Udiana Ñwed Ndidem13
Yehoahas Adidem Isrel
1Ke ayọhọ isua edịb mme ita ke ukara Yoas ayịn Ahasaiya adidem Yuda, Yehoahas ayịn Yehu amaado adidem Isrel ke Sameria, ndin anye amaakara isua duob mme itiaba.2Anye amaanam idiọọkñkpọ ke anyen Abọọñ ke edikeene mme ndiọiñkpọ Yerobuam ayịn Nebad, anye akenamma Isrel enam, ndin anye ikiwọññọke ikpọñ ammọ.3Ndin iyadesịd Abọọñ amaakeene Isrel, ndin ke anyan ini anye amaasịn ammọ ke idak adudu Hasel adidem Aram ye Ben-Hadad ayịn amọ.4Ndin Yehoahas amaayem mfọn Abọọñ, ndin Abọọñ amaakpañ utọñ anọ anye, sia anye amaakịt naña adidem Aram akefʌnnọ Isrel.5Abọọñ amaasio andinyaaña anọ Isrel, ndin ammọ emaebọkkọ ke adudu Aram. Ndin Isrel emaedʌñ ke mme atʌñ ammọ naña akesidak ado.6Ado ammọ ikiwọññọke ikpọñ mme ndiọiñkpọ ufọk Yerobuam, ake anye akenamma Isrel anam; ammọ emaekaa iso enam. Ñko, abai Asera akesʌk adada ke Sameria.7Ñkpọ ndomokeed ikisʌhọke a-akenieghe udịmekọñ Yehoahas imiibọhọke mme awad enañmbakara aba mme duob, sariọd duob ye mme anwanaekọñ tọsịn duob, sia adidem Aram amaasobo mbon ako anyʌñ anam ammọ eba nte ntọñ itie ukọkñkpọ.8Mme ñkpọ mfen ke ukara Yehoahas, afịd se anye akenam ye ukeme amọ, ado nte awo iwette ke ñwed mbʌkutom mme ndidem Isrel?9Yehoahas amaaduọk adudu ye mme eteete amọ emaenyʌñ ebuuk anye ke Sameria. Ndin Yehoas ayịn amọ amaadat itie amọ nte adidem.Yehoas Adidem Isrel
10Ke ayọhọ isua edịb mme duob mme itiaba ke ukara Yoas adidem Yuda, Yehoas ayịn Yehoahas amaado adidem Isrel ke Sameria, ndin anye amaakara isua duob mme itiokeed.11Anye amaanam idiọọkñkpọ ke anyen Abọọñ ikinyʌññọ iwọññọ ikpọñ mme ndiọiñkpọ Yerobuam ayịn Nebad, ake anye akenamma yak mbon Isrel enam; ado anye amaakaa iso anam.12Amaado mme ñkpọ mfen ke ukara Yehoas, afịd se anye akenam ye mme utom amọ, ye anwan amọ ye Amasaiya adidem Yuda, ado nte awo iwette ke ñwed mbʌkutom mme ndidem Isrel?13Yehoas amaakeduọk adudu, ndin Yerobuam amaadat itie amọ ke ebekpo. Emaebuuk Yehoas ke Sameria ye mme ndidem Isrel.14Ndin Elisa akesʌk adọdọñọ ye udọñọ a-akedatta uwem amọ. Yehoas adidem Isrel amaakaa akese anye anyʌñ atua abaña anye. Anye amaatua, “Ete mmi! Ete mmi! Mme sariọd ye mme awad enañmbakara Isrel!”15Elisa amaabo, “Dat idañ ye mme utịgha,” anye amaanyʌñ anam ntoro.16Anye amaabo adidem Isrel, “Dat idañ ke ubọk mfo. Ke ini anye amaakenam ntoro, Elisa amaasịn ubọk amọ ke ubọk adidem.17“Beere ubenafịm edem usakkautịn,” anye amaabo, ndin anye amaabeere anye. Elisa amaabo, “Tịgha!” ndin anye amaatịgha. Elisa amaabo, “Utịgha adikan Abọọñ, utịgha adikan Aram! Afo ayaasobo afịd mbon Aram e-ebaaha ke Afek.”18Ndin anye amaabo, “Koono mme utịgha ado,” ndin adidem amaakoono ammọ. Elisa amaabo adidem Isrel, “Yʌppọ isọñ.” Anye amaayʌppọ anye akañ ita ndin atre.19Awo Abasi amaayat esịd ye anye ndin amaabo. “Akpekena afo ayʌppọ isọñ akañ ition me akañ itiokeed; ndin afo akpaakekan Aram a-anyʌñ asobo anye afịd-afịd. Ado idahami afo uduukan anye akañ ita kpọd.”20Elisa amaakpa emaenyʌñ ebuuk.Ndin mbon utaññkpọ Mọb emaesidʌk idịd afịd ini utọ.21Inikeed idaha ake mbon Isrel ekesʌkkọ ebuuk ete keed, inikeed ammọ emaekịt udịm mbon utaññkpọ; ndin ammọ emaetop akpo ete ado esịn ke udi Elisa. Akpo ete ado aketuuk akpọ Elisa, ndin ete ado amaaset anyʌñ adakka ada ke ukod amọ.22Hasel adidem Aram amaafʌnnọ Isrel ke afịd ini ukara Yehoahas.23Ado Abọọñ amaafọn ido ye ammọ anyʌñ atua ammọ mbọm anyʌñ awọt ke imikere ibaña ammọ ke ntak edioomo amọ ye Ebraham, Aisik ye Yekọb. Tutu usen mfịn anye ibeeñeke idem adisobo ammọ me adibịne ammọ nsio ke iso amọ.24Hasel adidem Aram amaakpa, ndin Ben-Hadad ayịn amọ amaadat itie amọ nte adidem.25Ndin Yehoas ayịn Yehoahas amaamaana abọi ato Ben-Hadad ayịn Hasel mme abio se anye akebọi ke ekọñ ato ete amọ Yehoahas. Yehoas amaakan anye akañ ita, anye amaanyʌñ abọi mme abio Isrel.
Biblica, Inc.