Udiana Ñwed Krọnikịd9
Abọọñanwaan Seba Adise Sọlọmọn
1Ke ini akwa abọọñanwaan Seba akekoppo etob abaña Sọlọmọn, anye amaadi Yeruselem adidomo Sọlọmọn idomo ye ñkpọsọñ mbuume. Ke anye adisịmme ye ataa uwak udịm mbonisañ, ye mme kamel e-ebiommo mme anemufịk mfiọññọ, uwak ibad kold, ye mme nsọñudua itiad; anye amaadi abịne Sọlọmọn anyʌñ adineme ye anye abaña afịd se ikisịne anye ke esịd.2Sọlọmọn amaabọọrọ afịd mbuume amọ; ibaaha se ikisọñ ikan anye adinam nọ anwaña anye.3Ke ini akwa abọọñanwaan Seba akekịtte aniọñ Sọlọmọn, akọrọ ye ufọkadidem a-anye akebọppọ,4ndidia ke akpokoro amọ, naña mme adaaha amọ etie, mme nditọufọk ye mme nsiine ammọ, mbon ukama kọọb ye mme nsiine ammọ ye mme ufọfọb uwa ake anye akenamma ke tembịd Abọọñ, idem amaakpa anye ataa eti-eti.5Anye amaabo adidem, “Mbʌk a-ami ñkekoppo ke idʌñ mmi mbaña mme ñkpọ se afo anam ye aniọñ a-afo anieghe ado akpanikọ.6Ado ami ñkinịmme se ammọ eketañ tutu ami ndi ndikịt ke anyen mmi. Ke adinekke ntañ, awo ikindọkkọke kpak mbakka iba naña aniọñ mfo akpon; amenekke aka anyan akpọñ mbʌk ake ami ñkekoppo.7Ana ado mbon mfo enekke ekop ataa inemesịd! Mme adaaha mfo, e-edaaha ke iso mfo afịd ini enyʌñ ekop aniọñ mfo, e-ekop ataa inemesịd!8Itooro anie Abọọñ Abasi mfo, ake anemme esịd ye afo anyʌñ unịm fiin ke ebekpo amọ nte adidem adikara nnọọ Abọọñ Abasi mfo. Ke ntak ima a-Abasi mfo anieghe anọ Isrel ye uduak amọ adimʌm ammọ ñkama ke nsi-nsi, anye anam afo ado adidem anọ ammọ, nọ afo anam unen ye adinenido esọọñọ eda.”9Akem anye amaanọ adidem talen kold 120 (ikie keed mme edịb) , ataa uwak anemufịk mfiọññọ, ye mme nsọñudua itiad. Kpaanaanam ikibaaha utọ mme anemufịk mfiọññọ e-ebaaha nte mbon ake akwa abọọñanwaan Seba akenọọhọ adidem Sọlọmọn.10(Nditọufọk Hiram ye nditọufọk Sọlọmọn emaeben kold eto Ọfia edi; ammọ emaenyʌñ eben eto alkọm ye mme nsọñudua itiad edi.11Adidem amaadat mme eto alkọm anam mme usaña ndọọk ufọk ke tembịd Abọọñ ye ke ufọkadidem, anyʌñ adat anam mme ekpa ye mme ndidoudʌk anọ mbon ikwọ. Kpaanaanam utọ mme eto alkọm ado, awo ikikịtte ke Yuda.)12Adidem Sọlọmọn amaanọ abọọñanwaan Seba afịd udọñ esịd amọ ye se anye akebeeñe; Adidem Sọlọmọn amaanọ anye ñkpọ se iwak ikan se anye akedinọ adidem. Akem anye amaakpọñ anyʌñ atịmme edem ye udịm amọ anyọñ abio amọ.Inie Sọlọmọn
