek anyʌñ usak fiin.Ayịn Awonwaan Yeruselemanyeghe iwuod amọ naña afo afegheke.22Anie ke afo ase ke mbio anyʌñ amiom?Afo adịppe uyio mfo abaña anieanyʌñ adịppe anyen mfo ke ntañidem?Abaña Adisana Abasi Isrel!23Afo amekama isʌñutom mfoamiom Abọọñ.Afo amenyʌñ abo,“Ye uwak sariọd mmiami mmedọọk nsịm mme atịñe ikpọabod,ataa ñkoñ-ñkoñ anyọñ abod Lebanọn.Ami mmekpok mme ñnyọọññkan eto sida amọ,mme mfọọn edimek eto yunipa amọ.Ami mmesịm ataa akpatre esịd amọ,mme mfọọnñkan akai amọ.24Ami mmetịppe mme ube mmọọñ ke mme asen idịdñnyʌñ ñnwọñ mmọọñ nto do.Ye ekaikpad mmiami mmenam afịd mme idịm ke Iyib esat.”25Ado nte afo ukoppo?Akpeene ami ñkebiere.Ke mme usen edem ami mmaanam uduak;idahami ami mmenam anye awuọ asu,ke afo amenam mme ñkpọsọñ abioekappa edo mme eboho itiad.26Mbon ammọ, u-udịd amaakweeñe,idem anyʌñ abọkkọ e-ekop abuud.Ammọ eba nte eto ke inwañ,nte ndisi awawa emịne,nte mbid a-atịppeke ke akọm,asaat mbemiso anye akọt.27Ado ami mmediọọñọ nte afo abaye ini se afo adi ye ini anyʌññọ anyọñye naña afo atọhọ ye ami.28Sia afo atọhọke ye amiñko sia usọñanyen mfo awuọ utọñ mmi,ami ñyaasịn ekọb mmi ke iwuo mfoye ukwak mmi ke inua mfo,ndin ami ñyaanam afo atịmme anyọñkpa ke usʌñ afo aketooho adi.29Hesikaiya, ami adiido idiọọñọ unọ fiin:Isua ami afo uduudia se itịppe ke idem amọ,ndin ayọhọ isua iba se itịppe ito akpa ado.Ado ke ayọhọ isua ita tọ nyʌñ dọk,tọ mme inwañ fain nyʌñ dia mme mfịd ammọ.30Inikeed mfen nsʌhọ abioubọọñ Yudaayaanie adʌñ ke idak isọñ anyʌñ anwịm mfịd ke anyọñ.31Sia nsʌhọ ayaato ke Yeruselem awuọ adi,mbon e-ebọkkọke eyaenyʌñ eto Abod Saiyọn.“Akpọsọñ udọñ Abọọñ Andikponñkan adiinam ami awuọ asu.32“Ke ntoro se Abọọñ atañ ado ami abaña adidem Asiria:“ ‘Anye idiidʌkkọ abio amiidiinyʌññọ itop idañ mi.Anye idiikamake atuekọñ ibịne abio amiidiinyʌññọ ibọp nnaaekọñ ikanna anye ikʌk.33Usʌñ nte anye aketo adi ke anye adisaña inyọñ;anye idiidʌkkọ abio ami,Abọọñ abo.34Ami ñyaakpeme abio ami ñnyʌñ ñnyaaña anye,ke ntak mmi ye ke ntak afʌnadeen mmi Defid.’ ”35Akonayio ado enyere Abọọñ amaakaa akewot awo tọsịn ikie mme anaañ mme ition (185,000) ke nnaaekọñ Asiria. Mbon awo ekedemme ubakusen edemusen, sese afịd akedo mme akpo awo!36Ndin Senakerib adidem Asiria amaasuan nnaaekọñ anyʌñ atịmme edem. Anye amaanyọñ Ninife anyʌñ akeba do.37Usen keed, anye akesʌk akpono abasi amọ Nisrọk ke tembịd, nditọ ideen amọ Adramelek ye Saresa emaewot anye ke akañkañ, ndin efeeñe ekaa isọñ Ararad. Ndin Esahadọn ayịn amọ amaadat itie amọ nte adidem.Biblica, Inc.