Udiana Ñwed Krọnikịd4
Ñkpọ Mbanaufọk Tembịd
1Anye amaadat akpoho anam akpokoro uwa kubid edịb ke unyọọñ, kubid edịb ke ukpa ye kubid duob ke ukoñ .2Anye amaadat ukwak akpoho anam Akpainyañ, anam anye ado ikara-ikara, udomo amọ akedo kubid duob tọọñọ ke mbeñ keed tutu akaa akewuọ mbeñ mfen ye kubid ition ke ukoñ. Ekedat udʌk a-adooho kubid edịb mme duob edidomo anye ñkanna.3Ke idak mben ado, emaewet mbid ñyaaraenañ ekanna anye ekʌk, duob ke kubid keed . Emaetat udịm ñyaaraenañ iba ke itie keed ye Akpainyañ ado.4Akpainyañ ado akedoro ke anyọñ ñyaaraenañ duob mme iba, ita esak iso ese adoro, ita ese usobutịn, ita ese usuuk ndin ita ese usakkautịn. Akpainyañ ado akedoro ke edem ammọ, ndin ukod edem ammọ akewọt ufọọd.5Udob amọ akedo ekaubọk keed , ndin mben amọ aketie nte mben kọọb, nte nseghe lili. Anye akedọñọ abañ mmọọñ tọsịn ita (3,000) .6Akem anye amaanam besịn duob se edat eyeet ñkpọ anyʌñ anịm ition ke ñkañ usuuk-usuuk ye ition ke ñkañ anyọñ-anyọñ. Ekesidat ammọ eyeet mme ñkpọ se ekama enam ufọfọb uwa, ado mme aku ekesidat mmọọñ ekamba abesịn eyeet ñkpọ.7Anye amaanam ñkpọ uwuuk utuenikañ duob ke kold nte asañake akekem ye aduuk ammọ anyʌñ anịm ammọ ke tembịd, ition ke usuuk-usuuk ndin ition ke anyọñ-anyọñ.8Anye amaanam akpokoro duob anyʌñ anịm ke tembịd, ition ke ñkañ usuuk-usuuk ye ition ke anyọñ-anyọñ. Anye amaanyʌñ anam usan usiime mmọọñ ikie keed ke kold.9Anye amaanam esa anọ mme aku, ye ekamba esob ye mme usʌñ ke esob ado, anyʌñ afʌk mme usʌñ ke akpoho.10Anye amaanịm mmọọñ ekamba abesịn ke ñkañ usuuk-usuuk, ke inuuk usuuk edem usobutịn.11Ndin Huram amaanyʌñ anam mme ako ye mme udọk mbakara ye mme usan usiimeñkpọ.Ndin Huram amaakweeñe ubiọñutom anye akenamma anọ Adidem Sọlọmọn ke tembịd Abasi:12mme adaaha iba; mme mbuod iba e-ebaaha nte ntəño usan ke anyọñ mme adaaha; mme ukpakpakka ñkpọ iba edatta ebana mme mbuod iba e-ebaaha ke anyọñ mme adaaha;13pomekrened ikie inaañ (400) a-anieghe ukpakpakka ubonoñkpọ iba (udịm pomekrened iba ke ukpakpakka ubonoñkpọ keedekeed ebana mme mbuod iba e-ebaaha nte ntəño usan e-ebaaha ke anyọñ adaaha);14mme udodñkpọ ye mme besịn ammọ;15Akpainyañ ye ñyaaraenañ duob mme iba ke idak amọ;16mme ako, mme udọk mbakara, mme akuum ye afịd ñkpoduoho utom se isaña ye ammọ.
Afịd ñkpọ se Huram-Abi akenam anọ adidem Sọlọmọn ke tembịd Abọọñ akedo ake nti brọns.17Adidem amaanam etat ammọ ke udomoñkpọ aduañ ke unaisọñ Yọdan ke ufọọd Sukọd ye Saretan .18Afịd mme ñkpọ se Sọlọmọn akenam emaesọñ udua eti-eti tutu awo ikanna ibat udob brọns.19Sọlọmọn amaanyʌñ anam afịd ñkpọ mbana ufọk a-akebaaha ke tembịd Abasi:
akpokoro uwa e-enamma ke kold; mme akpokoro udod Uyo Iso Abasi;20mme udodutuenikañ ake ataa eti kold ye mme utuenikañ ammọ, yak asak ke iso ata esịd adisana itieukpono naña ekebiere;21mbana ñkpokpoñ ake kold ye mme utuenikañ ye ufadikañ (ekenam ammọ ke ataa eti kold);22ekedat ataa eti kold enam ufad afọñikañ, usan usiimeñkpọ, mme usan ye mme usan insensi; ye mme usʌñ kold ke tembịd: mme usʌñ ke esịd Ata Adisana Itie ye mme usʌñ ke akpan afe.
Biblica, Inc.