13Udob kold se Sọlọmọn akebọọ kwa isua akedo talen ikie itiokeed mme ata mme itiokeed (666) ,14isịneke akʌk se mme mbon mbịn ye mme anyamudua ekeben edi. Ñko afịd mme ndidem Arebia ye mme adaukara mme idịd emaeben kold ye silfa esọk Sọlọmọn.15Adidem Sọlọmọn amaanam ikpọ atuekọñ ikie iba ekedatta kold enam; ekekama sekel kold ikie itiokeed enam atuekọñ keed.16Anye amaanyʌñ anam ntək-ntək atuekọñ ikie ita kpa ke umemịñ kold, ekekama sekel kold ikie ita enam atuekọñ keed. Adidem amaabono ammọ ke Ufọkadidem ake Akai Lebanọn.17Ndin adidem amaadat nnʌkeniin anam ekamba ebekpo anyʌñ adat ataa eti kold afʌk anye.18Ebekpo akenie ikpeghe usaña ndọọk itiokeed, ndin amaanam udodukod kold ayịd. Ke edem iba ñkpọitie udodubọk amaaba, ekpe anyʌñ ada ke ñkañ ammọ keedekeed.19Ekpe duob mme iba emaeda ke mme utọukod ado, keed ke iwuod utọukod keedekeed. Akenaanam awo ikinamma utọ ado ke abio adidem ubọọñ ndomokeed mfen.20Afịd iko unwọññkpọ Adidem Sọlọmọn ekedoñño ataa adeghe kold, ñko afịd ñkpọ ufọk ke Ufọkadidem ke Akai Lebanọn ekedoñño ataa adeghe kold. Awo ikikamake silfa inam ñkpọ ndomokeed, sia ekedat silfa nte ñkpọ i-imiinekkeke inieghe ufọn ke ayio Sọlọmọn.21Adidem amaanie mme ikpọ ubom unyam udua ake Taasis ake nditọufọk Hiram ekedaaha iso. Akañ keed ke isua ita ke anye akesitịmme anyọñ adi, akoono kold, silfa ye nnʌkeniin, ye mme amọnidiọk ye mme ikpọkebọk.22Adidem Sọlọmọn amaamọinyọ ke inie ye ke aniọñ akan afịd mme ndidem mfen ke ederimbod.23Afịd mme ndidem ke ekondo emaeyem ediba ke iso Sọlọmọn nọ ekop aniọñ ake Abasi akesịnne anye ke esịd.24Isua ke isua, afịd awo se ikidi emaedat enọ edi, ñkpọ silfa ye kold, mme usesịne ñkpọ, mme ñkpọ ekọñ ye anem ufịk ufọfiọññọ ñkpọ, mme enañmbakara ye mme ñwaahadọñki.25Sọlọmọn amaanie abaenañ tọsịn inaañ anọ enañmbakara ye sariọd, ye enañmbakara tọsịn duob mme iba, ake adidem akebonno ke mme abio sariọd ye ke Yeruselem.26Anye amaakara afịd mme ndidem tọọñọ ke Inyañ Yufretis tutu akesịm ke isọñ Filistia, anyʌñ aboiyo asịm adaña Iyib.27Adidem amaanam silfa awak ke Yeruselem nte ñkaña itiad, ndin eto sida amaawak nte mme eto fik-sikamọ ke mme mben abod.28Eketobo mme enañmbakara Sọlọmọn eto Iyib ye ke afịd mme idịd mfen.Ñkpa Sọlọmọn
29Amaado mme edinam mfen ke ini ukara Sọlọmọn, tọọñọ ke ntọọñọ tutu asịm akpatre, nte awo iwette ammọ isịn ke mme ñwed prọfed Natan, ke ikọ prọfesi Ahiya awo Silo ye ke mme ñkukịd Iddo akịdñkukịd ke abaña Yerobuam ayịn Nebad?30Sọlọmọn amaatie ke Yeruselem akara ke afịd Isrel ke isua aba.31Ndin Sọlọmọn amaakeduọk adudu ye mme eteete amọ emaenyʌñ ebuuk anye ke abio Defid ete amọ. Ndin Rehoboam ayịn amọ amaadat itie amọ nte adidem.Biblica, Inc.